رددي أَحرُفَ الهوى فَكِلانا
في هواهُ معذبُ مقتولُ
لا تَقولي سَينتهي فهوانا
اختيارٌ و قدرٌ فَلنْ يَردهُ المستحيلُ .
بعد مرور شهرين الا اسبوعين
يوم زواج سيف من حنين وسامي من شوق
"الي صار بشهرين ذي ان رعد ورسل علاقتهم مشاكل ورعد تزوج ريم وراح لشهر العسل مع ريم وترك رسل بالبيت وهددها ياويلها تعلم احد
سامي صار يشك بشوق بس بيشوف اخرتها
علي كرر ازعاجه لرسل وقدر يوصل لحساباتها
نوف انخطبت من نادر الي غضبوه اهله ورفضته رفض قهر نادر
سلمى صارت تستمع لكلام نوف الي خلاها تروح للاستراحات وتصير رقاصه بدون ماتسوي شي مثل الزنا بس تروح للاستمتاع
سيف مقهور من الزواج وفكر بالهرب بس تذكر انه هو المسؤول
طلال اعجب ببنت العجوز الي يساعدهم وقرر يخبر جده يزوجهياه وجده وافق وخطبو البنت الي طلع اسمها رنيم وصارت الملكه والعرس مع بعض
رولا تحس بمشاعر غريبه اتجاه علي لها اكثر من مره تشوفه وكان علي يحاول يرجع لطلال بس طلال كان يطرده ورولا صارت علاقتها بخوها ماااش ودائما تغار منه
لارا علاقتها بباسل تطورت وصارو يشوفون بعض وباسل حجزها
وسام الي نسيناه زوجته كاترين حامل وبتوم وقدر ينجح بالقياس وانتقل للمرحله الاخيره بالجامعه وبنفس الوقت لقى وضيفه باحد الشركات الي تشتغل فيها كاترين وباقيله اسابيع ويرجع لسعوديه بعد ماخبر باسم انه تزوج وباسم انصدم وسكت لانها رغبت اخوه "
في القصر
الكوفيرا:يابنتي انتي بتخربي الميك اب كده
حنين "ايش تبغيني اسوي يعني افرح على حظي النحس اتزوجلي واحد يبي وحده ثانيه ويحبها ولا فكر في" مسحت دموعها وابتسمت: اعتذر ...دموع الفرحه
بدت الكوفيرا تضبط المكياج حق حنين وشوق خلصت بدري ولبست الفستان وجلست يضبطون تسريحتها
عند الرجال
رائد الي كان يكشخ مع رائف وبدر لزواج اخته شوق جته رساله وفتحها "انت يارائد ولد لقيط تبناك ابو نايف وانا فاعل خير اخبرك رائف وريماس شرعيين ام انت لقيط والمعنى انك جيت بحرام ....المجهول "
ارتجف رائد وحس بضعف وقرف شعور خلا معدته تنقلب وراح للحمام ركض يستفرغ "اكرمكم الله "شد قضبت يده ودموعه انهارت ناظر نفسه بالمرايه دموعه حمراء وشكله يخوف مسح دموعه وضبط شكله وطلع لم بدو الناس يتجمعون في القصر
عند البنات
الاغاني تلولع بكل مكان وامهات العروسات وام العرسان ولارا وريماس" اخت شوق من الاب" ووجدان يرقصون على شيله تخص ام العرسان والعروسات واخوات العرسان والعروسات
بعد ماخلصت شغلو شيله للعيله كلها والكل رقص
ببيت رعد
جالسه لحالها بالغرفه وتبكي وتشاهق جتها صوره من الرقم الي دمر حياتها "حبيبي ماله بهدنيا مثيل " غيرت الاسم وسمته"شيطان رجيم "فتحت الصوره وبكت زياده كانت صوره لرعد الي مسافر لاوروبا وهو يحظن الزفت ريم انقهرت وحظرت الرقم وبلغت عليه
هدت شوي بس ماضل الهدوء الا وجت لرسل لوعه بكبدها راحت ركض للحمام واستفرغت طلعت من الحمام" اكرمكم الله"وهي تمسك بطنها ووجهها تعبان "اخخخ يارعد لو تدري شنو الي فيني ....هه حامل بولدك وانت ولا همك تسال عني "بكت تحس بحرقه بقلبها
قدرت رسل تعرف انها حامل من انقطاع الدوره لها ذلحين شهر ونص حامل وهي ماراحت للمستشفى لان رعد حاط حراس بكل مكان بالحديقه وخارج البيت لمنع رسل تهرب او تطلع
مع انها تقدر تعلم اهلها بالجوال بس ماتبغاء
اخذت جوالها ودقت على ابوها :الو يبه
ابو سيف ابتسم بحزن: رسل
رسل غمضت عيونها: كيفك يبه
ابو سيف حس بخنقه:تمام انتي.يابنتي كيفك وكيف رعد معك
رسل بشهقه:تمام .....يبه تكفى اااااهئ تكفي سامحني والله مو قادره اعيش وانتم زعلانين اااهئ تكفى يبه تكفى اااااهئ
ابو سيف بدموع مسحها بسرعه لانه عند الناس:مسامحك من زمان بس هذا عقاب لك
رسل بشهقات تحزن:متاكد ااااهئ مسامحني يبه تكفى اااااهئ
ابو سيف ابتسم بحزن: والله مسامحك
رسل جلست على الكرسي ودموعها منهاره :الله يخليك لي ولا يحرمني منك
ابو سيف ابتسم بهدوء: اتصلي على سيف وسامي وباركيلهم قبل لايدخلون على حريمهم
رسل مسحت دموعها وهي تهز راسها: طيب
قفلت من عند ابوها ودقت على سيف ولقته مقفل ارسلت له رساله" الف مبروك ياخوي ادعي الله انه يسعدك ويريحك بدنيتك واخرتك ..باركلي حنين ....واعلم اني مستحيل اخون عائلتي اتمنى انك تسامحني صدقني ياخوي اني احبكم ولا يمكن اني اضركم اختك رسل "
دقت على سامي دق ودق ودق مارد شكله ناسي جواله بمكان ارسلت له تفس الكلام "الف مبروك الزواج ياخوي والله يسعدك بدنيتك واخرتك سلملي على شوق وباركليها ......في طلب مني ياخوي انك تسامحني والله مو مرتاحه بما انكم زعلانين علي صدقني ياسامي احبك احبك انت اخوي وعزوتي "
