Forget My Self ❤

Chapter 2

رانيا بتبص قدامها لاقت جيما صاحبتها جاية بتجرى هى و اخوها هاري

((جيما صاحبة سالى و رانيا الثالثة من زمان قوى من ايام المدرسة ومع بعض فى نفس الكلية بنت هايلة ومن عيلة غنيه جدا بس عمرها ما اتكبرت على صحابها ))

((هاري ظابط قد الدنيا بس قلبه طيب 28 سنة طويل و وسيم واهم ما فيه رجولته بيعتبر نفسه المسؤل عن البنات وبيخاف عليهم جداااا ))

رانيا بتبص لسالى : قادرة وقوية ومفترية كمان طيب انا و ماشى وحظى المنيل انى ساكنة معاكى فى نفس البيت ذنبهم ايه دول حرام عليكى من اخر الدنيا جيباهم

سالى هتموت على نفسها من الضحك على رد فعل رانيا

سالى: والله محساسنى انى مودياكى سجن ابو غريب ايه يا بنتى دى اسكندرية كلها قد كده كمان هو انا بعذبكم يعنى ما الناس اهى زى الفل بصى حواليكى هتلاقى ناس كتير كده

رانيا: يا امى ده فى الصيف مش فى الجو الى احنا فيه ده .......... ده غير ان احنا ورانا كليه ومش اى كليه

سالى: يا راتوش ده احلى جو دلوقتى فاضل بس شوية مطر و يبقى كله تمام

رانيا: هو انا هخلص امشى امشى ولا امشى ليه اجرى اجرى

جيما وهاري كان خلاص وصلوا قدامهم

جيما:صباح الخير يا بنات مالكم بتتخانقوا من بعيد ليه

سالى: صباح الفل يا ريمو ابدا صاحبتك يا ستى مش عاجبها انى منزلاكم كلكم تشجعونى

هاري :ليه بس كده يا راتوش ده الجو تحفة واحنا لازم نحافظ على نفسنا مش علشان سولى بس يعنى الصحة اهم ويبص هاري لسالى و يغيظها

سالى : بقى كده يا هرهر يعنى محدش يعمل علشانى حاجة كله مصلحة يعنى

هاري: بذمتك انتى فيه ظابط يتقالوا يا هرهر يعنى لو حد سمعها هياخدوا كل نجومى ودبابيرى

البنات كلهم : ههههههههههههههههههههههههههه

وبدوا كلهم يجروا و طبعا هاري و سالى كان مسبقين اما رانيا و جيما فيجروا بعض و يجروا شوية و يقفوا شويتين تلاثة اربعه كده وكل ما سالى و هاري يبصوا عليهم يموتوا من الضحك على المنظر

هاري: البنات هيموتوا منك يا ست البنات

سالى: ههههههههههه خليهم يبقوا احسن بكره هيشكرونى ....... وانت مش هتبطل بقى ست البنات دى

هاري: ليه بتضايقك قوى يعنى

سالى: لا بس بتقكرنى بسببها و لو غير كده كانت تبقى عادى

هاري: اولا انا بقولها فعلا علشان انتى ست البنات كلها ايه رائيك بقى

سالى: هو انا هخلص منك ابدا يلا اتفضل كمل جرى ما انا اهو بعمل فيك جميل علشان تبقى عندك لياقة للقبض على المجرمين