كرونيك جديدة بعنوان🌹القدر🌹

2⃣9⃣ والاخير

الحلقة 29:
لغدوة حكمو على الجاني كان طفل اجرتو امها باش تتخلص منها و توصلو لهدا عبر تسجيل كاميرا تع فيلا كانت مقابلة مكان الحفلة يعني كان غبي و متولهش ليها بلا ما يفورصيو عليه الشرطة قال كلش و هدا طمعا فتخفيف عقوبتو امهافهداك الوقت كانت مخططة للهرب مع نجلاء .. تسافر و تكمل تعيش حياتها عادي مي حكموها فالمطار و داو نجلاء تاني اما من بعد طلقو صراحها و حاجة باينة كانت كيف امها هجرت من لبلاد. وحدها و مسقساتش على امها
و ضرك نعرفو حقيقة ام ندى عن طريق باباها لي كان قاعد يشوف معاها من وحد الزجاج : و الله متستاهلي واش صاري فيك ... تعدبتي بزاف .. تربيتي بلا حنية ام لي توفات و نتي عمرك عام تربيتي على يد اسوء امراة تحب غير المال و الله معلابالي كيفاش زوجت بيها عماني ربي .... هه خوك البطل تاعك راح و خلاك توفا و انا مكنتش شبعان منو ... كنت حاب نخليه راجل ... مي هو كان راجل من صغرو ضغطت عليه بلا منتوله و راني ندمان نتمنى يسامحني انتي خرجني و انا محبيتش نردك بالغصب على بالي راح تلقاي راحتك وحدك معلاباليش كيفاش رايحة نقابلك
لؤي: اول ما تقوم راح تبفى معايا .... هي بدات حياة جديدة
- و انا محال نوقفلها فوجهها ... اتهلى فيها
- انشاء الله .... دور راسو يشوف غيها حتة لقاها حركت يدها ناض يعيط : ههههه حركت ... حركت يدها .. والله حركت يدها
- عينيها ... راهي تحل فيهم اجري عيط لدكتور
- اوك .. راح يجري و جابو دخل الدكتور و هو بقا مع باباها لبرة حتى خرج الطبيب : الحمد الله ... زال الخطر بقا شوية مفعول التخدير و تفطن مليح جسمها راه قاعد يتعالج بزربة
باباها : الحمد الله نقدر نشوفها
- ضرك لا بعد مينقلوها من هاد الغرفة نسمحلكم بالزيارة و هدا باش ترتاح مليح
- اوك دكتور ربي يبشرك كي كا فرحتني
بعد اربع ساعات كانت فبيت خلاف فطنت مليح قاعدو و تتفكر فلي صار
دخل باباها : معليش نجيك
- توحشتك بابا
- حتى انا توحشتك يا روحي ... منصورش شحال خفت عليك و فرب باسها على راسها .
- بابا واش صرا! شكون حب يقتلني ..حكم حكالها كلش هي بقات مشوكية فلي صرا بعد خرج خلاها ترتاح و اتم دخل الطايش : الحمد الله على سلامتك
- الله يسلمك
- كيفاش تحسي فروحك
- مليحة .. شوية وجيعة
- فيا و لى فيك
- بعيد الشر عليك
- نحبك
- اااه !
- ندى ربي يعيشك متحماريش و خليني نهدر صبرت بزاف و معنديش قدرة نحمانتهت
... صبرت بزاف من نهار حطيتي يديك على وجهي و انا نحبك
- هاااه يعني انا حبيتك قبل و كتر
- ههههه و الله مهبولة ... حكم يدها و لبسها الخاتم : اول ما تخرجي راح يكون عرسنا
- اااه
- ندى افطني ولى راح نرووووح
- و الله نقتلك
- و هاااااه راح نتزوج بمجرمة ههههه ... تعلمتي العنف !
- هههه من بكري موش جديدة
هبط على فمها وهي تخزر في عينيه تفاعلت معاه وتوحدو قلوبهم ومشاعرهم في بوسة طووووويلة نحاتلهم الغبن ورجعتلهم الفرحة والحياة
***************
فوت & كومونت بليز
انشاء الله تكون عجبتكم سلام
(متنساوش رايكم!). 💟💟💟💟💟💟💟💟انتهت