"အံ့ဩဖို့ကောင်းလိုက်တာ မာနခဲပဲ"
"ဟဲ့ ဘာတွေပြောနေတာလဲငါ့ကလေးက"
ဟိဏ်းဆက်တစ်ယောက်တည်းပွစိပွစိပြောနေစဉ်ကေသွယ်သည်အနားသို့ရောက်လာသည်။
"ဟိုမှာလေ ဟိုမာနခဲပေါ့ ၊ ငါကသူ့နေရာကိုဖြတ်ဦးလိုက်လို့ အစိမ်းလိုက်ဝါးစားတော့မယ့်အကြည့်နဲ့ကြည့်နေလို့ငါကအတူလာထိုင်ဖို့ပြောတာကို ဘာမှတောင်ပြန်မပြောဘူး လှည့်ထွက်သွားတာ ရေခဲတုံးဖင်ခုထိုင်ထားတဲ့လူ"
ဟိဏ်းဆက်လက်ညှိုးညွှန်ပြတဲ့နေရာကိုကေသွယ်လှမ်းကြည့်လိုက်သည်။
"အိုးမိုင်ဂေါ့!!! semeကြီး အသေမိုက်တယ် ၊ All blackနဲ့ အိုမားရား!!! ကျူမီးငါး!!!"
ဟိဏ်းဆက်သည်ကေသွယ်၏ပါးစပ်ကိုလှမ်းပိတ်ရပါတော့သည်။
"ဟဲ့ ဒါကျောင်းသားရေးရာနော် နင့်အမေအိမ်မဟုတ်ဘူး ၊ အကုန်ဝိုင်းကြည့်ကုန်ပြီ ထိုင်စမ်း"
ကေသွယ်ဘေးပတ်ဝန်းကျင်ကိုကြည့်လိုက်ပြီးတစ်ချက်ဖြီးပြကာထိုင်လိုက်သည်။
"ဟီး ဆောရီး ငါအရမ်းအရမ်းကိုမုတွေဝင်သွားလို့ပါဟယ်"
"မုဝင်ရအောင်ဒီနေရာကနင်ကြည့်နေတဲ့Blကားတွေမဟုတ်ဘူးဟ ၊ ကျောင်းသားရေးရာဟ"
"အေးပါဟာ ၊ နင်ကလည်း ပြောမယ်ဆိုတာချည်းပဲ"
"ထားပါ ဟိုကောင်တွေရော"
"သူတို့အကြောင်းမပြောချင်တော့ပါဘူးအေ ၊ ဟိုမှာတမတည်းမပြီးတော့ ဒုတိယနှစ်ဖောင်တန်းနားမှာဝဲလည်လည်နဲ့ကြောင်နေကြတယ်"
"ဟူး ဒီကောင်တွေနဲ့လည်းခက်တယ် ၊ ငါတို့ဖောင်အရင်ဖြည့်ရအောင် ၊ သူတို့ကိုအရေးလုပ်မနေနဲ့တော့"
"အေးဖြည့်ကြမယ်"
ကျောင်းမှာတက်ရမယ့်သူကဟိဏ်းဆက်နဲ့ကေသွယ်နှစ်ယောက်တည်းဖြစ်သည်။လိုက်တာတဲ့သူငယ်ချင်းတွေကအခြားကျောင်းမှာတက်ရမှာဆိုပေမဲ့အခုလိုဖွန်ကြောင်ချင်လို့လိုက်လာကြခြင်းဖြစ်သည်။ဟိန်းသူသည်ထိုနေရာမှလှည့်ထွက်လာပြီးကားထဲတွင်သာဖောင်ဖြည့်ရန်ဆုံးဖြတ်လိုက်သည်။ဖောင်ဖြည့်နေစဉ်မိခင်နာမည်ရေးရပြန်တော့သူမေမေ့ကိုသတိရမိပြန်သည်။ဟိန်းသူအပြင်သွားသည့်အခါတိုင်းအမေနဲ့အတူတွဲသွားနေသည့်ကလေးတွေကိုမြင်တိုင်းသူလည်းမေမေနဲ့အဲ့လိုသွားချင်မိသည်။မေမေ့ကိုသူဘယ်လိုမှမေ့ပျောက်၍မရနိုင်။မိခင်ရဲ့နာမည်ကိုသူဖြည့်လိုက်သည်။
YOU ARE READING
ချစ်ရပါသော"ညီ"
Romantika[Unicode]အဖေမရှိတော့ဘဲ မိထွေးရဲ့အရိပ်အောက်မှာကြီးပြင်းလာတဲ့ကောင်လေးနဲ့မိဘရဲ့အရိပ်အာဝါသအောက်မှာနွေးထွေးမှုအပြည့်နဲ့ကြီးပြင်းလာတဲ့ကောင်လေး ထိုကောင်လေးနှစ်ယောက်ရဲ့တွေ့ဆုံခြင်းမှအစပြု၍........ တစ်ယောက်ကလည်းခပ်ချေချေ တစ်ယောက်ကလည်းအမြဲပြုံးပျော်နေတတ်သူ သူ...
အပိုင်း - ၂
Začať od začiatku