آسر قلبي ولدمعي آسيل

8

***********الفصل الثامن***********

ارتدى آسر ملابسه واتجه بسيارته الى المزرعه حيث توجد أيات وأسيل وبعد ان وصل دلف الى الداخل ليسمع حديث أيات وأسيل وكانت أسيل تروى لايات احداث حياتها والعذاب الذي عاشته مع عمها. وعادل 
أسيل: عارفه عمى مكفهوش اللى عمله فى جدى زمان  فهم بابا انه بقا كويس وعايز يتصلح حاله بابا صدقه وساعده لحد ما وقف على رجليه وطلب من بابا يشاركه بابا وافق والشغل كان ماشي كويس لحد مع الشغل اللى بينهم بدا يخسر بابا اكتشف ان عمى مش مهتم بالشغل وببسرق منه وان الشغل اللى بينهم دا بيغطى شغل اكبر وهو تجارة المخدرات
انصدمت أيات من حديث أسيل ولكنها كانت تشعر بما عاشته فاعطتها كل انتباهها لتتحدث حتى ترتاح ظلت أسيل تبكى وتحكى :متستغربيش اللى اكبر من كدا ان بابا لما عرف رفض  وكان بيحاول مع عمى آخر محاوله قبل ما ببلغ عنه عمى فهمه انه موافق وهيبعد خالص عن كل الشغل دا عشان ميخسروش لكن هو فى الاساس كان بيدبر له مصيبه اكبر عمى عمل صفقه كببره باسم بابا وكان كل المكالمات بينه وبين الناس دى باسم بابا ويوم تسليم البضاعه عمى بلغ عنه وحط كل الفلوس وجزء من البضاعه فى عربية بابا وطبعا بابا الشرطه خدته عمى مكتفاش بكل اللى حصل فى اول زياره رحت فيها لبابا السجن انا وماما عرفنا ان فى مشاكل بينه وبين سجين معاه وطبعا عمى اللى كان ماجره عشان يموت بابا وفعلا دا اللى حصل لان المسجون دا كان رجل خطر ومجرم  وكان محكوم عليه بالاعدام عمى اتفق معاه انه هيهربه وهيديه فلوس كتير يبدا بيها حياته فى اى بلد برا مقابل انه يخلص على بابا والراجل وافق وفعلا عمى هربه وبابا مات وعمى كان ممضيه على كل حاجات كتير ساعة الشراكه اللى كانت بينهم بس عمى مكنش يعرف ان بابا ليه مبلغ كبير فى البنك وشقه كويسه كان شاريها وكتبها باسمى عمى كان عايزيجوزنى عادل عشان يخلصوا عليا وياخدوا كل حاجه وطبعا بما ان ماما كانت تعبانه اصلا من يوم وفاة بابا كان كل شئسهل بالنسبه لعمى عمى وعادل نموا الرعب فى قلوبنا منهم عشان حتى منفكرش نهرب فى مكان ولما ماما حاولت تاخدنى ونخرج من غير ما يعرفوا شافونا وعرفوا كل حاجه وضربونا كتيير وماما اتعذبت كتير على ايدين عمى وابنه وكانت دايما تعبانه بسببيةعشان كدا كانت بتتمنى انى اهرب منهم وادور على حد يحبنى ويقف جنبي بس دايما حظى النحس واقف فى طريقي يوم ما فكرت اهرب وجاتلى الفرصه لقيت اخوكى فى طريقى خلانى افقد الثقه فى اى حد
أيات: متقوليش كدا يا أسيل آسر طيب والله كان دايما بيسالنى عنك
أسيل باستغراب : بيسالك عنى !!!!؟ هو كان يعرفنى !!؟
أيات: ايوه كنت دايما بحكيله عنك وعن نورهان اصل انا ماليش غير آسر قريب منى وبحكيله على اى حاجه  ولما كنت بقعد فتره محكيش عنك كان ييجى يسالنى عليكى وعن آخر اخبارك وجه فى يوم قالى انه كلم دكتور صاحبه يعمل كل اللازم لوالدتك بس كانت ساعتها اتوفت زعل اوى واتفق معايا انه لازم يساعدك  صدقينى يا أسيل آسر طيب وهيقف جنبك
