💕💕💕💕💕💕💕💕💕💕💕💕💕💕💕💕
*********الفصل السابع************
تفيق أسيل وهى تتأوه من شدة التعب والوجع لتشعر بحضن هادئ وحنان يحتضنها فعندما فتحت عينيها رأت أيات تحتضنها وتمسح على شعرها تنصدم أسيل ولكنها تفرح كثيرا لوجود أيات بجانبها تنتفض أسيل من مكانها لتمسك ايات بشده قائله: ايات انتى هنا انا مش مصدقه. ايات خدينى من هنا بالله عليكى انا تعبانه ايات عزبونى اوووى. ايات. ايات صدقينى انا معملتش حاجه والله ماعملت حاجه انا ساعدتك ومسحت الصور والرسايل والله ما كنت اعرف حاجه صدقينى
لتحاول أيات ان تهدأ من روعها وتمسح على راسها : اهدى يا اسيل. اهدى انا عرفت كل حاجه وآسر كمان لتنظر أسيل ناحية باب الغرفه لتجد آسر يقف ولكن من داخله كان قلبه يتمزق من كلمات أسيل وشعورها الذي وصلت اليه بسبب سوء فهمه وعندما راته اسيل ظلت تصرخ فى وجهه قائله: ابعد عنى انت عرفت انى معملتش حاجه انا عايزه اخرج من هنا
آسر: قولتلك مفيش خروج لو خرجتى هيقتلوكى انتى مجنونه عايزه تروحيلهم تانى برجليكى !!!؟
أسيل: وانت مالك هم هيقتلونى ويريحونى انما انت هتفضل تعذبنى وتكسرنى وتهنى حرام عليك حرااااااام عليك ثم انهارت أسيل من شدة بكائها وصرخاتها
ليمسكها آسر من كتفيها ويهزها بشده ويهتف بشده. : اسمعينى كويس انتى هتفضل معايا لحد ما ارجعلك حقك وابعدهم عنك وتعيشي حياتك بارادتك لازم اكفر عن غلطتى معاكى ولازم تفهمى ان دا كان سوء تفاهم مش ذنبى انك كنتى معاه
لتصرخ أسيل بشده وكانت كلماتها تطلع منها بصعوبه ووجع :سوء تفاهم !!!!ليه انا اللى دايما بتحمل ذنب اى حد وليه اتحمل ذنب ان عمى طماع. وليه اتحمل ذنب ان ابنه يطلع مش كويس وليه اتحمل ذنب اللى حصل لايات وليه اتحمل ذنب انى ماليش حد فى الدنيا فالكل ييجى عليا حتى الشخص اللى اتمنيت اقابله من كتر كلام صاحبتى عنه ليه انا بالذات اللى بكون دايما كبش الفدا لكل غلطه وكل ذنب وكل سوء تفاهم
تمزق قلب أيات وظلت تبكى وتحتضنها وتمسح على راسها اما آسر فكان تائه بين شعورين فكان شعوره الاول هو حزنه عليها ولكن شعوره الثانى والاقوى هو استغرابه مما قالته بدون وعى وكان يتحدث مع نفسه : هى بجد كانت عرفانى !!!!!؟ وكانت بتتمنى تشوفنى ؟ طيب ليه وازاى. !!!؟وازاى يوم ما تشوفنى تشوفنى كدا. ازاى انا كمان كنت بتمنى اشوفها وكنت بستنى أيات تحكيلى اخبارها واعرف عنها اى حاجه ثم تذكر آسر نفسه وهو يضربها ويمزق ملابسها ويهينها فيغضب من نفسه اكثر ويذهب الى خارج الغرفه سريعا وبعد وقت قليل هدات أسيل وظلت تحدثها ايات لتطمئنها ثم تذكرت نورهان وقلقها فقامت بالاتصال عليها
ايات: الوو نورهان
نورهان: ايوه يا ايات. ايه فى اخبار جديده عن اسيل؟ عمها هنا قالب الدنيا وعادل جايبينه متجبس وديماغه متخيطه ومناخيره مكسوره انا قلقانه على اسيل يكون حد آذاها
