حبيبي عذبني ✋

بارت 12

تبارك تحضرنه كولنه سرمد أخذ جنط بل السياره طلعنه كولنه طبعن طريق كولش طويل فجأة نمشي جان حيدر هو الي يسوق جان سريع ماما تصيح ع كيفك لاتكلبنه راح تموتنه خل أنزل لا اموت من وراك احنه نضحك عليها من تحجي هيج يزود سرعه هيه تبقى تصيح متت متتتت ولك اوكف طكينه ضحك رغم انو مالي واهس بس ضحكت ع ماما المهم  بنص طريق طبينه سيطرة ازدحام جان بقينه نص ساعه بل السيطرة طلعنه منه جاي نمشي منحس إلا وسيارة صارت كدامنه بقينه نصيح ع حيدر هو ارتبك حيل كاف يفر بل الستيرن سياره تصعد وتنزل احنه سيارتنه عائليه جبيره منحس إلا بس صوت عالي كولش مثل الانفجار

عمر دامشي بل الطريق اني باللي مو صافي ساعه يم تبارك ساعه يم سياره كولساع أريد انكلب بقينه نمشي بل الطريق عمي وآبوي وابن عمي وهشام ومرتضى  يسولفون ع شغل سألفه تجر سألفه اجتي سياره جبير كدامي منين ماريد اسيطر تطلع كدامي بقيت أجيت بل السياره يمين ويسار  لمن نضربت حيل بس كزاز ع وجهي اسمع الناس تصيح وشرطة سيارتي تفلشت ستير ن ضارب صدي معوج أريد اشيل نفسي ماكدر أحس جسمي تكسر ابوي عمي اخوي ماكو أريد التفتت الهم ستيرن ضاغط عليه ناس التمت علينه وشرطة توخر بل الناس ...

حيدر جنت دامشي صارت سياره كدامي امي أهلي يصيحون رتبكت حيل وتوتر بقيت افر بل السياره صارت روحي يم أهلي وابني محسيت إلا وضربه قوي حيل صوت عالي التمت الناس علينه هوسه وصياح وناس تكول ماتو وناس تكول عايشين

تبارك * بقيت ابجي اني اشوف ماما دمها بابا مغمى عليه ابن حيدر جبينه مجروح اباوع لهدى سابحه ب دمها موقف طول عمري مانسه بقيت أصيح وابجي أيدي ماكدر اشيلها ورجلي تأذيني حلكي يجري دم شفت سرمد كزاز مطشر ع وجها ومجرح كمت أصيح لا اكدر اتحرك ولا اكدر اشيل أيدي اجتي الإسعاف 4 سيارات تخبلت أصيح ياعلي دخيلك ماما اكعدي اكعود لاتعوفوني اجت يمنه بدو يطلعون ب أهلي اني من الهبطه والبجي غوشت عيوني  طلعوني خلوني ع سديه ركضو للسياره انغمى عليه بعد مادري شصار

عمر * طلعونه بل السياره الإسعاف شلعو الستيرن يله وخروني حلكي يذب دم ب لحضه شفت عمري وحياتي بقت افتح بعيوني حيل جاي استوعب الي اشوفه لو لا شفت تبارك ع سديه كولها دم شعر منثور هاي حبيبني اي هيع ع سديه بقيت صافن رغم الوجع إلا لم الي بجسمي خلوني ع سديه اني عيني عليها لمن طببوها للسياره هيه أهلها بعد محسيت بشي  لن الم فضيييع بجسمي

براء* جنت كاعد اغسل بل الطارمه مالتنه اتصل تلفون امي ... يمه جهازج محجت عفته مرحت اله رجع اتصل من جديد غفت المكنسه من أيدي ورحت فتحت خط عمر .. الوووو

.... السلام عليكم اختي

براء * بقيت صافنه هذا مو عمر .. وعليكم السلام تفضل

..... أختي صاحب هذا الجهاز سوه حادث حالتهم خطر بفلان مكان بمستشفى ....

براء * بقيت أصيح وبجي حتى خط مسديته يمه عمر سوده بوجهي بصياح وبجي مرتضى وينك تذكرت وياهم رايح يمه راحو أخوتي وآبوي طلعت بلا عباء أرض لبيت عمي أبو مروه طبيت أركض وبجي عمو و وينك الحك عمو