أسيل: حتى لو هو زى ما انتى بتقولى انا خلاص مبقاش عندى ثقه فى حد واللى عمله معايا خلانى اخاف منه ومش هسامحه لانه كسرنى وكسر فرحتى وانا كنت بجرى باقصى سرعه ونبضات قلبي كانت بتزيد مع كل خطوه بتقربنى لحياتى الجديده اللى حلمت بيها كتير ولما خلاص قربت محستش بنفسي وغمضت عينى وصحيت على كابوس افظع من اللى كنت فيه
أيات: انسي يا أسيل وابدأى من جديد آسر هيجيبلك حقك صدقينى وهيخليكى تعيشي حياتك من غير خوف ولاقلق بس انتى حاولى تخرجى من اللي انتى فيه دا
ليقطتع حديثهم دخول آسر والذي كان يقف من اول الحديث يستمع اليهم وقلبه يتمزق وروحه تختنق لانه يعلم ان ما جاء ليطلبه مستحيل بعد كل ما سمع وكانت اول كلمه ينطقها وهو ينظر الى أسيل نظرة طلب السماح  : تتجوزينى!!!!!!!!!!!!!!!؟
انصدمت أسيل وتحدقت عين آيات
آسر: أسيل: ردى عليا تتجوزينى !!!!!؟
أسيل: انت لو اخر واحد فى الدنيا عمرى ما اوافق اتجوزك
حزن آسر و لكنه لم ينصدم من ردها لانه يعرف جيدا شعورها من ناحيته
آسر:اسمعى كويس اللى هقوله انا مش هتجوزك لاى سبب غير مساعدتك يعنى انا هقف جنبك بمزاجك او غصب عنك هقف جنبك عشان اكفر عن ذنبي وانا مش هقدر اقف جنبك وانا ماليش اى صفه قانونيه اقدر  بيها فى وش اى حدوفى حاجه كمان عايزك تفهميها نورهان مش هتقدر تساعدك ولو حاولت هتأذيها هى وعيلتها انا بس اللى اقدر اساعدك اولا لان دا وعد ووعد الحر دين عليه ثانيا لان انا ليا عداوه معاه وعداوتى معاه ضمان ليكى ان انتقم منه والجواز دا هيكون عالورقةوبس مفيش اى حاجه هتكون بنا غير الورقه دى وكمان انا مسافر السعوديه لشغل ضرورى جدااا ولازم اخدك معايا مش هينفع اسيبك هنا بعد اللي حصل ولازم تيجى معايا بصفه وهى انك مراتى
تنصدم أسيل لتحكماته ولكنها تشعر بصدق كلامه
ثم يقاطع شرودها آسر قائلا : انا هستنى بره قولى ردك لايات. ولو وافقتى هكلم الماذون. ييجى وهنكتب الكتاب واى ضمان تحبي تخديه انا موافق ومن غير اى تردد ثم يخرج آسر ليتركو أسيل فى حيرتها  وايات منصدمه بحديث اخيها وتنتظر رد أسيل وهى تدعوا الله بان توافق
وبعد قليل يرن جرس هاتف أيات لترد: الو
نورهان : ايوه يا أيات اذيك
أيات: ازيك يانور عامله ايه
نورهان : انا الحمد لله كويسه. المهم اسيل اخبارها ايه دلوقتى هديت شويه ولا لسه
أيات: يعنى بحاول معاها
نورهان،: هى سمعانى دلوقتى
أيات: ايوه انا فاتحه الاسبيكر
نورهان : أسيل ةحبيبتى اسمعينى كويس انا آسفه انا مش هقدر اخدك مش عشان حاجه بس عشان هما قالبين عليكى الدنيا وسالونى عنك وعن أيات وانا قلقانه منهم من تصرفاتهم وخايفه اخدك يوصولك والمره دى هيقتلوكى انا مش عيزاكى تخافى  انا بس عيزاكى تعرفي انك في بيت آسر الشرقاوى يبقي انتى فى امان ولازم تفضلى عندك فتره
أسيل ويملئ قلبها الخوف ولكن ستحاول ان تظهر القوه حتى لا يستضعفها آسر  
اسيل: متخافيش عليا انا كويسه وهفضل هنا مع آيات
نورهان : ماشي ياحبيبتى خدى بالك من نفسك وطمنينى عليكى دايما
آسيل: ماشي يانور وانتى كمان خدى بالك من نفسك. .يلا سلام
نورهان :سلام