ايات: اطمنى اسيل معايا
نورهان : بجد !!!!!؟ اسيل معاكى. طيب خلينى اكلمها
ايات :معاكى اهيه كلميها
نورهان: اسيل حبيبتى سمعانى
اسيل : تبكى وتزداد شهقاتها وتتلعثم كلماتها ااا يوه. ممعااكى سمعاكى يا نور
نورهان :اسيل ايه اللى حصل وليه مجتيش زى ما اتفقنا وايات وصلتلك ازاى. انتى كويسه حد عمل فيكى حاجه
ترد ايات:يابنتى اهدى شويه عليها البت مش قادره تتكلم
نورهان: ليه ايه حصلها ؟؟
تقص عليها ايات ما حدث ثم تاخذ الهاتف وتبتعد وتتحدث الى نورهان قائله: نور انتى لازم تقنعى اسيل تبقي هنا وتسمع الكلام وتسامح آسر عشان يحميها اسيل لو رجعت مش هيترددوا فى قتلها خصوصا بعد اللى حصل لعادل
نورهان : طيب انا هحاول اقنعها خليها تكلمنى. ثم تذهب أيات لاسيل وتعطيها الهاتف لتحدث نورهان
نورهان : اسيل اسمعينى كويس انتى لازم تفضلى عندك لانهم هيقتلوكى لو شافوكى وافتكرى وعدك لابله ليلي انك لازم تهربي وتلاقي اللي يساعدك وكمان انا خايفه اخدك عندى ويقدروا يوصلولك لكن انتى لازم تكونى مع راجل قوى زى آسر يحميكى حتى لو كان آسر عمل كدا فلازم تفهمى حبيبتى ان دا كان غصب عنه بس آسر طيب وهيقف جنبك وانتى عارفه انا كنت بحكيلك عنه ايه عشان خاطرى يا أسيل
اسيل: حاضر يا نور
نورهان : ماشي ياحبيبتى انا هبقا اكلمك اطمن عليكى . اتفقنا
اسيل: اتفقنا
ثم تغلق الهاتف وتلتفت الى ايات قائله: انا عمرى ما هسامحه هو عمل فيا نفس اللى عادل عمله كلهم زى بعض
كانت أيات تحزن لسماع هذا الحديث عن اخيها خصوصا انها تعلم مدى طيبة قلبه وحنيته لكنها لم تقاطعها فهى تعلم ما بداخلها وما تشعر به
********************************************اما عند عادل فكان يتاوه كثيرا من الالم وكان ابيه يساعده بالجلوس
منير: انا مش فاهم بس مين اللى عمل كدا والبت دى راحت فين مين ليه عداوه معانا عشان يعمل معاك كدا ،!!!!؟
عادل: بانكار هه. مش عارف يا ابا مش عارف بس صدقنى والله لو شفتها لهخلص عليها وعليه
فاروق: ما انت السبب قولتلك بلاش حوار البت بتاع الصور دى دى من عيله كبيره وممكن يمحوك من على وش الدنيا
لينظر له عادل ليصمت ولكنه غبي لايفهم
منير: بت مين وصور ايه ماتفهمنى ياااض انت وهو بدل ما اخلص عليكوا
عادل: مفيش حاجه يا ابا الواد دا بيهلفط بالكلام تلاقيه شادد له سطرين ولا ضارب سيجاره ومخيشه فى ديماغه بس
منير: مش عليا انا يا عادل انطق بدل ما اكسرك
فاروق: تكسر مين يامعلم هو فى حاجه تنكسر تانى دا هو كله بقا متكسر دا يدوب اخره يتشتم دلوقتى
ينتفض عادل ليضربه ولكنه لم يستطيع مقاومة الوجه فيتاوه عاليا: ااااااا ه غور ياااض من وشي هتودينى فى داهيه الله يحرقك
منير: واد يا فاروق انت معاه فى كل نصيبه بيعملها انطق قبل ما احطك فى الجبس معاه
