ချစ်ရ​ပါသော"ညီ"

အပိုင်း - ၂၀

"လုပ်ပြီ အစကတည်းကမစားပါနဲ့လို့ပြောသားပဲ"

"အစ်ကိုကလည်း ....."

ဟိဏ်းဆက်၏မျက်နှာလေးညှိုးငယ်သွားသည်နှင့် ဟိန်းသူမနေနိုင်ဖြစ်လာရသည်။ ချက်ချင်းကားကိုရပ်လိုက်ပြီး ဟိဏ်းဆက်အတွက် ရေဗူးသွားဝယ်လာပေးသည်။

"‌ဖြည်းဖြည်းသောက်နော်"

ဟိဏ်းဆက်သည် ဟိန်းသူ၏လက်ထဲမှရေဗူးကိုလှမ်းယူလိုက်ပြီး မော့သောက်လိုက်သည့်အခါ ရေအပြည့်အလျှံကြောင့် ဟိဏ်းဆက်အပေါ်သို့ ရေဖိတ်ကျကုန်ပါတော့သည်။ ရေစိုသွားသည့်အတွက် ဟိဏ်းဆက်၏ရင်ဘတ်ကလေးကို အတိုင်းသားမြင်နေရပါတော့သည်။

"ရေသောက်တာတောင် ဘယ်လိုတွေသောက်နေတာလဲ!"

ဟိန်းသူသည် ရုတ်တရက်ကြီး ဟိဏ်းတက်ကိုအော်လိုက်သည်။

"အစ်ကို! မတော်တဆလေးဖြစ်သွားတာပါ၊ ဘာလို့အော်ရတာလဲ"

"ဆောရီး ဆောရီး"

ဟိန်းသူသည်ကားမောင်းနေပါသော်လည်း ဟိဏ်းဆက်၏ရေစိုရွှဲသွားသောရင်ဘတ်ကလေးကိုသာ မြင်ယောင်နေမိသည်။ ဟိဏ်းဆက်သည် အိမ်သို့ပြန်ရောက်သည့်အခါ ရေခဲသေတ္တာထဲမှရေဗူးကိုထုတ်ပြီး စိတ်တိုင်းကျထိုင်သောက်ပါသေးသည်။

"ဟဲ့! ဒါကဘယ်လိုဖြစ်လာတာလဲ"

"စပ်လို့မေမေရဲ့ ... စပ်လို့"

"စားပြန်ပြီလား အစပ်တွေ"

"တစ်ခါတစ်လေပါ မေမေကလည်း"

"ကျွန်တော်တားတယ်နော်အန်တီ ... တားရဲ့သားနဲ့သူ့ဘာသာသူဝယ်စားတာ"

"အလယ်ကနေဆေးထိုးပြန်ပြီ"

ဟိန်းသူကဝင်ပြောသည်ကို ဆေးထိုးတယ်ဆိုပြီး ပွစိပွစိပြောကာ အခန်းထဲသို့ဝင်သွားသည်။ ဟိန်းသူသည် ဟိဏ်းဆက်၏အနောက်မှ ခပ်မြန်မြန်လိုက်ဝင်သွားသည်။

"အစ်ကိုနော် အစ်ကို မပြော ....."

ဟိန်းသူသည် အခန်းထဲဝင်ဝင်ချင်း သူ့ကိုကျောပေးထားသည့်ဟိဏ်းဆက်ကို သူ့ဘက်သို့ဆွဲလှည့်လိုက်ပြီး စပ်၍နီရဲနေသည့်နှုတ်ခမ်းတွေကို အတင်းဖိကပ်နမ်းလိုက်သည်။