Unicode
ဟိန်းသူနှင့်ဟိဏ်းဆက်တို့ စားသောက်ဆိုင်တစ်ဆိုင်တွင် ထိုင်နေကြသည်။
"ကိုယ်တို့ဘယ်တော့လောက်လက်ထပ်ကြမလဲ"
"ဗျာ!"
"လက်ထပ်မယ်လေ၊ ညီ စိတ်ပြောင်းသွားတာလား၊ အဲ့လိုတော့မလုပ်ပါနဲ့နော်"
"အဲ့လိုမဟုတ်ပါဘူး၊ ရုတ်တရက်ဆိုတော့လန့်သွားလို့ပါ"
"ဒါဆို ဘယ်တော့လက်ထပ်ကြမလဲ"
"အင်း ... ဘွဲ့ရပြီးရင်"
ဟိဏ်းဆက်၏မျက်နှာသည် ပြုံးစိစိဖြစ်နေသည်။
"ဝေးတယ်ကွာ၊ မနက်ဖြန် လက်ထပ်ရအောင်"
"အစ်ကို! မနက်ဖြန်ကချက်ချင်းကြီး"
"ဟားဟား စတာပါကွာ၊ လန့်သွားတဲ့ရုပ်လေးက ချစ်ဖို့ကောင်းလိုက်တာ"
"တော်တော်နောက်လည်းနောက်နိုင်တယ်"
"စူပုပ်မနေပါနဲ့၊ ပြုံးပြုံးလေးနေ ... ဟုတ်ပြီလား၊ ညီ့သဘောအတိုင်း ညီဘွဲ့ရပြီးလို့ အခြေကျရင် ကိုယ်တို့လက်ထပ်ကြတာပေါ့"
"အင်း"
"အခုပြန်ကြရအောင် ... မိုးချုပ်နေပြီ"
"အင်း"
ကားပေါ်တွင် ဟိဏ်းဆက်တစ်ယောက် အစားသောင်းကျန်းနေသည်။ သရက်သီးသုတ်ကိုစားချင်လှပါချည်ရဲ့ဆိုလို့ ဝယ်ကျွေးလိုက်ရသည်။ ဟိဏ်းဆက် စပ်လို့နီရဲနေတဲ့နှုတ်ခမ်းလေးတွေ ပါးနှစ်ဖက်ရယ် ပုတ်ခက်ပုတ်ခက်လုပ်နေတဲ့မျက်လုံးလေးတွေကိုကြည့်ပြီး အသည်းတယားယားဖြစ်နေရသည်။ ဟိဏ်းဆက်၏ ရှပ်အင်္ကျီသည် ရင်ဘတ်ကကြယ်သီးနှစ်လုံးဖြုတ်ထားသည့်အခါ ဟိဏ်းဆက်၏ အသားဖြူဖြူဖွေးဖွေးလေးကို အတိုင်းသားမြင်နေရသည်။ ဟိန်းသူ၏အတွေးထဲသို့ အတွေးရိုင်းများဝင်ရောက်၍လာသည်။
ညီ့ကိုသာအမှတ်အသားလုပ်ပေးရင် ညီဘယ်လောက်တောင်လှနေလိုက်မလဲ။ ညီ့နဲ့သာ .....။ အတွေးတွေ ဝေးဝေးသွားစမ်း။ စိတ်ကိုထိန်းစမ်းပါဟိန်းသူ။ ညီ့ကိုတန်ဖိုးထားရမယ်။ ညီ့ကိုလက်ဖျားနဲ့တောင်မထိရဘူး။
"အစ်ကို အားတော့နာပါတယ်၊ ညီအရမ်းစပ်လို့ ရေဗူးလေးဝယ်ပေးပါလား"
YOU ARE READING
ချစ်ရပါသော"ညီ"
Romance[Unicode]အဖေမရှိတော့ဘဲ မိထွေးရဲ့အရိပ်အောက်မှာကြီးပြင်းလာတဲ့ကောင်လေးနဲ့မိဘရဲ့အရိပ်အာဝါသအောက်မှာနွေးထွေးမှုအပြည့်နဲ့ကြီးပြင်းလာတဲ့ကောင်လေး ထိုကောင်လေးနှစ်ယောက်ရဲ့တွေ့ဆုံခြင်းမှအစပြု၍........ တစ်ယောက်ကလည်းခပ်ချေချေ တစ်ယောက်ကလည်းအမြဲပြုံးပျော်နေတတ်သူ သူ...