فاروق: لا وعلى ايه يا معلم ابنك صور بت من عيله غنيه وبعتلها الصور وطلب منها فلوس وطلب منهاااا. لا مؤاخذه يا معلم والبت طلع ليها اخ وواد صعب ومعاه رجاله تاكل الزلط قفشوا ابنك والبت بنت اخوك وطحنوه وكلوه علقة موت وابنك لبس البت النصيبه كلها عشان البت دى صاحبة بنت اخوك واخوها فكر ان بنت اخوك السبب وابنك اكدله الكلام ولبسهالها هههههههههههههههه
منير: اخرص يااااااض بتضحك على ايه
وانت غبي انت كمان اللى انت عملته دا هيقوم علينا الدنيا وكمان البت اللى فلتت من تحت ايدينا كنا لازم نمضيها عشان ناخد الشقه وباقي الحاجه اللى مكناش نعرف عنهم حاجه ومظهرتش غير بعد موت عمك احنا لازم نلاقيها ونمضيها الاول وبعد كدا نغورها فى داهيه
عادل بكل شر: انا لازم الاقيها بينى وبينها حساب لازم اصفيه ولازم اخد منها كل حاجه حتى روحها مش هسيبها تطلع بسهوله لازم تطلع بعذاب
ليقاطعه فاروق: ياعم تلاقي مين وتعذب مين دا انت اتنفخت وقدامك مش اقل من سنه على ما تململ جراحك الا قولى يا عادل هى النقطه الزرقه اللى فى مناخيرك دى ايه؟ ثم يضغط على انف عادل ليصرخ ويتوجع ثم يلكمه فى وجهه
عادل : اكيد البت نورهان دى تعرف كل حاجه ماهى البت دى صاحبتها برده
منير: انت ياااض متتصرفش من ديماغك تانى اصلا قسما عظما اكسر اللى باقي منك. انت فاهم
****"*******************************************
فى فيلا الشرقاوى تتحدث سليمه فى هاتفها : الو ايوه يا اميره
اميره:..........................................
سليمه:تعالى يابنيتى شوفى اللى امك فيه أيات بقيت تطاول عليا وآسر كمان مبقاش قادر عليها ولا هامه
اميره:..............................................
سليمه: صبرك عليا بس انا بوريها جليلة الحيا دى ولازم افضحها فى العيله كلياتها لا. الاقصر كله لازم تعرف
اميره: ...........................................
سليمه: قصت عليا كل ماحدث بشان صور ايات وتهديدات عادل لها
اميره:....................................
سليمه: امتى بس يا بنيتى المهم انت لازم تيجى وقت ما تعرفي تيجى تحجزى وتنزلى طوالى
اميره:........................................
سليمه: متبجيش بت سليمه لوما وجعتيه وخلتيه يتجوزك وناخد كل شئ
اميره:.....................................
سليمه: اديهم غايبين من امبارح مابعرف لوين راحوا واه صوت عربية آسر جت هكلمك تانى سلام يابنيتى
ثم تنزل سريعا لترى آسر يصعد الدرج ويتجه ناحية غرفته سريعا وهو متجاهل وجودها نهائيا زاد غيظها ولكنها ذهبت وراءه لتعرف مايحدث من ورائها
فسمعته يتحدث فى هاتفه مع ايات
آسر: طيب هى كويسه دلوقتى
أيات:............................
آسر:متشغليش بالك بيا انا هبقا كويس
أيات: ..........................
