#حب_مجهول

البارت عشرين

#حب_مجهول

#بقلمي_بتول_الكلابيه

#البارت_العشرون.  20

الم حزن فرح سعاده راحه حب احلام اماني كلهم يجمعون سويه بحلقه لونهة اصفر تعلآ بدايه حياه مشرقه ابواب اتفتحت من بعد ما ايسنه منهة هوايه الي يحلمون يخلون بصبع الي يحبونه حلقه هوايه ناس تبجي او تنذر لجل يتحقق هل شي رغم البعض مستعد ينطي روحه لجل هل لحضه اني من هل ناس جنت كل ليله ابجي مثل الطفل على الي احبه اتخيله يمي ويواسي بيه ويگولي اني وياك مااتركك ابد ياخذني الحضنه يمسح دمعاتي يحسسني بالامان الي احتاجه وياه جنت اضن مستحيل يتحقق هل شي وننجمع سويه بس الله اذا قسم الشي النه فقط يگله ....كن فيكون....
مهما تكون بينه مسافات راح تتلاشه بسرعه الحمدالله ربي عوضني من بعد الالم فرح او من بعد الصبر فرج او من بعد الشده يسر

مؤيد..... صرت انتضر اليل بفارغ الصبر حت اروح اخلي حلقه بيد حبيبتي وصير الي منتضر ارجع وشوفهة انطيق اسمهة احس بكلشي نحرمت منه او حرمت نفسي منه

حنين.... نزلت على مامه او طلعنه للصالون جان قريب علينه الحمدالله ملگينه عدهة احد همزين بلشت تحف وجهي اكدت عليهة تبقي حواجبي ثخان بس ترتبهم الي اختاريت بدله بصلي او بيهة زغرفه ورديه تصميمهة مخصره من فوگ لحد الخصر او تكون منفوشه بشكل كلش حلووو بيهة برگع كلش طويل ب الضهر بيه حبات الماس او كبور على الطراف شكلهة ايخبل بعد ما خلصت حفافه اجت عمتي مقبلت انسوي الصالون علينه لان هيج العادات الصالون على اهل الولد ب الخطوبه او الحنه والسبعه كذالك المهم بقن امي او عمتي وحد تگل للثانيه اني ادفع

اخر شي عمتي دفعت اختارينه البدله او راحت اني لبستهة او بلشت ام الصالون تخليلي مكياج او سوتلي تسريحه حلووه كلش طلبت منهة مكياج خفيف اذكرت صديقتي نور يمه غير اتموتني بس انساهة هههههه خابرتهة او عزمته بليل تجي ان شاءالله صارت ب ال6 رجعت البيتنه لگيت اخوات مؤيد يمنه او نور جايه ومحضره كلشي فدوه العينهة اول مشافني بلشت الهلاهل تتعاله او شغلو اغاني او بلشو ركص🙈😅😅

زينب.....تعشينه ع السريع خابرت حنين گالت رجعت البيتنه بسرعه بدلنه اخواتي گدامنه راحن مؤيد طالع يخبل خطيه هوايه فرحان الله يسهل امره صعدنه بسياره او رحنه البيت عمتي

وصلنه شويه عن الباب سمعت الغاني صارآ رجليه يتحركن يسره او يمنه 😅😅😅😅😅
دگينه الباب فتحت غزل الباب دخلنه للستقبال مشاء الله تبارك الرحمان حنين تخبل صفنت عليهة او شكلهة اليوم فعلا طالعه كيكه ههههههه دخلو اهلي سلمو او دخل مؤيد لونه نخطف من شاف الحفله او نخطف لونه اكثر من شاف حنين بهل شكل ضل مصدوم بمنضرهة بجمالهة بنزاكتهة

مؤيد...... وصلنه بيت عمتي او دخلت بس شنو انصدمت بشوفه حنين ملاك او گاعد اريد اعرف شنو افكر او احجي تيهت كلشي طالعه اميره او احله بتسمت من شفتهة فرحانه.
حنين.... على گد الفرح بگده قلق ورتباك🙈🙈 الديجيات مشتغله والجوو حلوو هوايه شويه او اجت زينب ههههه طالعه تخبل بلشت ترگص اخذتنه حاصل فاصل 😅😅 عدت الدقايق او شفت حبيب ارويحتي طالع جنه العافيه گلبي صار بداخله حررب من الخوف والمستحه 🙈🙈