🤘🤘الفصل السابع عشر🤘🤘
🌼🌹🌼🌹🌼🌹🌼🌹🌼🌹🌼🌹🌼🌹🌼🌹🌼🌹
ندى:- تتوتر انت قصدك ايه من عروستك وملكك
امجد:- يضحك بمرح معقول خايفه مني يا ندى
ندى:- عمري ما خفت منك بالعكس معاك بحس الامان والراحه
امجد:- طيب كويس عارفه يا ندى رغم حبي وجنوني بيكي.
لكن عمري ما هقف في طريقك ولا هحرمك من انك تتجوزي اللي بتحبيه مش علشان وعدي بس لعمو عمر لكن علشان سعادتك اهم عندي من حياتي حتي لو علي حساب نفسي
ندى:- اشمعني انا يا امجد رغم اني وجعتك وجرحتك
برفضي الجواز منك وكسرت قلبك وقلب ماما الله يرحمها
امجد؛- علشان قلبي اختارك ومليش حكم علي قلبي
ملكتك قلبي وسلمتك امري وسعادتك بقت كل همي
ندى:- تبكي لدرجه دي بتحبنني يا امجد ليها حق ايمان تقولي انك خسارة فيا انا مستهالش حبك ده اكيد انا ملعونه علشان مش هكمل حياتي من انسان زيك بيحبني الحب ده كله
امجد:- ندى ويمسك وشها بايده ويمسح دموعها
مش ذنبك انك مش قادره تحبيني وقلبك حب غيري
انت دخلتي قلبي من اول يوم ماما جبتك البيت كنتي لسه طفله وجعانه وماما راحت تعمىلك رضعه علشان تاكلك
اخدتك علي رجلي بلعبك مصيتي صابعي ومن يومها ملكتي قلبي ونمتي وانتي بحضني كبرت وانت بتكبري تحت عيني كل يوم كنت واثق انك ليا ومحدش هيقدر يقرب ليكي ولما كبرت وفهمت يعني ايه حب كان ليكي كنت انتي الحب يا ندى ايوه حبيتك وبقيت عايز اعمل اي حاجه علشان اشوفك فرحانه وسعيده حرمت نفسي من امي وجوزتها لباباكي
علشان تعيشي سعيدة في بيت واسرة واب وام حواليكي
اتحرمت من حنان امي علشان يكون كل حنانها ليكي وتبقي سعيده ومبسوطه سافرت وقبلت اتحرم منك واشتغل مع بابا
علشان محرمكيش من اي حاجه نفسك فيها واساعدكم ماديا
صدقيني يا ندى لو طلبتي روحي وعمري علشان تبقي سعيده هدهوملك وانا مبسوط لسعادتك ومن غير اي حقد عليكي
عرفتي ليه انا سعيد انك هتبقي ملكي علشان بس اسعدك وابقي انا وبس اللي ليا حق فيكي علشان اجوزك حبيبك
وتعيشي معاها سعيدة وتأسس اسرة وحياة بعد يتمك سنين
ندى:- تشيل ايده من علي وشها وتترمي بحضنه انت ايه
ياريت اقدر اشيل قلبي واستبدله بحبك وانسي اللي حصل
امجد:- يشدها من حضنه قولنا ايه حضنك لجوزك اوعي تحضنيني تاني غير لما ابقي جوزك هو ايه اللي حصل ده قسمة ونصيب وانا قسمتي معاكي انك تبقي اختي
يلا قومي اغسلي وشك وعايز اشوف ضحكتك الحلوة
ندى:- حصل حاجات كتير بس خلاص مبقاش ينفع انا مش ليك ودي حقيقه لازم اعيشها وتعيشها معايا يلا هقوم اغسل وشي يا اعظم انسان في الدنيا كلها
امجد:- بحبك يا اجمل حاجه في حياتي ويبعت ليها بوسه علي الهواء 😍😍😍٠😍
رغم انك عمرك ما هتكوني ليا بس بردك هفضل احبك
_____ وبعد يومين يتصل بخالها ويحدد ميعاد الزفاف
ويبداء في تجهيز شقتهم الجديده اللي اهملتها ندي
ويطلب من ندى تنزل تختار فستان الزفاف ويكون شيك
وتتصل ندي بايمان علشان تساعدها باختيار فستان الزفاف
وتلاحظ ايمان الحزن علي ملامح ندي وتستغرب
ايمان :- مالك يا بنتي انت بختاري فستان زفافك مش كفنك
ندى:- زمان كان صعبان عليا نفسي والحزن اللي كان نصيبي من فراق امي كل احبابي لكن دلوقتي صعبان عليا امجد واللي بعمله فيه من جحود ونكران لمعروفه معايا انا عارفه من حقة يوم زفافه يكون اسعد يوم بحياته مع الانسانه اللي بيحبها لكن هو بيضحي بسعادته علشان يسعدني ياريتني اقدر انسي احساسي بالذنب يمكن كنت قدرت اسعده
ايمان:- طب فوقي وكملي معاها امجد يستاهل حبك وبيحبك حب نادر الوجود وكده تخلصي من ذنبك بدل ما تعيشي عمرك كله تندمي لخسارته لوحده تانيه فوقي يا ندي قبل فوات الاوان اللي زي امجد صعب يتعوض بسهوله
ندى:- مش عارفه اني غبيه بس قادره اكون ليه انا مستاهلش حبه ولا حنانه رغم ان عمري مااتصورت حياتي غير معاه لكني ده نصيبي ولازم ارضي بيه
ايمان:- خدي البس انتي عنيده ودماغك نشفه والله لتندمي
ندى:- عارفه اني هندم لكن لازم اعمل كده ذنب عليا ومكتوب اسدد ديني للاخر
