#لم_تكن_خطيئتنا
بارت 6
نورا ناصر.
ابويه …صاح سميووو بعلو صوته وكمل كلامه وهو يجي باتجاهي ضربني ع راسي بيده صارت الضربه بطرف راسي حتى شالي رجع ليوره حسيت بالذل والاهانه وانوب يضربني كدام منو؟ ! اسلام؟ ! اوف ماحسيت بالضربه بقدر المهانه.
كرهت ابوي واسلام وصفا بنفس اللحظه احس قلبي تحول الى كتله من الغل والحقد والكره.
ايوب ../ولج ليش تغلطين ع ابن عمج اكبر منج هااااه ماتستحين هيج انه ربيتج؟ !.
ورفع ايده يريد يكمل ضرب .. رقيه جانت توها طالعه من البيت ..بسرعه اجت صارت بيني وبينه ومنعته يكمل ضرب وظلت تاشرله وتلغي بلهجتها.
هو من شاف رقيه عافني ونزل ايده لان اذا شافت عنف تتأذى وتنهار اكثر من مره يعنفنه كدامها وهي تخرب.
گتله .. هو تجاوز على صفا واني رديته شنو يتجاوز عليها ابيتنه؟ !
صفا../ يابه جاي نتشاقه انه واسلام وسميه فهمت بالغلط …
سميه../طاح حظج كون …
ايوب../دخلي جوه يلله
دخلت انه وصفا جوه.
ايوب../اسلام شنو صاير ليش هيج عركه انت وسميه؟
اسلام ../ماكو شي عمو دخلت اريد اشوف بيبتي رجعت من بيت عمتي لو لا وجاي اشاقه ويا صفا وسميه فهمت بالغلط.
ايوب../يصير خير.
اسلام../عمي لاتكتلهن البنات تره الصار كله بالغلط وانه جاي اشوف بيبيتي.
ايوب ../بيتك هذا يمته ماتجي وبيبتك هسه رايح اجيبها.
اسلام ../ان شاءالله عمو من رخصتك محتاج شي؟
ايوب../ لا سلامتك.
طلع اسلام هو يمشي ويلتفت ع البيت.
وانه جنت مبدل واريد اروح اجيب امي بوست رقيه من راسها وايدها وهي تلغي وتاشر كتلهه دخلي جوه بالاشاره.
شفتهه دخلت صعدت سيارتي طلعتها بره رجعت سديت الباب ورجعت للسياره صعدت حركتها ومشيت
وافكر بسميه ولسانهه شون راح اسيطر عليها كلش عينها گويه وماتنحمل وراعية مشاكل.
سميه … دخلت للبيت ومنه للغرفه وبروحي نار نار
ماهدأت ولاانطفت طلعت الحرگه كلها بصفا واسفطها بيدي على ظهرها …
ولج انه يكتلني كدام اسلام اوف اوف والله ماابقى هنا بس خلي تجي بيبيتي واخابر اماليد واروح الها اخليها تطلعني منا.
صفا/سميه بس سكتي تره هو يشاقه دوم هيج نشاقه اني ويا.
سميه /انجبي تشاقه ام حلك ولج تظلين مدمغه ونوب تبرريله انت تعرفين شنو معنى هذه الكلمه تعرفين؟ ولج قصده انت مو شريفه.
صفا/ سكتت بس هي ماسكتت ولاسكنت عبالك ماكله لسان طير بس تكرك وانه هم سكتت بس كلش ضايجه من الي صار.
