كرونيك جديدة بعنوان🌹القدر🌹

3⃣

الحلقة3
دخلو قعدو فالريسطو طلبو واش ياكلو ... نهى بقات تحكي واش صرالها لندى حتى سمعو حس كان طفل ضاربهم بالظهر واقف قدام طفلة و يعيط : نوضي ... امشي قدامي
ااطفلة كانت مهبطة راسها و تبكي : منقدرش نجي معاك ... لي كان بينتنا خلاص
الطفل: كان .... خلاص ... واش بقداه باعوك و لى بقداه شراوك .... الغلطة موش فيك الغلطة فيا لي مشيت معاك بالنية ... الغلطة فيا لي قلت راح تتربا مي واش نسنى من وحدة رخيسة هز كف عطاهولها و جا خارج لحقتو الطفلة و حضنتو : سامحني مي لازم عليا ... عارف ظروفي... نحبك .. نموت عليك مي لازم نضحي .... سامحني ...
الطفل مقال حتى كلمة بعدها عليه و خرج
نهى: شفتي كاين و كاين
ندى : هممم واش ثاني
نهى :كاين لبنات الهجالات و الذكورة الرخاس و كاين الفحل و الفحلة
ندى: مم فوتينا من لحكاية مسكين غاضني و هي باينة وحدة جيعانة دوري شوفي واش راهي دير اااع مدت النميرو تاعها لشايب قد باباها بففف نوضي عفت هاد البلاصة و هما خارجين لقاو تلفون مطايش فلرض و معاه مفاتح هزتهم ندى و شافت فالتلفون لقات صورة الطفل موش غريبة عليها .... نهى شوفي هدا وين ... نهى طول قصت عليها الهدرة و عيطت : هدا الطفل تع الصباح ... التبهديلة ههههه شفيتي !
ندى :امم انا نروح نمدهملو و نتي عيطيلي كيما تخلصي الحفلة ههه يعني تهربي
نهى:اااع فكرتيني نا نروح لعند عايلة خطيبي بفففف ربي يهدي ماما هههه
ندى: ربي معاك ...
******************
فوت & كومونت بليز