ثم تغلق أسيل الهاتف وتنظر لايات ثم تنهض لتفتح باب الغرفه لتجد آسر جالس ويضع يده على راسه وعندما يسمع صوت خطواتها ويعتقد. انها ايات ولكنه يتفجأ لرؤيتها  تقف أسيل بكل قوه وبجانبها أيات التى تستغرب كل ما تفعله ولكن أسيل ظلت واقفه متصنعه القوه والجراه  وتنظر لاسر : انا موافقه
ينظر آسر باستغراب ولايصدق ما سمعه فيهزراسه انه لايفهم
ترد اسيل : انا موافقه اتجوزك بس بشرط يكون جواز على ورق بس وهيكون بنا عقد لمدة ٣شهور تكون عملت اللى عليك وتطلقنى وفى حاجه كمان انت مش بتساعدنى شفقه انت بتساعدنى عشان تكفر عن ذنبك معايا عشان اقدر اسامحك مش اكتر ولا اقل  انا بس كل اللى انا عيزاه ابعد عنهم لحد ما اقدر استمد قوتى مره تانيه والمره دى لازم انتقم من كل اللي جه عليا وعلى اهلى وحرمنى منهم هااه موافق
آسر يومئ راسه بالموافقه: موافق  موافق على كل اللى انتى عايزاه
تتركهةآسيل وتدخل وورائها أيات التى كانت فى قمة ساعدتها ان أسيل وافقت فتحت اى ظرف ستكون زوجة آسر وسيحميها اكيد
تركوا آسر وسط فرحته التى لم تقدر بثمن ولكنه كان فى استغراب شديد قام آسر بالاتصال على مازن .....
مازن : الو. ايه يابوس ابل الشربات وازغرط.  نقول مبروك
آسر: ايوهةوافقت
مازن: ايوه ياعم نفسي اشوف اللى لخبطت كيان آسر الشرقغوى بجلالة قدره دى شكلها ايه
آسر: امال يعنى لو مش حكيلك اللي فيها ومفهمك الظرف
مازن: متضحكش على نفسك يا آسر انت بتحبها ولو مش بتحبها هتحبها صدقنى وبكره تقول مازن قال
آسر:طيب انجز يا عم القرد وهات المأذون وعدى على الاستاذ البحيرى المحامى هاته معاك عشان يشهد وفى شويه ضمانات ليها هيكتبها
مازن: ضمانات!!!؟ضمانات ايه ياآسر وليه!!؟
آسر: عايزه تضمن انى هطلقها بعد ٣شهور
مازن : انت مجنون ازاى وافقتها على كدا !!!!!؟
آسر:هى دلوقتى زى الطير اللى مكسور جناحه لاقادره تتحمل الوجع ولا قادره تدى الامان لحد يساعدها ويداوى جروحها
مازن: ماشي يا آسر انا هعدى على الاستاذ بحيرى والماذون واجيلك انت فى الزرعه صح
آسر: ايوه  بس انجز يلا.   سلام
مازن : سلام
اغلق آسر الهاتف ليجد آيات واقفه امامه تبتسم فيسالها: انتى واقفه مبتسمه قوى ليه كدا ؟
آيات: اصل العروسه بتقول ان عبايتها حضرتك قطعتها ومفيش غير اللبس البيتى دا ومينفعش تقابل حد بيه فممكن لو سمحت تجيبلها فستان تانى تخرج بيه قدام الناس
يبتسم آسر بداخله ويتصنع الجديه : قوليلها حاضر كل حاجه هتكون جاهزه
آيات وهى بنفس حالة الهيام والابتسامه التى تملا وجهها والبلاهة التى تتصنعها : امممممم اى اوامر تانيه يا عريس
آسر: لا. واتفضلى بقا حضرتك جهزيها على ما انزل اجيبلها حاجه تلبسها
آيات: حاضر
ثم يذهب آسر ليشترى لها ثيابا جديده فتقع عينيه على فستان  من اللون الابيض به وردات باللون الزهرى وطرحه بالون الزهرى الخفيف من قماش الشيفون وحذاء بكعب زهرى انثوى ورقيق للغايه ثم ذهب الى محل آخر اعجبه به شئ وعندما انتهى ذهب الى البيت واعطى كل الاغراض لايات واخبرها بان تدخل لتجهزها وان تخبرها انها تتعامل بشكل عادى وكانها فى قمة فرحتها لان المحامى من الاقصر وهو محامى العائله وبالتاكيد سينقل لهم خبر زواج آسر الشرقاوى فهو لايريد ان يعرف اى شخص اى شئ عن أسيل
