مهمة حب ( الجزء الثاني من رحم للإيجار) للكاتبه ريحانه الجنه

سهرنا يا ليل هديه رأس السنه

فادي اخدها من ايديها وهي مشيت معاه خطوات لمكتبه وهي مبتسمة وسط نظرات الناس ليها وهو بيتعجبه من تصرف فادي معاها وهدوئه ده. فادي قعدها علي كرسي مكتبه وقرب من ودنها ووشوشها.

فادي: تقعدي هنا وما اسمعش صوتك ولا تتحركي من مكانك علشان اركز في الاجتماع ده فاهمة.

حلا هزت راسها بطفولية : حاضر مش هتحرك. بس مش كنت قعدت هناك علي الكرسي  ده او اي مكان تاني ده مكانك انت.

فادي ابتسم وباس ايديها: مكاني هو مكانك يا روحي ثم انا عايزك هنا علشان تبقي قصادي لما ابص اشوفك علي طول ما افضلت اتلفت عليكي والناس تضحك عليا . واياكي تقومي من هنا.

حلا ضحكت بفرحة :هههههههه. حاضر مش هقوم هفضل قاعدة ابص عليك واتأمل في عيونك اللي وحشتني من الصبح.

فادي ضغط علي شفايفه بتوعد: اااااااه منك يا مصيبة حياتي انتي. ده اجتماع ملغي من دلوقتي مش هاخد فيه قرارات هتكون كلها تحت تأثير الضياع في عنيكي . اثبتي بقي مكانك.  هقلبهم في دقيقة وافضالك.

فادي راح وقعد مكانه وكان مكانه مقابل لكرسي حلا وطول الوقت باصص عليها كل لفتة متابعها كل حركة مشغول بيها ومش مركز وخصوصا لما بعتتله رسالة علي فونه.

حلا : علي فكرة شكلك يجنن وانت مسيطر كدة كلهم قاعدين زي الارانب قصادك.

فادي بيبص في الفون وبيبتسم ورد عليها: اممم. مش هما بس اللي بيبقوا ارانب قصادي ولا نسيتي انتي كمان بتبقي ايه !

حلا بصتله وضحكت وردت: عندك حق  ببقي قصادك زي العصفورة اعمل ايه ما انت ترعب. مفتري طول عمرك.

فادي ابتسم بغروره القاتل: طبعاااا هو انا اي حد انا فادي .. بس علي فكرة عنيكي حلوة اوي النهاردة .

حلا : النهاردة بس . طيب وامبارح واول.

فادي بيرد علي الناس بعدم تركيز وبيتوعد لحلا لانها السبب. ورد عليها: بتفكريني ليه بإمبارح واول . هو انا هنسي اللي عملتيه فيا امبارح. بقيتي كاارثة .

حلا ابتسمت بخبث وبعتتله صورة من الصور اللي اتصورتها لية امبارح. وكتبتله: فاكر الصورة دي!

فادي كان بيتكلم بجدية مع العملاء . ووصلته الصورة شافها واتجنن اكتر منها واتلخبط وبقي بيرد بتوتر ولخبطة.

وكتبلها :انتي هتتعاقبي اكييد علي اللي بتعمليه ده. ده وقت صورة زي دي اكمل ازاي الاجتماع وانا بحالتي دي . هقتلك يا حلا حالا وهنا مش هستني البيت وهتشوفي.

حلا بكتم ضحتها : ههههههه. خلاص خلاص والله اسفة هقعد مؤدبة .

فادي ماردش عليها وقفل الفون وغمزها بتوعد وشر .

فادي للعملاء بجدية :احمممم. طيب يا جماعة انا شايف ان فيه نقط كتيير محتاجة تتوضح وتتظبط وصعب ننهي كل حاجة النهاردة. انا هبلغ المهندس المختص بكل ملاحظاتي وهو هيبلغكم بالتعديلات. وان شاء الله ححدد معاد تاني للإجتماع شرفتم. تقدروا تتفضلوا.