كرونيك جديدة بعنوان🌹القدر🌹

1⃣7⃣

الحلقة: 17
- ههه بلا مزية
تهنات ندى و دارت باش تروح
لؤي : المهم.... متنسايش الشكر هداك
-هههه منسيتش غدوة عارضتك على غداء تع دار
- اوووه يعني نبقا بلا غداء
- همممم نشوفو هزت ورقة من لي كانو على البيرو كتبت عنوان دار نهى و مدتهالو ... متنساش برك
- انشاء الله ... و متنسايش غدوة تجيبي واش يلزم باش تسنيي معانا عقد
- اييه علابالي قريت الاعلان مليح واش فيه - مليح و بعد غد راح تبداي الخدمة
- انشاء الله .. سلام
خرجت ندى و هي فرحااانة تهنات من جيهة المصروف .. و كان عندها امل من جيهة لؤي
روحت طول لدار لقات نهى فالدار تستنى فيها
نهى: اهلا ... من قبيل و نا نستنا .. وين كنتي ... مزالك مرتحتيش .. تولهي لصحتك
ندى: اييه .... من الفرحة مسيت كلش ... تعرفي لقيت خدمة
نهى: ندى راكي مصممة تبعدي على داركم ... مهما يطون عايلتك
- مخلاوليش حل اخر .. موش انا لي يزوجوني لمصلحتهم
- هه و الله هادي مليحة هما يعيشو حياتهم على حسابنا .. المهم نا راح نرجع لدار ... انا لي غايضتني ماما لي وحدها .. سعات نقول ندير كيفك .. نبقى هنا و نبعد علبها من بعد نتفكر كيفاش حاربت باش توقف على رجليها بعد ما توفا بابا
- صح راني معاك .. ربي يهدينا
- امين ... نخليك راهي تستنا فيا .. كيما قلتلك كلش كاين فالدار مكلاه تعبي روحك و تقضي ...
- اممم نهى .. درت حاجة بلا منقولك
- هممم واش ؟
- عرضت لؤي لدارك .. باش ياكل من طيابي
- اييه وين حابة توصلي؟
- والله معلابالي .. المهم يكون حدايا .. معلاباليش ؟
- ههههه مليح .. ضرك نروح لغدوة و نحكيو اااه غدوة يجي ... خليني وحدي ههههه
- حاضر هههه ... و ديجا غدوة عرضني سيف باش نخرج معاه
- هممم اوك اوك بدينا الخرجات
- هههه واش تحبي لازم نحكيو ههه
-صح صح .. هيا اخرجي طولتي على ماماك
- هيا اوك
خرجت نهى و ندى راحت تشوف واش ناقصها و بدات تخطط واش دير كمل نهار طاحت رقدت لغدوة ناضت بكري ريقلت امورها .. اول حاجة راحت مضات العقد فالمصنع و رجعت لدار و جدت الغداء و حطتو يطيب زادت زينت الطابلة و راحت دير دوش تنحي عليها التعب و ريحة الطياب خرجت لبسة غوب ميني نواغ و لمت شعرها كعكة و خرجت منها شعرات زادت غسيل مع غوج و لبست بليغة غوج هي هكلك حتى سمعت الباب حطت برفان للبسة براسلي و راحت تفتح ... فتحت الباب و تبسمت
لؤي: اسمحيلي غلطت فالدار
***********************
فوت & كومونت بليز