وعن عائلتها ومشاكلها حتى لا ينظر لها اى شخص نظره تقلل منها او يعاملها بمعامله اقل من ان تعاملها زوجة اسر الشرقاوى   فهى اليوم عروس آسر الشرقاوى ومهما كانت الظروف والعقود التى بينهم ستظل عروس وبعد مرور وقت قصير دق جرس الباب ليفتح آسر الباب ليجد مازن والماذون معه ومعهم المحامى يدخلهم آسر ويغلق الباب ويجلسوا جميعا بانتظار خروج العروسه فتظهر آسيل وهى ترتدى الفستان والحجاب وكانت فى قمة اناقتها و جمالها بدون اى مساحيق تجميل و لكن جمالها كان ياخذ انظارهم  جلست اسيل مقابله لآسر وعندما وضعت يدها بيده ليكتب الكتاب شعر كل منهما بتوتر الآخر
كان آسر يشعر بفرحه عارمه تملا قلبه. وكانت آسيل تشعر بقوة يده فيدها صغيره جدا بجانب يده ولكنها شعرت بانها لاتريده ان يترك يدها فقد شعرت بالامان وكانها اخيرا لقيت من سيحميها ويقف بجانبها ولكنها كانت تتمنى دائما ان يوم عرسها ترتدى فستان ابيض جميل ويلبسها عريسها خاتم خطبة جميل ولكنها فاقت من شرودها على يد آسر تمسك بيدها ويضع فى اصبعها خاتم سوليتير جميل يظهر جمال يديها ثم قبل يدها فنظرت له أسيل نظرة غيظ ولكن بداخلها شعرت وكانه يفهمها كثيرا ويقرأ افكارها ثم انتهى كتب الكتاب والعقودات وكان فى شخص آخر هائم بالجمال الذي لم يرفع عينه من عليها فكان مازن يضع عينه على ملاكه أيات التى هى الاخرى كانت تختلس بعض الانظار وتبتسم ابتسامتها الجذابه وبعد ان انتهى كل شئ ودع آسر كل من الماذون والمحامى ليلقي المحامى كلمته الاخيراه قبل ذهابه: مبروك يا آسر بيه عروستك ما شاء الله زى القمر وتشرف علية الشرقاوى كله كان مستنى يشوف عروسة آسر الشرقاوى دى هيكون شكلها ايه بس بجد كله هيندهش من الجمال دا خجلت أسيل وشعر آسر بالغيره وكانه يريد ان يلكمه فى وجهه حتى لايجرا وينظر لزوجة آسر الشرقاوى مره اخرى  ثم ذهب المحامى والماذون واستاذن مازن هو الاخر ليذهب وهو يودع آسر قائلا: مبروك يا بوس ان شاء الله تقع فى المصيده ومتخرجش ابدااااا
آسر: عقبالك لما تقع انت كمان
مازن : ينظر لايات ويبتسم قائلا: شكلى كدا وقعت واللى كان كان .  على كل بكره متتاخرش انا هكون جهزت كل حاجه عشان السفر وانت تيجى الشركه تظبط كل حاجه قبل ما تمشي   تمام
آسر : تمام بكره ان شاء الله هكون فى الشركه
مازن : سلام يا معلم
آسر : سلام ياحبيبي
ثم يغلق الباب ويدخل ليجد أيات ذهبت الى المطبخ وآسيل واقفه بكل جراه وتنظر له نظرات غيظ تساله: ممكن اعرف ايه اللى حضرتك عملته دا
آسر: عملت ايه!!!؟
أسيل : اللي انت عملته من شويه
آسر يتصنع عدم الفهم : ايه اللى انا عملته من شويه
تخجل أسيل ان تخبره انه قبل يدها  فتركل الارض بيدها كالاطفال وتذهب ناحية غرفتها
ليبتسم  آسر على طفولتها لتقاطع ابتسامتهوقائله : مش معنى انى وافقت انى اجوزك يبقا انا سامحتك ولازم تحط بينى وبينك حدود ماشي