آسر: طيب مش هتاخر يلا سلام
تلوى سليمه شفتيها وتتسائل ياترى هى مين دى اللى بيتكلم عنها آسر وياترى آيات فين !!!!!؟👿
ولكن آسر وضع راسه على الفراش ولكنه لم يستطيع مقاوة تفكيره وصورة أسيل لم تفارق خياله وكلماتها وصرخاتها وصوت بكائها فانتفض من مكانه ودخل الى المرحاض لياخذ حماما باردا ليفيق ويفكر كيف يساعد أسيل ويقف بجانبها وبعد خروجه من المرحاض ارتدى ملابسه ثم رن هاتفه ليرد
آسر: الو
مازن: انت فين يا حبيبي وسايبنى غرقان لوحدى
آسر: اممممم غرقان في ايه بقا ان شاء الله
مازن: يا عم ياسين واجع ديماغي من الصبح على الاتفاقيه والسفر بعد يومن لازم نسافر عشان نخلص الصفقه دى
آسر: طيب سافر انت خلصها
مازن : لا مينفعش طبعا لازم تكون معايا فى اوراق لازم تمضيها
آسر: طيب هعمل ايه دلوقتى
مازن : تعمل ايه فى ايه
آسر: يقص عليه كل ما حدث وماينويه مع أسيل وانه لايمكنه السفر وتركها
مازن: وتقدر تقولى هتساعدها ازاى بقا ان شاء الله وبصفتك ايه
آسر: صفتى ايه ازاى هى هتفضل تحت حمايتى لحد ما ارجعلها حقها
مازن :انت مجنون لازم يكون ليك صفه يعنى تقربلها عشان تقدر تتحرك قانونى من غير مشاكل
آسر : يعنى المفروض اعمل ايه
مازن : اتجوزها.
آسر: نعم!!!!!!!!!!!!!!!!!!؟ بقولك مش طيقانى نفسها تخلص عليا تقولى اتجوزها مستحيل توافق طبعا
مازن:لا هتوافق اكيد بعد اللى حكيته لما هتلاقي ان بالجوازه دى هتضمن حريتها من عمها وابنه
وانك هتقف جنبها وترجع حقها وان الجوازه مجرد حمايه بس مش اكتر وضمان قانونى يحق ليك انك تدافع عنها
ويمكن يا معلم الفار يقع فى المصيده وتحبها وهى تتعمى فى عينيها وتحبك
آسر : اتلم يااااض
مازن : ههههههههههههههههه ماشي ياعم المهم انجز حالك علشان اخلص اوراق مرات اخويا عشان تسافر معانا
آسر: حلوه مرات اخو ك. . دى هههههههههههههه وبعدين تسافر فين
مازن :امال هتسيبها هنا !!؟ تبقى اتجننت
آسر: انا بفكر ابعتها الاقصر هى وأيات على ما نرجع
مازن : لا دا انت تسيبها هنا احسن انت بتفكر ازاى ياعم انت تبعت البنت للاقصر وتقولهم دى مرات آسر وتسيبها وتسافر يا سلام
آسر: تصدق عندك حق طيب انا هكلم أيات تقولها ولو حصل ووافقت تجهزلنا الورق بسرعه باى طريقه يكون كل ورقها منتهى تمام
مازن: تمام يا معلم مستنيك تدينى رنه اجيب الماذون ههههههههه
آسر: ادعيلى بس انت يا نحس
مازن :انا نحس برده دا انا حلال مشاكلك
آسر: لما نشوف حلولك يا فالح
مازن: هتشوف وهتدعيلي يلا سلام مستنى اتصالك
آسر:هههههههههههههه سلام
ثم اغلق الهاتف وظل يفكر : ياترى ممكن توافق ؟وممكن تسامحنى ولا لا وازاى هيتكلم مع ايات ا فى الموضوع جت فى ديماغه فكره
*الحلقه الجايه هنعرف ايه هى فكرة آسر؟
*ايه رايكم انتم هتوافق؟ وهتسامح ولا هتفكر في مصلحتها بس؟
*ياترى سليمه وبنتها ناويين على ايه وهينجحوا فيه ولا لا ؟
مستنيه ارآكم وتفاعلتكم الجميله اللى حبتها جداااااا ويارب الفصل يعجبكم
💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓💓
YOU ARE READING
آسر قلبي ولدمعي آسيل
Fanfictionالحب القصه اللى كلنا بنتمنى نعيشها وبنبحث عنها فى كل روايه عشان نشعر بيها وتعيش فى خيالنا كل بنت فى الدنيا دى بتدور على قصة حب حسب شخصيتها في اللى بتستنى الفارس يجيلها على حصانه الابيض ودا طبعا حلم 😂😂
