#حب_مجهول

البارت الثامن والعشرون

#حب_مجهول

#بقلمي_بتول_الكلابيه

#البارت_الثامن_والعشرون. 28

الحقد والكره والغيره كلهم شيطان بشع المنضر يتزين للانسان بأحله صوره ويوهمه انه الشي الصح اله ويبينله انو هوه جاي ايسوي الشي الصحيح بينما هوه عامي عيونه بكل وضوح المشكله الناس كلهة اشوف الغلط اله هوه ايشوف كلشي صح بلي جاي ايصير ميثم محد يعرف شنو بداخله

شنو سبب هل كره معقوله حب مرات من نحب شخص ونكتشف انو هوه ميحبنه منتقبل هل شي منحترم رئيه او حت مشاعره نحاول ننتقم منه

او مرات من نشوف انسان احسن منه همين نبلش نحقد عليه لان كل الي حوالينه يحبونه

او مرات لا ماكو ولا سبب سوه اريد نبرز ارواحنه ونبين انو احنه اذا ردنه شي نجيبه برضه او ب الغصب اهم شي نحصل عليه

... كل هل شي الي جاي ايصير محد يعرف سببه غير ميثم يا ترى وين راح يوصل حقد ميثم او كرهة الحنين او مؤيد

ميثم.... صارالصبح او رجعت لهلي وصلت ساعه ب 8 اونص البيتنه دگيت الباب طبعآ اهلي عدهم علم برجعتي فتحلي الباب اخوي الصغير او دخلت للبيت لگيت اهلي مجتمعين كلهم ب البيت

ابو ميثم.... شرفت استاذ ميثم سودت وجهي الله ايسود وجهك يامامتربي

ميثم..... 😒😒😒 كافي عاد لسونهة ادرامه عليه همه يستاهلون الي صار

ابو ميثم...... او الك عين تحجي ياادبزز انته هسه منبوذ او فصلوك عن العشيره يعني صرت حالك حال الچلب

ميثم..... اوووطززز بيهم وبعشيرتهم  على اساس مهتم هسه اني او هذوله بيت اخوك اني الهم اذا مشوفتهم انجوم الضهر اني موميثم

ابو ميثم.... ي الماتستحي او ضربته راشدي بكل قوتي هاي حت تتربه اني تالي عمري هيج تسوي بيه وتفشل شيباتي وتنزل راسي بين الناس او كلهة على بنيه مارادتك

ميثم..... ضربني ابوي راشدي صعد الدم الراسي لو شايل مسدس بلحضته اخلي طلقه براسه بس اني الج حنين اني ميثم هيج ايصير بيه بسببج والله ثم والله اذا خليتج تتهنين وي هذا مؤيد اني مو زلمه

ابو ميثم..... شوف اسمعني ولك اليوم نروح على بيت عمه وتبوس راس عمتك وتعتذر من بنت عمتك گدام الكل هذا شرطهم حت يتنازلون عن الدعوه
لا عبالك اسوي كل هل شي على مودك انته بعد لا ابني او لا اريدك الي ينزل راس ابوه هذا ميسوه نعتبره ابن اني جاي اسوي هل شي وجاي امر بهل ذله لان اني رجال جبير او عندي بنات باجر اريد ازوجهن ماريد توگف قسمتهن بسبب اخوهن المهتلف طايح الحض

ميثم..... اوك هاهيه اروح العصر

ابو ميثم..... خووووش هسه اخابرهم ونطيهم خبر ماوصيك عود هم مثل الجهال اشرد مره ثانيه حت اكسر اضهرك