ايمان:- دين ايه ده هيبقي جوزك وبيحبك ارجوك فكري
ندى:- مفيش فايدة محدش هيفهمني ويحس باللي انافيه
المهم ايه رايك مظبوط عليا
ايمان:- زي القمر ربنا يهديكي وتسعدي جوزك بيكي
_______________
بعد اسبوع يوم الزفاف
وفي الاوضه ندي تعمل المكيب وتساعدها خالتها هند وبعدها تقعد تستني امجد يطلع ياخده من اوضتها
وينزلو الزفه وبعد ما تخلص تحضنها هند
هند:- ماشاء الله عليكي زي القمر الله يرحمك ياندي
كانت نفسها تشوف اليوم ده ابنها وبنتها بيتجوزو
وتحضر فرحكم وتلبسك الطرحه بايدها وتحضن ندى
بحب لا اووعي تعيطي هتبوظي الميكب كده
ندى:- كنت محتاجه لوجودها اوووي النهارده يا خالتو لكن ربنا عوضني بيكي انتي وامجد وتحضنها جامد ربنا ما يحرمني منك ابدا يارب تسامحيني
هند:- علي ايه انتي بنتي وبنت اختي بطلي هبل ويلا
عريسك زمانه طالع ياخدك يا قمر
ندى:'- تحضنها وتقول يارب صبرني علي اللي جاي
الباب يخبط
هند:- ادخل يا عريس
ويدخل امجد ما شاء الله راجل وعليه وسامه جباره
امجد:- عروستنا الجميله جاهزه ولا لسه ويمد ياخد ايدها
ندى:- تمد ليه ايدها وهي عرقانه ومتوتره ايوه جاهزه
امجد:- طيب يلا بينا يا عروستي ويبص ليها بحنان
انتي اميرتي واجمل كتير عن ما كنت بتخيلك واحلم بيكي في قستان الزفاف ويبوسها في جبينها مبروك يا حبي
💃💃💃💃💃 وبنزلو وتبداء الزفه
والكل يهنيهم وسعيداء وفرحانين بيهم وعاصم الصغير
يقعد في وسطهم اخو العروسه واخو العريس
عمر :- ابن خاله الف مبروك يا ندى يابخته بيكي ربنا يهنيكم
عاصم:- خالهامبروك يا بنت اختي اليوم اطمنت عليكي وقلبي ارتاح لانك مع راجل بجد ومحترم هيعرف يصونك ويرعاكي ويحبك الله يرحمك يا سعاد
وهند:- تحضنهم وتقول كان يوم فرحك يا ندي ياختي اكيد هي مبسوطه علشانكم دلوقتي هي وعمر ربنا يهنيكم يا رب
ندى:- كل ده وهي حسا انها متخدره وتسال نفسها ليه مش قادرة ابقي سعيده مع امجد في يوم زي ده عمل كل حاجه تسعدني و خلاه فرح فوق الخيال
وكل ده علشان يريحني وبس
ياخدها امجد ويقوم يرقص رقصة الختام ويفوقها من شرودها ايه خليكي هنا وانبسطي متخافيش يوم
وهيعدي وبعد كده هتكوني براحتك وحريتك
وتنتهي الزفه ويشيلها امجد قدام المعازيم
ويطلع علي اوضيتهم بالفندق اللي حجزوها لليلةالزفاف
قبل ما يسافرو في الصباح لقضاء شهر العسل بشرم
وطبعا ده قدام الناس و بس
هند:- مع السلامه يا حبايبي وعاصم في عيني لحد ما
ترجعو من الشهر العسل بالسلامه
ندى :- نزلني يا امجد عايزه احضن عاصم ارجوك
امجد:- انت بتاعتي انا وبس لكن عشان خاطر عاصم
سماح ينزل ندي وتجري تاخد عاصم بحضنها
ندى:-حبيبي اسمع كلام خالتو ولما ارجع هناخدك شقتنا الجديده مش هتاخر عليك يا حبيبي وتبوسه اووووي
امجد:- يا بطلي كلها يومين ونرجعلك انا جبتلك كل حاجه بتحبها بشقتنا ولسه كمان لما ارجع هاخدك للملاهي وافسحك
عاصم:- انا بقيت راجل يا ابيه امجد متخافش عليا يلا خد ندى وروحو افرحو وانا هستناكم عند خالتو ويحضنهم الاتنين
ويرجع امجد يشيل ندي ويطلع علي اوضيتهم
ويفتح الباب ويدخل بيها جناحهم الخاص
ندي:- تتذمر نزلني بقي هو انت غاوي تعب وخلاص
وتبص ليه بتعجب من حنانه ورقته معاها
امجد:- اه غاوي تعب هو في بعد حبك تعب يا مغلباني انا سعيد بتعبي وانا شايلك ها عندك مانع بقي سعادتك
ويبوسها في جبينها بشوق وحنان ملهوش مثيل
انا لو ينفع كنت شيلتك العمر كله وهبقي مرتاح وسعيد
ومش هشتكي بس اقبلي انتي يا قلب وعشقي الوحيد
ويروح علي السرير وينزلها عليها بكل رقه ويربت عليها بحنان
ندى:- تبص ليه باستغراب وتحس الخوف بعد.ما شافت في عيونه فرحته بامتلاكها وشوقه ليها ويسيبها ويروح للباب
امجد:- يروح يقفل الباب بالمفتاح ويحطه في جيبه
ويبص ليها بحنان ويقولها اخيرا هبداء
احلي شهر العسل مع حبيبتي وعروستي ومراتي .....
💢💢💢💢💢💢💢💢💢💢💢💢💢💢💢💢💢💢
يتبع ...............
ياتري ندى هتبداء حياتها مع امجد بعد ما شافت قوة حبه
ولا لسه بتفكر في لؤي
#سلمى سمير
