Char-Char Lang [BISAYA VERSION | PART 1 & 2]

August 13, 2018 [6].

1:32 pm

Babaeng Gwapa: /gituklod ang purtahan nga kahoy/ Mao diay ni siya ang atoang bag-ong Audio Visual Room, ang daan kay naa ra didto dapit sa Education Department.

Neriel: /ningisi murag nakayupyop ug mikmik/ Humot siya'g air-con dzae.

Ellithia: Asa ka kasimhot ug air-con nga baho?

Neriel: Kana diay'ng maka-kabuhi? Sa bus ug van.

Ellithia: Ikaw rama'y kabuhiun ana.

Neriel: Dzuh.

Ellithia: Dzuh.

Neriel: Lain pa'y ato, ali atong duolon 'tong gwapo nga naka-Racini nga bag.

Ellithia: Ikaw ra uy, dili nako siya type.

Neriel: Wow, pag-sure dira. Sige raman gani ka'g pasiplat ug tan-aw. Nabantayan taka dzae.

Ellithia: Lahi akong mga plano dzae. Unya lang na siya gabii. Pangitaun ko na iyang account /nag-flips hair/

Babaeng gwapa: So, kasagaran kamong mga BSMB students dire mo maggamit /nitan-aw sa ilaha tanan/. Tara, dili nata magdugay dire.

Babae 1: Wala juy magdugay ay, miskan relasyon.

Babae 2: Kaon sa madz, unya na nang gugma.

Narrator: Naggawas na pud sila ug murag ikog nga gasunod-sunod ang mga freshmen sa babaeng nag-guide sa ilaha. Sunod nilang giadto ang kaatbang nga building sa ilang gigikanan.

Babaeng gwapa: Mao ni siya ang mini-museum sa atong school. Naa ta'y gi-preserve nga dugong dire sa tunga, ug ubang marine animals sa palibot.

Ellithia: Hala imung igsuon dzae oh.

Neriel: Basig imung igsuon na pare-pareha man mo'g lawas, busdik.

Narrator: Nagtapok ang mga freshmen sa rectangular nga bildo sa tunga sa room; gisudlan kini ug pormado pa nga dugong ug naghapa sa formaline. Lingaw kaayo sila nanan-aw labaw na kay first time nila nakakita ug dugong sa duol.

Lalake 1: Duyong ang tawag ani sa amoa bay.

Lalake 2: Sa amoa pud, pero wala mi'y ing ana kay bukid baya mi nagpuyo.

Lalake 3: Kato maning nadagsa dire no? Dapit sa seawall nidagsa, patay na.

Babaeng gwapa: Oo, murag three years na pud ata ni siya dire.

Lalakeng naka-Racini: Picture-ry ko dire Mary.

Mary: Sige Core /nagpagawas ug digital camera/.

Ellithia: Picture-ry dayun siya oh, stolen lang.

Neriel: Ay siyempre /pasikretong gitutok ang camera sa lalake/. Daghanun ko ni para pwede i-collage /girak-rak ug pindot ang shutter/.

Neriel: /kunuhay nag-picture sa mga preserved nga Pawikan/ Core iyang pangalan wang, unique kaayo. Apelyido na lang niya jud ang kulang para ma-add na nato siya sa Facebook /garak-rak gihapon ug picture/ Ghad, i-wallpaper ko ni.

Core: Salamat Mary.

Babaeng gwapa: Naa pud ta'y mga rare nga seashells dire guys ug illustrations sa mga endangered marine animals. Someday, part namo sa mga taong mu-protekta ani nila, kamong mga future Marine Biologists.

Ellithia: Hala wang bantayanan jud diay ka /naguol/.

Neriel: /naglibog/ Ngano man?

Ellithia: Nawung man gud ka'g dugong.

Neriel: Ikaw man gani, nawung pud ug butiti. Dakog tiyan!

Ellithia: /gikusi si Neriel/ Nimal ka. Ayaw ko pakaulawi sa mga gwapo. Dili ni tiyan ba, bilbil pa ni. Litsi. Mangguba man kag image uy.

Neriel: Sorry na dzae /gigakos si Ellithia sa liugan/. Haaay, kagwapa jud ani akong amiga uy; wa'y tatsa, wa'y pakay, perfect kaayo.

Babaeng gwapa: Okay guys, tara na. Padayun ta. Magadto ta sa Eco-Park sa atong eskwelahan.

/ ▪ ▪ ▪ /