#تضحية_اب
#البارت_الثاني
**___***___***__&&&
بابا انا من بكرة هستلم شغلي في البحر الاحمر قولي مبروك!!!!
كانت هذه الكلمات التي وقعت علي سمع الحاج رضوان كالصاقعه فكسرت قلبه وادمته، لجحود أبنه بتضحيته له طوال سنين عمره التي اضناه في رعايته
لينظر الي ولده بحزن وكسرة قلب لا يشعر بها اياد هاتفآ بذهول ودهشه لم يتوقعها منه"
انت عايز تفارقني بعد كل اللي عملته علشانك عايز تسيبني لوحدي من غير لا حبيب ولا ونيس ولا جليس؟
وانا اللي ضيعت شبابي في تربيتك دي اخرتها تبعد عني
ليضرب كف بكف ويصيح بحزن عميق"
عوضي عليك يارب عوضي عليك يارب
ليقوم اياد بفعل لم يتوقعه ابيه نفسه من ابنه الطموح"
بعد صدمته من كلام ابيه ينظر اليه بعيون غامضه ،يملاءها الدموع ويجثو راكعآ امام قدم ابية يقبلها بندم قائلآ باسف"
بابا حبيبي انا اسف انا عمري ما نسيت ولا اقدر انسي انت عملت علشاني ايه،انت كنت ليا ونعمة الأب وعوضتني بحبك من حرماني من امي، عمري ما حسيت اليتم
انا طموحي خلاني اشوف نفسي ومستقبلي، لكن عمري ما نسيتك ولا اقدر انساك
انا هفضل تحت رجلك وطوع ليك، سامحني وسامح طموحي اللي خلاني انسي حقك عليا وفيا
انسي كل كلمة قولتها،او حتي تعليمي انا من بكرة هنزل اساعدك في شغل الوكالة، خلاص حلمي كمهندس حققته، ووصلت له بتعبك معايا، جه الوقت ارد حقك فيا مش جميلك عليا، لانه لو جميل انا لو فضلت عمري كله تحت رجلك مش هرد ربع اللي عملته معايا
وينزل ليقبل رجل ابيه بطريقة هستيريا كانه يكفر عن ذنبه في التفكير بنفسه ونسيان كل ما فعل ابيه من اجله
ينزل ابيه اليه ويرفعه من علي قدمه ويحتضته بقوة ودموعه لا تتوقف لعدم نكران ابنه منه حقه به
يكفكف اياد دموع ابيه ويقبل يده بندم واسف"
ورحمة ماما عندك ما تزعل مني ، انت ابويا وانا عيل وغلط عمري ما هكبر عليك ولا هنسي حقك فيا حتي لو مكنتش ضيعت شبابك عليا، انت ابويا وربنا وصانا عليكم
وانت ربتني احسن تربية مستحيل ابن الحاج رضوان يكون ناكر للجميل، انا هفضل ابنك وفي طوعك واللي هتأمر بيه هنفذه علي رقبتي بس متزعلش من طيشي وطموحي، غصب عني لكن خلاص فوقت لنفسي قبل فوات الاوان
يربت ابيه علي ظهره ويحتضنه بقوة مبتسمآ له بحنان"
انت ابن حلال يا اياد ،وعمري ما كنت هتخيل انك هتتخلي عني وطموحك ده من حقك تشوف مستقبلك بالطريقه اللي تريحك، ولانك ابن بار بابوك انا هطلب منك طلب وتوعدني مترفضش،وتنفذه عن طيب خاطر
يبتسم اياد الي ابيه ويهز راسه بتصميم"
انت تأمر ياحج، ومن غير ما تقول اعتبره اتنفذ، انا قولتلك اني تحت امرك في كل اللي هتقوله وكلمتك عليا سيف
ياخد ابيه يده ويجلس ويجلسه بجوار ويبتسم في وجهه ببشاشة تنم عن راحه تنبع من الداخل ليقول بهدوء"
صلي علي النبي
يرد عليه اياد بتردد"
اللهم صلي وسلم عليك يارسول الله
يكمل الحج حديثه"
انت هتسافر البحر الاحمر تستلم شغلك ،ليري ابنه يهم بالاعتراض عليه يسكته باشارة من يده ويكمل"
اسمعني للاخر وبعد كده اتكلم زي ما انت عايز وهنتناقش في كل حاجة واحدة واحدة وبهدوء
ثاني حاجه عايز منك توكيل عام اقدر ادير بيه الوكالة، لاني كتبت الوكالة باسمك بعد ما امك اتوفت لان الوكالة اتعملت من مصاغها الله يرحمها،وكنت انا الوصي عليك فكنت بديرها
لحد ما بلغت السن القانوني
لو تلاحظ السنتين اللي فاتوا كنت دايما اطلب منك تمضي علي اوراق او شيكات للمعاملات وانت عمرك ما سالت بمضيك علي ايه وليه!
يهز أياد راسة لتاكيد علي كلام ابيه "
فعلا ده كان بيحصل كل اسبوع تقريبآ، بس كنت هسال ليه او اعترضت علي اية انت اي حاجه تجابها لازم انفذها بدون نقاش لاني علي ثقه ان اي حاجه بتعملها فيها مصلحتي
