آسر قلبي ولدمعي آسيل

17

********الفصل السابع عشر*********

ذهب آسر سريعا الى آسيل ليجدها ملقاه بأسفل الدرج مغشيا عليها والدماء تسيل من رأسها صرخ آسر عاليا آسييييل
وذهب اليها كل من فى البيت سريعا اتصل آسر بسيارة الاسعاف لتحملها الى المشفى سريعا وهو يهتف عاليا بصوت جهور هز ارجاء المشفى ليأتى اليه جميع الاطباء وطاقم التمريض ليهتف احد الدكاتره الموجودين : فى ايه يافندم
آسر: انت لسه هتقف تسألنى فيه ايه !!!!!!!!
ذهب الدكتور سريعا الى غرفة اسيل ومعه طاقم التمريض ليكشف على حالة أسيل ويطمئن عليها وفى ذلك الآن امتلئت المشفى بالكثير من الناس واهل آسر عماته وزوجات اعمامه واعمامه واولادهم ليطمئنوا على أسيل وبعد ان انتهى الدكتور من الفحص سأل آسر :هو ايه اللى حصلها بالظبط
آسر: مش عارف بس اللى فهمته انها وقعت من على السلم
الدكتور : بس الوقعه دى مش عاديه دى بقوة دفع شديده
آسر بدهشه وغضب: قوة دفع طيب وهى مين هيوقعها وهو قاصد أسيل الكل بيحيها فى البيت وب...وسريعا يتذكر آسر عمته سليمه وإبنتها وشدة اصرارها ان يخرج ويحدث ياسين سريعا ويتذكر كرههم لها وحركات اميره التى تحاول اثارته بها ليشيط غضبا ويحمر وجهه من شدة الغضب ويسال الدكتور قائلا: طيب هى كويسه ولا فيها حاجه
الدكتور : لازم دكتور عظام يشوفها ونعملها اشاعه عالمخ وتفضل تحت الملاحظة كدا النهارده لحد مانطمن عليها انا هخليهم يعقمولها الجرح اللى فى راسها اوك
آسر: وفين دكتور العظام دا وفين  الاشاعه هو حضرتك واقف
تاخد رايي الاول يا دكتور
الدكتور بقلق حاضر يا آسر بيه بس انت اهدى هى حالتها كويسه ومستقره مفيهاش اى قلق
يظل آسر يزفر بضيق لتتحدث سليمه قائله: اهدى يا آسر خلاص الدكتور قالك انها زينه متخافش مش هيحصلها حاچه يعنى هتقوم وهتبقى زى العفريت
ينظر لها آسر بغضب وهو يفكر ياترى مين اللى. عمل فيها كدا انا كان قلبي حاسس ان فى حاجه هتحصل لها وان كلام عمتى واصرارها انى اخرج  اكلم ياسين كان وراه حاجه بس ياريتنى كنت فهمت دا ساعتها ظل ينظر فى عين سليمه بغضب وهى تحاول ان تهرب من نظراته وفهمت. مايفكر به ارتعبت سليمه فمهما كان جباروتها فهىتعلم جيدا ان غضب آسر سيكون مثل الاعصار الذي سيبتلعها ويبتلع ابنتها ولكن قاطعهم فى هذه اللحظه خروج دكتور العظام لاسر ليخبره عن حالة اسيل قائلا: الواقعه كانت جامده اوى دى اكيد مش مجرد واقعه عاديه من على سلم دى حاجه دفعتها جامد عموما هى ايدها اليمين ورجليها اليمين اللى اتأذوا اكتر رجليها فيها جرح عميق ودراعها لازم يبقى فى الجبس على الاقل اسبوعين وهما الحمد لله عقموا الجروح وتقدروا تخدوها بعد مايتم التجبيس بس طبعا لازم تتابع هنا علطول
آسر: شكرا لحضرتك يادكتور ممكن اشوفها
الدكتور : ايوه عادى ممكن تتفضل
آسر: شكرا. ثم ينظر لسليمه بكل شر وغضب ويذهب الى غرفة أسيل ليجدها نائمه على الفراش وراسها مربطه واحدى الممرضات تعقم لها جرح ساقها .
ابتسم لها آسر حتى لاتشعر بالقلق قائلا: حبيبي اللى ااكسر مش تاخدى بالك ياقلبى وانتى طالعه السلم
أسيل بقلق شديد وخوف يظهر فى عينيها: آسر انا حسيت ان حد زقنى انا خايفه اوى صدقنى يا آسر انا متزحلقتش انا فى حد زقنى من ضهرى جامد. ملحقتش اشوف مين
آسر: انتى كنتى واقفه ازاى
أسيل: انا بعد طلعت السلم عمتى سليمه نادت عليا فبصيت لها قالتلى انزلى عيزاكى فلفيت وجيت انزل حد دفعنى جامد  وقعت ومحستش باى حاجه غير وانا هنا
آسر:طيب اهدى ومتخافيش انا مش هسيبك تانى ولو لحظه
