لِكل شئ نِهايةْ.

Chapter 31 : I'm sorry Ashley.

What if daddy was right ?

What if there's no forever?

Would you kiss me goodnight?

I'll keep you frozen in time , like they do in a picture

And if i close my eyes .. That wouldn't matter

Stay with me don't disappear , to tell the truth i need you here . I'm afraid i can purely breath , say night

Would you say goodnight ?

•••••••••••••••••••••••••••••••••••••

فتحت عيوني وانا اشوف كل شي ظلام في ظلام

التفت يمين ويسار وانا احاول اتذكر اخر شي صار

رفعت ظهري من الارض وانا اتألم مع كل حركه واسأل نفسي وين انا؟

وقفت وبدأت اشوف المكان الي كان عباره عن غرفه مظلمه ومقفله ... ولكن انتبهت لضوء خفيف موجود في نهايه الغرفه

.

حركت رجلي حتى امشي ولكن صوت خلاني اتجمد

• shut the door turn the lights off , i wanna be with you i wanna feel your love, i wanna live beside you i can't hide this even how i try •

التفت وراي وحركت عيوني لزاوية الغرفه حتى اشوف وحده واقفة وظهرها يواجهني

نظرت لخصلات شعرها الذهبية والي قدرت اشوفها من الضوء الخفيف والغريبه كان شكلها مألوف ، صوتها الناعم كان يغني بحزن كلمات اغنية احس اني اعرفها

حاولت اتذكر اي شي لكن حسيت بصداع خلاني احط يدي على راسي و اغمض عيوني

وبدون مانتبه تحركت رجلي باتجاهها وانا اسمع صوتها الحزين يغني

Hands are silent , voice is numb

وفجأة مر قدام عيني شريط بسيط وسريع لكل الاحداث الي حصلت من بدايه تعرفي على اشلي حتى الحادث وكلامها قبل لا يتحول كل شي لظلام .

لمحة سريعه مرت قدام عيني و ذكرتني بالحلم قبل الحادث .. وقبل لا افكر تحرك لساني بكلمه واحده

" اليسون "

التفتت لي بخفه " اهلا بعودتك نايل "

عيوني تفتحت بقوه وحسيت بلساني يتحجر , الاحرف ضاعت مني في الوقت الي بدأت احس فيه ان الاكسجين بدأ يقل من رئتي

"عودتي؟" قلت اول كلمه خطرت على بالي

تجاهلت سؤالي ومرت من جنبي " على الاقل باقي متذكر اسمي "

تتبعتها بعيوني وانا اشوفها تناظر للجهه الثانيه بحيث ان ظهرها باتجاهي

" ومين قال اني نسيتك ؟"

التفتت وعلى وجهه نظره حزينه ، هزت راسها بعدم تصديق وناظرت للارض

سكتْ لثواني انتظرها تجاوب ، لكن بعد مدة من الصمت وانا انتظر منها جواب سألتها " وين انا "