أَأَدعي إِني أَصبحتُ أَكرههُ
وكيفَ أَكرهُ من في الجفنِ سكناه
وكيف أَهربُ منهُ ؟ إِنهُ قدري
هل يملك النهر تغيراً لمجراه
_______________________
____عند رسل ورعد____________
صحى رعد وقام شاف رسل لسا ماصحت تنهد وقرر يروح للبيت ويودي ريم لاهلها لفتره لما تقوم رسل بسلامه طلع وانصدم بعائلة ابو سيف وابو نايف وابو نادر استغرب وتقدم لهم وسلم عليهم وابو سيف فرح لما شاف رعد :هلا والله بولدي هلا
رعد ابتسم بتوتر:هلا فيك اخبارك ياعمي وخبار العيال وعمتي
ابو سيف ابتسم: تماام الكل ...انت اخبارك واخبار رسل والله ياولدي ودي اشوفها وانا عازمك بكره على العشاء وبذبحلك ذبيحه ...بس متى رجعتم من السفره
رعد ارتبك: امس
ابو سيف بزعل:ورسل ليه ماقالت لي
رعد ابتسم: لاتزعل ياعمي رسل ماقصدت بس التهت تعرف بكره عندها اختبار ماقدمته والكل تخرجح الا هي بكره تبدا اختباراتها وهي انشغلت بدون قصد
ابو سيف ابتسم: الله يوفقها بدنيتها واخرتها
الكل :امين
رعد بهدوء:عسا ماشر ايش بلاكم جايين هنا
ابو نايف بحزن:بنتي وجدان صدمتها سياره وهي بغيبوبه والله اعلم متى تقوم منها
رعد انصدم: الله يقومها بسلامه
تنهد ابو نايف بحزن: امين
بفرنسا
قامت شوق وراحت اخذت شور وطلعت شافت سامي متضايق وواقف على البلكونه والهواء بارد وهو مبلول ركضت له ودخلته وقفلت لفت له بعصبيه:سامووي ليش كذا انت مبلول مابيك تمرض
سامي ابتسم: خايفه علي
شوق بخجل:اذا ماخفت عليك اخاف على منو اجل
حضنها سامي :الله لايحرمني منك
شوق بادلته الاحضان:ولا منك
بعد سامي وهو مبتسم بحب: ايش رايك نطلع نفطر برا
شوق :تمام بس بالاول جفف نفسك
سامي راح للغرفه واخذ فوطه وبدا يجفف نفسه ساعدته شوق وجففت شعره
بلندن
فتحت الباب بهدوء وخوف اخذت تتلفت وماشافت سيف تنهدت براحه وطلعت تمشي على اطراف اصابعها ماحست الا بسيف يمسكها مع خصرها ويدور فيها :تحسبين انك بتفلتين مني ياريشه
حنين حمر وجهها وقالت بعفويه بدون قصد:بعد عني وروح لرهف الي تحبها
وقف سيف وترك حنين وعيونه حزينه :حنين
حنين بعصبيه:سيف لاتضن اني نسيت السالفه او سالفة الكف
سيف انقهر وطلع من الشقه
حنين حست بالم بقلبها :ليش ليييش
بالسجن
تنازل نايف عن القضيه وقدرو الشباب "فهد وخالد وراشد" يطلعون من السجن
ركبو سيارتهم بعد مااعتذرو من نايف ودعو لخته بسلامه
ترتيب السياره راشد السواق وخالد بجنبه وفهد وراى
خالد بحزن:حرااام اخته مسكينه
فهد ناظره :هيييه خويلد اصح على عمرك هي الي نطت بوجه السياره
راشد ببرود:خويك انهبل
خالد بقهر من خوياه:انا ابروح اشوفها
فهد ضحك بسخريه: من جد انهبل .....هيييه خالد ايش بلاك
خالد ابتسم: تقدر تقول معجب
سحب راشد فرامل وناظر خالد بقهر وحزن :معجب!
فهد بعصبيه: يامجنون كنت بتقتلنا
راشد بصراخ وعيونه حمراء بدمع : خالد مو من جدك وانا
خالد بدهشه :انت ايش
راشد بالم: انا احبك
خالد انصدم وفهد انصدم
خالد بعصبيه: انت ابله كيف تحبني تراني ولد مثلك يارخمه
راشد بدموع: ايش اسوي بقلبي
فهد انخرش :انت من جدك ولا تمزح
راشد بعصبيه حرك السياره بسرعه:انت تشوفني امزح اذا كنت ماتحبني صدقني اموت
خالد تمسك بالكرسي:يامجنون وقف ياغبي انت ماتخاف ربك الي تسويه حرام ويهز عرش الرحمان ياراشد تكفى وقف
هدا راشد عشان يلف مع اللفه وقفل باب خالد ووقف ونزل وراح لباب فهد وفتحه ونزل فهد : انزل
فهد دف راشد:اقصر الشر احسلك وبعد يدك وارجع لوعيك
دف راشد فهد وركب بسرعه ودف خالد الي كان بينزل مع باب السواق وحرك بسرعه وفهد يسبه
خالد بعصبيه وصراخ: راشد وقف السياره لاوريك شي مايرضيك
ضحك راشد:هد حبيبي ثواني ونوصل
خالد مالقاء الا هطريقه وسحب الفرامل ولف الدركسون وانقلبت السياره مرتين
حط فهد يديه على راسه وهو منصدم كان يقدر يشوفهم مع ان المسافه بعيده ركض وهو منخرش