اسيل:مين عايز يأذينى يا آسر انا معملتش حاجه فى حد بالعكس انا بحب الكل والكل بيحبونى
آسر ملطفا للجو حتى تهدأ: من ناحية بيحبوكى فهما بيموتوا فيك. بيعشقوكى وبي... تقاطعه أسيل بضحكتها قائله:حيلك حيلك مش للدرجه دى 
آسر: لا للدرجه دى واكتر بكتير كمان انتى لو كان حصلك حاجه يا أسيل كنت هموت
اسيل:بعد الشر عنك يا قلب أسيل
آسر: بتحبينى !!!؟
أسيل: انا بموووت فيك انت الوحيد. اللى حسيت بحنانك ومسحت دموعى  يا آسر يا آسر قلبى  ولدمعى أسيل
********************************************* فى القاهره كانت أيات فى المطبخ تحضر الطعام وحماتها تجلس بجانبهاعلى احد مقاعد الطاوله تتحدث معها وتعلو ضحكاتهم فيدخل مازن ويري ذلك فيشعر بفرحه فهو الآن قدم لوالدته ابنه وليست زوجة ابن لقد ملت آيات عليهم البيت وعبأته فرحه وسعاده ومرح وبعد ان كان الجميع يظل فى عمله او غرفته اصبحوا يجتمعوا معا وينهى والد مازن عمله سريعا وايضا والدته ليجلسا مع أيات ويتحدثون ويمازحونها فهذه الفتاه اصبحت ابنتهم التى لم ينجباها وايضا أيات رأت فيهم والداها التى لم تهنأ بهم واحبتهم كثيرا مازال مازن يقف يتابع ضحكات أيات ووالدته ليشعر بيد تطبطب على كتفه يلتفت ليجده والده يبتسم قائلا: بنت هايلة يامازن ملت البيت فرحه وسعاده وبقينا نحس ان البيت ليه حس اوعى تزعلها يا ابنى دى جوهره غاليه صونها اللى تحبب ابوك وامك فيها بالشكل دا يبقا لازم بتموت فيك
مازن: متخافش يابابا انا كمان بحبها وبموووت فيها ومقدرش اعيش من غيرها
ثم يدخلا الى المطبخ ليمازح والده والدته وتخرج معه ليتبقا مازن مع أيات فيقف. ورائها ويحتضنها ويضع قبله على عنقها تفرح آيات كثيرا ولكنها تتصنع الزعل
مازن: ايه حبيبي ماله زعلان ليه
أيات: يعنى فى حد فى الدنيا يكون لسه متجوز من يومين بس ويسيب عروسته ويخرج
مازن: والله ياروحى غصب عنى انتى عارفه نفسي افضل جنبك علطول بس اعمل ايه بقا لشغل آسر اخوكى الشغل كتير اليومين دول وآسر مش موجود وانا اللى لازم اتابع الشغل بنفسي لحد ماييجى واى تقصير فى الشغل هيكون منى انا وانتى ياروحى ميرضكيش آسر يزعل منى
أيات: شكلك بتحب آسر اوى يا مازن
مازن : طبعا دا اخويا وصاحبي ووقف جنبي كتير وكلنا مع بعض كتيييير فول من على العربيه ههههههههههههه
أيات: هههههههههههههههه فول من على العربيه انا نفسي اكل فول من على عربيه
مازن: بس كدا.  نروح ناكل فول من على العربيه .  تعرفي يا ايات اكتر حاجه حبيتها فيكى بساطتك بالرغم من المستوى اللى انتى فيه بس متواضعه وبسيطه
أيات: لازم يا مازن لان كل اللى احنا فيه دا مش ملكنا دا ملك ربنا وقادر ياخده مننا فى لحظه والناس البسيطه دى لها فيه رزق يعنى الفلوس والحاجات دى كلها ملك الناس البساط واحنا لازم نديهم حقهم مش بس فلوس او مساعده واحنا بنتكبر لا لازم نديهم حقهم من المعامله والاهتمام والمحبه عشان ربنا يدينا بالمحبه مش يدينا مال وهو غضبان علينا يتصرف فى مرض او مصيبه آسر اخويا ربانى على كدا
مازن بابتسامه معبره عن اعجابه بتفكيرها وحديثها: بحبك يا ايات انتى بجد نعمه ربنا انعم عليا بيها
أيات: انت كمان يا مازن اجمل نعمه ربنا انعم عليا بيها
مازن: طيب ايه هنفضل نتكلم فى الطبخ كدا كتير
ايات: حاضر خلصت الاكل اهوه
مازن : اممممم شكلك هتتعبينى معاكى  اكل ايه
ايات: امال عايز ايه !!؟
مازن : حطى الاكل عالسفره  واطلعى عشان فى موضوع مهم اووووى لازم اقولك عليه
