قصة هوانا

البارت الحادي والاربعون

نور
كعدنا ناكل بحب وحنان وعائلة رائعة ماكو منها قضيناها تصنيف بتصنيف علكلية وايام الكلية واكيد صنفنا على نور وسوالفها الي اعشكها عشك
مرت اياااااااام وشهر تقريبا، بس بعدنا اني ومهند ممتقربين لبعض
هو يريد بس ميبين خوفا وحرصا على مشاعري
واني مردت هذا الشي
ومرت الايام وصارت عطلة نصف السنة واني اخذت اجازة ومهند كذلك ورحنا لبغداد لاهلي
قضينا احلى اوقات
وتفاجئنا لمن اجو بيت خالتي ام اية ووياهم بنت خالتي سما المتزوجة همين بعدنا بيومين وصارت لمه عائلية ولا اروع من هيج
ومع كل هذا لايخلو الامر من تحقيقات البنتاكون
اقصد اية واسيا وسما
طلعنا للزوراء والرجال يسوون كباب وامي وخالتي يثرمن الطماطة وخيار ويحضرن ونحن الشابات نهزمنا ولزموني تحقيق

-اسيا- اكول نور
-نور-كولي
-اسيا- اخبارج وي مهند
-نور- لتسألين مالج دخل
-اية- لا لا نور لا النا دخل كلنا مو بس هي
-نور-اهوووووو رجعت حليمة على عادتها القديمة
-سما- اصلا حليمة مبطلت هالعادة حتى ترجعلها
-نور- هههههههههههههههههههاي ضحكتيني واني مالي خلك
-اية- وج ليش مالج دخل
-نور-كلمة تقال
-سما- وج احجي عاد
-اسيا- فعلا احجي لان مللتيني
-نور-ماكو شي اني احبه وهو يحبني وحياتنا ولا اروع بعد اكو شي(ورحت مشيت واحجي عليهم واضحك)
-اسيا- وج تعالي ويييييييين
-نور-مارجع اذا متبطلون اسالتكم

نور
ومشيت واني اضحك عليهم واحلى يوم قضينا كلنا ضحك واكل وسوالف ونور الحلوة معافتني وصدمتني من كالتلي ماما نزلت الدموع عشرة عشرة بين عيوني
من الفرح حبيبة كلبي
هاي احلى كلمة اسمعتها بحياتي
كلمة ماما كلمة متنوصف وصعب نوصفها لان هي عبارة عن مشاعر تكمن بالكلب متنوصف بسهولة

مهند
مرت ايام ومر على زواجنا سنة واني ممتقربلها بيوم من الايام نفذ صبري
-نور
-ها حبيبي
-اريدج عاد كافي
-شلون
-فاهمتني انتي
-اهااا اوك
صاار حاضر

مجنت متوقعها راح تخضع الي، بيوم من الايام وراح تنسى زواجها الاول، بس كدرت انسيها، مادري منو الي نساها بلضبط، اني، لو الزمن الي نساها، الزمن كفيل بانه يصلح الكلشي
كفيل بانه يصلح اخطائنا الي اقترفناها بثنين ايدينا
كانت نور مثال لكسرة كلب شخص تعلق بشخص ميسوا، وجان مكسور خاطر، ومحتاج راحة ومديلكي هاي الراحة، الا لمن ينسى،
وفعلا
شاء القدر ونسى،
بس يمكن ماشاء القدر انه يطوي صفحة ويبدي صفحة بسرعة، بس بعدين بدا صفحة جديدة وطوى كل الصفحات القديمة الي تخلي الواحد ينسلب منه حاضره وضيع مستقبله وتمحي الاشياء الحلوة الي بماضي.
صارت الي، بعد محجيت وياها بايام قلبا وقالبا، جان يوم من احلى ايام حياتي، اني ونور، كدرنا نفتح صفحة جديدة وي الزمن، الي كسرها، والي اخذ منها اعز ما تملك

نور...
صرت اله، عقلا، روحا، وجسدا، وكل شي بداخلي صار على اسم مهند، وكانه مُلك ومكتوبة باسمه وممنوع شي يمنعني عنه لان صرت ملكه، بلشت صفحة جديدة، وبديت حياتي الجديدة، الحياة الحلوة المثالية مع زوج وبنت يستحقون كل الاهتمام
وهستوني عرفت شنو معنى"املي بالله كبير" وشنو معنى" كل الذين بكوا في سجودهم اضحكهم الله بعد حين" هستوني عرفت شنو المعنى، يعني انه ربك ميردك خايب، حاشه لله، مثلي اني، ربي مردني خايبة لمن دعيت بصلاتي اني ارتاح من زواجي الاول، واني ارتاح بحياتي، وينطيني ربي نتيجة تعبي، بدنيتي الي مشفت منها بس الضيم والقهر وادم ومشاكله، شكد جنت احبه
بس طلع من كلبي، ما حافظ على حبنا ولو لقدر ذرة، استسلم عد اول مشكلة واجهناها، وخلاني ومشى، وعاش حياته وكانه مصار شي، بس اني صح تعبت، بس كدرت اثبت جدارتي واوكف على حيلي من اول وجديد
وصار وكفت وهسة اني من ناحية العمل فاني متفوقة وهااا
بالمناسبة
اترقيت وصرت معاون مدير بلمنظمة الي اني بيها، علاوة على متصبي كمحامية قدمت على دراسة الماجستير، ومن اكمل اطمح للدكتوراه
اما من ناحية الحياة الشخصية فمهند ونور جزء من حياتي او بالاحرى قطعة من كلبي
والحمدلله عايشة حياتي وتوب وتمام وماكو شي عايزني
حتى مشكلة الانجاب
نحلت
نور موجودة هي تحبني واني احبها بعد شكو ضايجة واني عندي نور

١٠١٣ كلمة...