مهمة حب ( الجزء الثاني من رحم للإيجار) للكاتبه ريحانه الجنه

١٠

انا بجد اسفة للتأخير. بس كنت هأجلها ليوم الاحد. بس ماحبتش تزعلوا مني فخلصتها كلها في يوم علشان تنزل النهاردة.

كمان معلش الناس اللي بتقول ليه مركزة مع فادي وشهاب. هقول تاني هما الابطال الاساسين والباقي هيظهروا بالتبادل وتاني مش كل حلقة هظهر كل الابطال صعب الحلقة والحوار بين الابطال كبير وبياخد وقت والحلقة مش هتتحمل كل ده . كمان كومنتات كتير بتقول وضحي ايه اللي حصل لملك بسرعة. الاحداث ليها ترتيب معين  لازم التزم بيه وكل حاجة هتوضح في وقتها فارجوا الصبر كل شي هيوضح خلال الحلقات.  وبشكر بحد عضوات جروب الفانز انتم بجد احلي بنات وستات انتم اخواتي بجد. تفاعلكم وكلامكم بيسعدني. شكر واجب ليكم . تستاهلوه .

(((سلسلة عشق الرجال الجزء الثاني من رحم
للإيجار)))

((مهمة حب))
((الحلقة العاشرة))
🌹بقلم ريحانة الجنة🌹

في عربية مؤمن بيبتسم لشيري.

شيري بخجل: ممكن اعرف انت بتبصلي كدة ليه بص قدامك.

مؤمن: هههههههه. بتكسفي يا سمارة.

شيري بعصبية: وبعدين معاك كل شوية سمارة .. سمارة.. ايه بقي.

مؤمن وقف العربية ولفلها وابتسم : طيب وايه اللي مزعلك هو فيه احلي من السمار ده حتي بيقولوا السمار نص الجمال. بس انتي سمارة واخد الجمال كله.

شيري بكسوف: ياسلام مش بتتريق.

مؤمن : ههههههه. انتي ليه مش واثقة في نفسك. علي فكرة انتي جميلة جداااا. وعنيكي فيها كمية شقاوة رهيبة.

شيري: ههههههه. لا انا واثقة في نفسي بس مش واثقة فيك. اصلك شكلك كدة بتاع ستات وعنيك زايغة وبعدين شوفت ستات وبنات كتيير حلوة . فمش عارفة انت عجبك فيا ايه زيادة.

مؤمن اتنهد: هتصدقي لو قولتلك مش عارف. انا من يوم الحفلة ومش مبطل تفكير فيكي طول الوقت علي بالي. مع اني زي ما انتي قولتي علاقتي كتيير بس انتي ليكي طعم مختلف طعمة بزيادة كدة.  حاجة كدة زي الكنافة بالنوتيلا طعم مايتنسيش.

شيري: ههههههههه. يخرب عقلك ايه التشبيه الرهيب ده. بس انا كمان برغم خوفي منك لشخصيتك اللي تقلق دي. مش عارفة ليه عايزة اقرب منك واعرفك اكتر حاسة انك جواك انسان تاني غير اللي الكل يعرفه.

مؤمن غمزها: ماقولتلك تعالي نقعد في مكان لوحدنا علشان نتعرف صح وتشوفي بقي الانسان التاني والثالث. ده انا هبهرك.

شيري: هههههههه اموت واعرف مين اللي سماك مؤمن وسمي ابوك فخر . طب بذمتك انت مؤمن وابوك يفتخر بيك علي ايه . ده انت تشبه.

مؤمن : هههههههههه. تصدقي صح. بيقولك لكل واحد  نصيب من اسمه. انا بقي مش لاقي النصيب ده. تفتكري العيب فيا ولا في اللي سموني.