تبتسم ايات بخجل قائله: حاضر يا مازن اشوف بابا وماما بس محتاجين حاجه ولا لا وهنطلع علطول اوك
مازن: 😜😜😜😜اوك
************************************************اما فى احدى الاماكن العشوائيه يجلس عادل وفاروق على قهوتهم المعتاده
عادل : هموت واعرف الواد ابن ال.................... اخو البت دى ودى البت اسيل فين وليه ضربنى ومشانى وسابها
فاروق : البت جامده اكيد عجبته سابها لمزاجه وفى الاخر برده هيرميها او يخلص عليها
عادل : لا مظنش يخلص عليها انا لازم اعرف البت دى فين لازم اجيبها دا حتى البت نورهان مبقتش تبان هنا لا هى ولا عمتها
فاروق : طيب ما يمكن رجعوا بلدهم
عادل: طيب وهى هترجع بلدهم ليه وتسيب شغلها خصوصا ان الكليه هتبدا اكيد كانت لازم تكون موجوده. البت دى انا لازم اعرف طريقها فين مش بعيد يكون الواد دا ساب البت أسيل وهى هربت على عندها
فاروق: طيب وانت تعرف البت نورهان دى فين اصلا
عادل :ايوه هما من الاقصر
فاروق  :يافرحتى ياخويا من الاقصر هى الاقصر دى اوضتين وصاله وانت متعرفش حاجه عن البت دى
عادل: هدور عليها وهجيبها ان شا الله الف الاقصر كلها كعب داير هجيبها
فاروق: وافرد بعد ماتلف ولقيتها ملقتش بنت عمك عندها
عادل : ياااض متقاطعش هلاقيها وساعتها بس هعرف اربيها وهتجوزها بالعافيه وهاخد كل حاجه منها بالعافيه برده
واخد الشقه اللى ابوها جايبهالها دى ولا القصر يلا ولا الفلوس اللى فى البنك العيشه هترتاااااااح وهتنغنغ
فاروق: هه مش لما تبقا تلاقيها بقا
عادل : استنى ياااض عرفت مين اللى هيدلنى عليها
فاروق: مين يا اخويا
عادل: الواد عبد الرازق ماهو كان دايما بياخدهم بالعربيه يوديهم فرجت ياااااض. وقضاهم رايح لهم لحد عندهم
هههههههههههههههههههههههههههههههههه
**********************************************فففى المشفى انتى الدكتور من تجبيس اسيل وتعقيم جروحها ولفها بالشاش وكتب تصريح بخروجها ممع العلاج والرعايه والمتابعه المستمره دخل لها آسر بابتسامه ومزاح :حبيبي المتكسر يلا بينا
أسيل: هنمشي
آسر: لا انا بساللى همشي حضرتك هتتشالى
اسيل: اتشال!!!؟لا يا آسر. بالله عليك هتكسف
آسر: يلا ولا اسيبك هنا
أسيل: لا هنا لا
آسر: يبقا نسمع الكللم ونسكت ثم حملها آسر تحت لنظار الجميع. وكل الممرضات والدكاتره شعرت اسيل بخجل وادفنت راسها بصدره فابتسم الجميع على خجلها وعلى تصرفات آسر الذي رفض خروجها على كرسي متحرك وحملها بدلا عنه
وكان الجميع فى السيارات ينتظرهم خارج المشفى وكانت سليمه فى عب وخوف من ان يعلم آسر انها السبب فى ما حدث لزوجته فظل آسر ينظر لها بغضب ويجز على اسنانه بقوة
وفور وصولهم المنزل صعد آسر الدرج حاملا أسيل بين يديه ليدخلها الغرفه ويريحها على الفراش ثم قبلها قائلا بمزاح :بزمتك ينفع كدا
اسيل : ينفع ايه!!؟
آسر: فى واحده متكسره وجايه من المستشفي وزى القمر كدا طيب انا اعمل ايه انا دلوقتى بقا دا انا ملحقتش اتهنى بس مين هتهنى يعنى هتهنى ثوانى بس وجيلك ابتسمت أسيل خجلا وقبلها آسر وخرج واغلق الباب ورائه وتغير وجهه سريعا الى اللون الحمر فكان يشيط غضبا ولكنه لم يريد ان يشعرها بذلك حتى لا تقلق او تخاف وتظن انه ليس جدير بحمايتها فى منزله
وقف آسر على اعلى الدرج وهو يتحدث باعلى صوته بشده وغضب قائلا: انا عايز اعرف اسيل وقعت ازاى

تنتهى الحلقه توقعاتكم
* عادل هيوصل لاسيل ؟
* آسر هيتاكد ان عمته وبنتها السبب ازاى !!؟؟

يابنات سامحونى عالتأخير والله كنت مسافره بس اوعدكم بكره بحلقتين جامدين اجمل فانز
💕💕💕💕💕💕💕💕💕💕💕💕💕💕💕💕💕💕💕💕