BHO CAMP #7: The Moonlight

Chapter 6: Beat

Nag-iinat na tumayo ako mula sa pagkakaupo at pagkatapos ay tinapik ko sa balikat ang baba. "Tayo pa naman dalawa ang may sumpa ng maid-of-honor. Thank you sa pagsagip sakin."

"H-Hoy. Bad joke ka."

"Best wishes!"

Nakangising kinuha ko ang paper bag sa lamesa at nilagpasan ko na siya. Alam ko namang hindi si Archer ang gusto niya. Halata naman kasi kung sino ang tinitignan niya. Pero kung sakali namang si Archer talaga ang gusto niya ay wala naman akong pakielam talaga.

Lumapit ako sa kinaroroonan ng lalaking kanina ko pa iniisip, not by choice, na ngayon ay kasama ang mga kabanda niya. Tila nararamdaman niya ang presensiya ko na nag-angat siya ng tingin at nagtama ang mga mata namin.

May kung anong damdamin ang sumipa sa puso ko nang makita ko ang mga mata niya pero hindi ko ikinabahala 'yon. Alam ko namang awa lang ang nararamdaman ko. I pity the boy he once was. That's all.

Padabog na ibinaba ko sa table ang dala kong paper bag na ikinapitlag ng iba pang mga miyembro ng Royalty na ngayon lang ako napansin.

"Mainit na naman po ang ulo ni Hangin." napapakamot sa ulo na sabi ni Thunder.

Pinaningkitan ko siya ng mga mata na ikinatawa niya lang pati na ng iba pang miyembro, maliban kay Archer na nanatiling sakin lang nakatingin, kay Harmony na nasa cellphone niya lang ang atensyon at kay King na sinisilip ang laman ng paperbag. Nang hindi siya makuntento ay inilabas niya ang laman niyon.

Kunot-noong niladlad ni King ang hawak niya. "Binibigyan mo kami ng merchandise ng...sarili naming banda?"

Inagaw ko sa kaniya 'yon at inihagis ko 'yon kay Archer na nasalo naman agad 'yon. Binalingan ko ang vocalist na si King. "Unang correction, hindi kita binibigyan dahil kay Archer 'yan. Pangalawang correction, sinasauli ko hindi binibigay."

Si King naman ngayon ang napakamot sa ulo niya sa katarayan ko. Binalingan niya ang pinsan ko na si Thunder, "Bakit mas malamig ang ulo ni Fiere kesa dito sa kapatid niya eh Aiere naman ang pangalan niya?"

Binatukan ng pinsan ko si King at nilagay ang hintuturo sa labi niya na parang pinapatahimik ang lalaki nang makitang masama na ang pagkakatingin ko sa kanila. Bilib na ako kay Freezale sa tatag ng loob at haba ng pasensya niya. Asawa niya na nga 'tong si Kuya King tapos kapatid niya pa si Kuya Thunder.

Binalingan ko si Archer na mukhang naghihintay lang sa sasabihin ko, "Binabalik ko na 'yan."

"Hindi ko naman binabawi. It's the band's merch. Madami kami nito."

"Hindi ako fan kaya hindi ko kailangan."

Napasinghap si kuya Thunder na parang hindi siya makapaniwala at sinapo niya pa ang dibdib niya. Tinuro niya ako at ekseheradong pinanginig pa ang kamay niya na para bang umaarte siya sa pelikula. "H-How dare you!"

Pinaikot ko ang mga mata ko at tinalikuran ko na sila. Wala akong planong makalbo dahil sa kalokohan nila. Mabuti na lang talaga at immune si Harmony sa kanila dahil kaawa-awa ang isang 'yon kapag bigla na lang siyang nakalbo dahil sa kunsumisyon.

Tuloy-tuloy akong nag-lakad palabas ng Craige at tinahak ko ang daan pabalik ng headquarters. Niyakap ko ang sarili ko nang maramdaman ko ang pag-ihip ng hangin. Dahil napapadalas ang pag-ulan mas lalong lumalamig dito sa Tagaytay. Kapag gabi nga napakahirap ng magmaneho sa sobrang foggy na sa labas. Kaya kapag mga gano'ng oras ina-advise na namin ang mga guest na wg ng lumayo. Masyado kasing tago ang kinaroroonan ng BHO CAMP at hindi naman maliwanag ang daan na tatahakin papunta dito kaya baka mag cause pa ng aksidente kapag maulan o mahamog.

"Miss excuse me. Is this the way to the tent lodging?" I heard a voice asked behind me. "I'm really sorry for the bother but I think we're heading the wrong way."