#حب_مجهول

البارت الثالث والثلاثون

#حب_مجهول

#بقلمي_بتول_الكلابيه

#البارت_الثالث_والثلاثون. 33

نتلاكة والنظرات يحجن صدك
والمخفي بين حومرت وجنتك

مجبور كلش مو بدي ما احب
بالروح مدري شحركت نظرتك

علي عادل

منقول☝

مؤيد.... رحت للستقبال بعدني مگاعد ابويه گلي روح خل زينب اسويلي چاي
او فعلا رجعت شفت حنين او زينب واگفات ضهرهن صاير ع الباب او هنانه ملتفتات ع الشباك مالت الحديقه ويسولفن وصلت للمطبخ او ياريت ما وگفن رجليه
سمعت كل كلامهم صدمه حياتي بحنين بعمري مفكرت بيوم هيه هيج تستغلفني او تضحك عليه وتكذب بهيج شي بشع والمصيبه صايرات عصابه زينب او نور اوحنين كلهم خيولون زينب اختي شلون هيج تسوي بيه
ماستحملت رجعت الغرفتي او كفلت الباب نار او مشتعله ابگلبي لو توگع بيدي حنين انتقم منهة او زينب احسابهة بعدين
بقيت ساعتين بغرفتي لاگدر ابقه او لاگدراطلع
ااااخ ياحنين هيج تستغفليني وتستصغريني
طلعت من غرفتي الغضب امسيطر عليه الي اشوفه گدامي منهم ماارحمه ضربت الباب بكل قوه

حنين...... شفت مؤيد كلش عصبي طلع من غرفته ماجنت اعرف هوه هنا ضرب الباب بكل قوه للحضه گلت ح ينخلع الباب طلعنه من الهبطه والخوفه نركض عليه اتلگته صاحت بيه شبيك

ماحجه شي غير ماااكو شي وطلع للحديقه
رجعآ امي او عمتي للغرفه سئلتهم شكو محد يعرف
اشرت الزينب نطلع انشوفه شبيه

مؤيد.... طلعت وتلگني امي او عمتي او زينب او حنين ااااه ياحنين حطمتيني سئلتني امي شنو صار بس ماحجيت شي خليتهم او طلعت للحديقه
وصلت للحديقه مالتي الي شهدت على حبي الحنين اخذت المسحا او بلشت اگطع بكلشي موجود مثل المجنون وانهد من بعد الحبس مااميز بين اخضر او يابس اخر شي فكرت اشوفه گدامي حنين او زينب

حنين..... طلعنه للحديقه اني او زينب وتفاجئنه بمؤيد ايدمر بحديقته الي جان يگلي حبنه مزروع بهل حديقه مستحيل اخليه بيوم تخرب لو افكر اخربهة
ركضت عليه
مؤيد شبيك اشجاي اسوي ليش هيج

مؤيد.... سمعت صوت حنين لو اني مثل البانزين اوجابو يمه النار صرت بكل قوه عندي اگطع بزرع

حنين..... مؤيد ليش هيج اوگف لزمت ايدي الي لازم بيهة المسحا

زينب.... مؤيد شبيك ليش هيج اسوي اشصاير

مؤيد.... اشصاير مووووووو اتضحكن عليه او حضرت جنابج اتسئلا اشصاير

زينب او حنين..... صفنه مافهمنه شي

حنين.... شبيك نضحك عليك شنو احجي اشصاير مؤؤيد

مؤيد.... زمخت بيهة بقوه وخري ايدج او لا تلمسيني او ماعرف شلون انمدت ايدي او محسيت على نفسي او ضربتهة راشدي قوه الضربه صارت مثل الجرس اترن بأذني