مهمة حب ( الجزء الثاني من رحم للإيجار) للكاتبه ريحانه الجنه

سهرنا يا ليل هديه رأس السنه

قام كل العملاء والمهندسين وخرجوا كلهم . وفادي قاعد مكانه بهدوء وعنيه علي حلا بيتوعدلها . خرج اخر حد وحلا مش عارفة هو هيعمل فيها ايه. لقته قام بهدوء وراح عند باب المكتب وقفله بالمفتاح ولفلها وقرب من المكتب وكلم السكرتيرة.

فادي وهو عنيه في عنين حلا وبيبتسم بشر ومكر: ايوة يا سالي انا مش عايز مخلوق يعدي من قصاد المكتب مش حتي يخبط.  وانتي كمان تقدري تخرجي تروحي مكتب رعد باشا وتقعدي هناك لحد ما اطلبك فاهمة.

سالي: فاهمة يا فندم تحت امرك.

فادي قفل وبص لحلا لقاها بتقوم وبهدوء لحقها وقربها منه.

فادي: علي فين ؟

حلا بخوف منه ومن اللي بيفكر فيه : اااانا شكلي كدة بوظتلك الاجتماع فبقول امشي واسيبك تكمل شغل ونتقابل في البيت. عن اذنك.

فادي شدها وضمها اكتر : اممممم. يعني تيجي تخضيني وتوقعي قلبي . وكمان تقعدي قصادي وتجنيني بحركاتك وعنيكي . وكمان تبعتيلي صورتك امبارح وانتي .......مش هكمل انتي عارفة كان شكلك ايه وعملتي فيا ايه امبارح. وكمان خلتيني اتلخبط واتوتر قصاد العملاء وده مش طبعي الناس تقول عليا ايه دلوقتي. بعد كل ده عايزة تمشي عادي كدة ولا كأنك عملتي حاجة.

حلا ضغطت علي شفايفها بخبث وبتتصنع البراءة :انا!  انت بجد ظالمني اوي انا مكانش قصدي اعمل كل ده انا بس كنت عازماك علي دونتس بس .

فادي رفع حاحبه وبسخرية: بس!  دونتس بس؟
طيب هتمشي ازاي وانا لسة ما اكلتش الدونتس.

حلا رفعت كتفها بخفة: براحتك بقي كله براحتك انا همشي.

فادي ضمها.
لحضنه بقوة وغيظ منها ومن دلعها عليه اللي بقت بتتفنن فيه وهو خلاص مابقاش بيقدر يزعلها . كمان بقي يحب دلعها وجنانها.

فادي : طيب هو مش انا قولت هعاقبك وهكلك زي الدونتس. وانا لسة ما نفذتش عقابي ومافيش خروج من هنا وهتتاكلي حته ... حته...

حلا بتحاول تبعد : تؤتؤ اعقل علشان احنا في الشركة عارف لو حد اخد باله ممكن يحصل ايه!

فادي بيفك ازرار بلوزتها بلا مبالاه لكلامها: وهو انتي مش واخدة بالك اني قفلت الباب واني حذرت سالي ومشيتها كمان. يعني دلوقتي انا وانتي وال... وغمزها والعقااااب وبس.... اااه نسيت .. والدونتس .. قولتيلي الدونتس ده بالشيكولاتة مش كدة.

حلا ابتسمت بخجل من اللي بيعمله: ايوة شيكولاتة ...

فادي فتح العلبة واخد من الشيكولاتة اللي علي الدونتس وحطها علي شفايفها وبجرأة مش بتكون غير معاها وعلشانها: متهيألي ان الشيكولاتة دي مكانها مش الدونتس علشان تتاكل .. مكانها انتي وكل حتة فيكي ... استعدي علشان انتي هتكوني وجبة الدونتس بتاعتي وهكلك بجنون وجوع.............. وقرب منها واكل الشيكولاتة من شفايفها كأنه عمره ما دقها قبل كدة.