آسر: ههههههههههههه انتى خلاص وقعتى فى المصيده ياقطه
تخاف آسيل وتسند بجسدها على الحائط ودموعها تهبط من عينيها ليسير آسر بناحيتها بسرعه ويمسح دموعها ثم يمسك كتفيها بيده قائلا بسرعه وقلق عليها: بلاش دموعك دى اوعى تنزل تانى اوعى اشوفك ضعيفه خليكى قويه وانا آسف انى مسكت ايدك او مسكتك كدا بس انا مسكتك عشان تحسي انى بقيت معاكى وهبقا حمايتك وايديا دى مش هتلمسك غير لحمايتك وبس وعشان تمسح دموعك وانا لما بوست ايدك فدا اولا عشان المحامى ميشكش فينا ويعرف العيله انك متجوزانى غصب عشان لما تروحى هناك الكل يحترمك ويعملك حساب  انتى مرات آسر الشرقاوى  ثانيا بوست ايدك عشان حسيت فى اللحظه دى انى عايز كدا عايز اطمنك ثم يغمز لها قائلا: وكمان عايز اشوف نظرة الشر الجريئه اللى في عينيكى دى هههههه عجبتنى
تبتسم آيات بداخلها ولكنها تكتم ضحكتها وتظهر
عبوث وجهها وضيقتها. فيرد آسر : حتى لما بتكونى مضايقه بتبقي شكلك حلو
آسيل: ممكن تبطل الكلام دا وتسيبنى اعدى
آسر: حاضر. هسيبك تعدى بس كل لما تعيطى هعرفةانك عيزانى امسك ايديكى وابوسها وانتى حره بقا
تخاف اسيل ثم تجرى الى الغرفه فيبتسم آسر قايلا بداخله : ايه دا انا مالى بقيت شقى ليه كدا. .. بت مجنونه
تخرج أيات من المطبخ تبتسم
فيسالها آسر :انتى مالك طول الوقت بتضحكى ليه كدا
أيات: هههههههه لا ولا حاجه اصل اول مره الاقيك فرحان كدا وبتتصرف من غير قيود عائلة الشرقاوى واسلوب آسر بيه الشرقاوى.
آسر : بصراحه.   فرحان بس مش عارف ليه وحاسس انى رجعت عيل صغير
أيات: آسر انت حبتها!!؟؟
آسر : والله ما انا عارف ان كنت حاسس بذنب من ناحيتها ولا حبيتها بس انا جوايا شعور بينسينى نفسي وانا معاها بحس انى آسر تانى خالص غير اللى اتعود عليه
أيات: ان شاء الله خير. يلا انا هدخل اشوف المجنونه دى.
آسر: ماشي وانا هنام عشان عندى شغل كتير الصبح  يلا تصبحى على خير
آيات : تصبح على خير
ثم تدخل أيات لتجد آسيل غيرت ملابسها وارتدت ملابس النوم وجالسه تفكر فى كلام آسر وتبتسم
آيات: احممممم   اخيرااا المدام آسيل بتبتسم اسمحيلي بقا اقولك مدام دلوقتى تنظر لها اسيل نظرة غيظ وتضربها بالوساده قائله:اتخمدى  احسنلك.
أيات: هتعمليلي ايه يعنى ؟ هنادى لاسر ييجى يتفاهم معاكى
اسيل :  آسر !؟؟ لا انا هنام احسن 
تضحك آيات طيب يا جبانه نامى
أسيل : انا مش جبانه بس اخوكى بقى جرئ اوى. 
أيات : انتى لسه شوفتى حاجه ؟؟
أسيل: قصدك ايه
أيات: لا ولا حاجه نامى نامى تصبحى على خير
تظل آيات تفكر بنظرات مازن وضحكاته ومزاحه حتى نامت فى ثباتةعميق
وايضا أسيل كانت تتذكر كلمات آسر ويده التى كانت تحتضن يدها وعندما قبل يدها وشقاوته التى لن
لم تظهر الا بعد كتب الكتاب ظلت تفكر آسيل حتى ذهبت فى ثبات عميق وانتظمت ثم ا ولكن عندما نامت رات فى منامها شئ غريب

* ياترى اسيل هتشوف ايه فى منامها !؟؟
* وياترى آسر هيقدر يحمى أسيل ويخليها تحبه؟
"ارآكم وتفاعلاتكم ياقمرات تعلقاتكم تهمنى وآراكم هستنى اسالتكم واقتراحتكم وآراكم
💖💖💖💖💖💖💖💖💖💖💖💖💖💖💖💖💖💖💖