تبارك * عافني عمر وطلع اني نفجرت من البجي شنو من غيره هاي اول مره هيج اشوف ماحب هيج غيره هذا تملك مو حب وغيره تذكرت أهلي كمت ابجي بحركه اني مشتاقله لهلي روحي يم أهلي أكثر مشتاقله لماما بابا طلعو التلفون لكيت أهلي متصلين عليه باوعت للجهاز اني دموعي عشر عشر مشتاقه لحضن ماما أريدها أحس نفسي مختنكه أريد اشكيلها الي بكلبي وكلها تعبت يمه أخذيني يمج حبه عذبني بس عذاب وهمومه أريد انام بحضنج ونسة العالم والناس خليت راسي ع مخده اني ابجي بحركه بصوت عالي أريد اطلع شكو بكلبي من تعب وهموم تعبت من دنياء كلشي كرهت ماشفت راحه بحياتي أخذت الجهاز اتصلت على امي اني جهاز بيدي جاي يرن مسحت دموعي اني أمسح بدموعي هنه يطيحن وحدهن نفتح الخط أجاني صوت العافيه
أم تبارك * الووو ها يرويحتي هاي يبعد امج شلونج يل الغالية
تبارك * متحملت نفجرت بل البجي اني ميته بجي بحركه انشغ من البجي .
أم تبارك * بخوف وقلق وتوتر شبيج يمه صاير شي احجي أحد مأذيج يكلبي احجي ولله روحي راحت من الخوف ليش تبجين
تبارك * ابجي تعبت يمه تعبت حبه عذبني سودني مابيه احمله بعد اخخخخ يا يمه هموم دنيا عليه محتاجتج
أم تبارك * هيه متعرف منوعذبها لتبارك ولا تعرف عليمن تحجي مجاي تفتهم من بجيها يمه ولله حيلي راح شكو شصاير
تبارك * هنااا بدت تحجي لأمها عن علاقتها قبل وي عمر جانت تتمنى لو بس اشوفه هسه هيه زوجته لاكن للأسف طلع مزوج هنا حجت كلشي لأمها من أول مطبت للبيت لحد هاي اللحضه تحجي بجي بحركه وقهر وضيم هموم الدنياء عليها بس مابيدها شي تسوي غير تصبر وتتحمل لمن الله يفرجها عليها
أم تبارك هيه تبجي بعد ماعرفت انو تبارك تزوجت عمر لاكن بنفس الوقت مقهورى لن بتهاا هيج عايشه مذلوله ودموعها هيج ينزلن بقه الحجي مستمر بين تبارك وامها ثنينهن يبجن ومقهورات.ام تبارك تصبر ع بتهاا وتقويها ..
تبارك قطعت الاتصال شمرت الجهاز ع الميز اني أحس ارتاحيت من بجيت وحجيت كلشي بكلبي من قهر وهم وتعب لأمي بس هيه تفهمني وتنصحني وتريحني كلبي خليت راسي ع مخده صح ارتاحيت من بجيت وطلعت الي بكلبي لاكن بنفس الوقت جبل هموم على كلبي حايره شنو الي اسوي وشنو مصيري وي عمر أكيد اول وتالي راح يقسم بينه وهم يروح يم مروه طب عمر رفعت راسي باوعتله ورجعت الأفكار إبالي تأكل بيه أكل حتى مهتميت بوجود عمر ولا أريده يجي ماريد أضعف كدامه لو اتعلق أكثر بيه مابيه احمله وجه بعد تعبت مرت نفسيتي كرهت كلشي بحياتي ...
عمر . طبيت للغرفه لكيت تبارك مخليه رأسها ع مخده رفعت رأسها باوعتلي ورجعت قفلت الباب أجيت يمها صرت وراها تقربت عليها خليت راسي بشعرها شميته .. شبيج يرويحتي
تبارك * طاحت دمعتي ماريد أضعف كدامه مسحت دموعي بقيت ع نومتي .. مابيه شي
عمر * اعرف جانت تبجي باوعت ع ميز شفت جهازها كعدت يمها صرت ورى ضهرها تقربت منه بستها بخدها باوعتلها عيونها داير مدايرها حمر جريتها من وجها باوعتلها .. شبيج انتي
