مهمة حب ( الجزء الثاني من رحم للإيجار) للكاتبه ريحانه الجنه

سهرنا يا ليل هديه رأس السنه

(((سهرنا يا ليل )))

حلقة مجمعة لأبطال من لأجمل الابطال اللي حبيتوهم وعشتوا معااهم ايام وشهور. والليلة هتعيشوا معاهم احتفال من احتفاليتهم اللي تجنن واللي كالعادة كلها حب ورومانسية . ويارب تكون سنة سعيدة وجميلة عليكم وتكون بداية جديدة وزي ما الحلقة هتكون سبب في ابتسامتكم ولو لدقائق اتمني تدعولي براحة البال وتحقيق الي بتمناااه . وكل عام وكل حبايبي وفانزي الجميل بخير وبالاخص الغوالي فانز غوالي لان دول بجد اخواتي وحبايبي مش اي فانز ربنا يسعدكم جميييعاااا .

happy New yaer 🎉🎉🎊🎊🎊🎁🎁🎁🎄🎄🎄🎄🎄🎄🎄🎄🎄🎄🎈🎈🎈🎈🎈🎈🎈🎈.

# 🌹بقلم ريحانة الجنه🌹

في شركة رعد الحديدي
وفي مكتب فادي بالتحديد.

فادي قاعد في اجتماع مهم وفجاة دحلت حلا فادي شافها دخلت اتخض وخاف يكون فيه حاجة قام بسرعة وساب الاجتماع والناس وقرب منها بلهفة وقلق.

فادي: حلا! خير في ايه؟ ايه اللي جابك دلوقتي حصل حاجة؟طب الولاد كويسين ! ما تردي فيه ايه؟

حلا جواها سعادة من حبه ليها وقلقه عليها وعلي الولاد بالشكل ده. وانه قام بالفزع ده وساب الاجتماع علشان يتطمن عليها.

حلا ابتسمت بنعونة وبصوت هادي: طيب ممكن تهدي علشان اعرف ارد عليك .

فادي اتنهد: اتفضلي قولي.

حلا بتردد وخوف من غضبه اللي ممكن يضيع كل الحنية والقلق اللي عدوا دول

حلا بتردد: احمم. ابدا مافيش حاجة مهمة ااانا بس كنت بجيب حاجات علشات حفلة بالليل فقولت اجي اشوفك وجبتلك معايا دونتس وكنت عايزة اكله معاك. ببص لو هتزعق وتعلي صوتك ارجوك مش قصاد الناس اجلها لما نبقي لوحدنا.

فادي بيسمعها بدهشة ومع نهاية كلامها وشكلها وهي خايفة زي طفلة بريئة اتنهد علي برائتها اللي مستحيل تروح بفعل السنين. بص غلي علبة الدونتس اللي في ايديها و ابتسم وقرب منها ووشوشها.

فادي انا مش هزعق قصاد الناس ولا واحنا لوحدنا بس عقابك علي خضتي وقلبي اللي وقع بسببك دلوقتي هيكون عسسير اوي وضغط علي خصرها بقوة وقرصها. هكلك واطحنك زي الدونتس دي علشان تحرمي توقعي قلبي .

حلا بتكتم ضحكتها اللي كلها سعادة فادي كل يوم بيتغير للاحسن وبيبقي اقرب ليها . وبصوت هادي .

حلا : طيب روح كمل اجتماعك الناس بتبص علينا وانا هقعد هنا استناك ومش هعمل صوت.

فادي بص لعيونها البريئة وجمالها اللي بيزيد مع كل سنة بتعدي مش بيقل واتنهد: طب بذمتك هكمل الاجتماع ده ازاي وانتي هنا قصادي كدة هركز فيه ولا في عيونك دي اااااه منك مصممة تبوظي هيبتي قصاد الناس. تعالي يا حلا حياتي .