زواج مرفوض

النهاية

لوتس قررت تختم القصه الكم بسبب ضروف النت والزياره وهي دتابع وياكم
زواج مرفوض
لوتس
٢١+٢٢
الاخيرات
بارت ٢١
مرت ١٠ ايام وخلالها سهير غالقة جهازهة وما فتحته وتستعمل خط امها وتضحك ومتونسة وتفر بشوارع بغداد ويجهزون للعرس اشترت فساتين وفستان وحذاء فضيات خلتهم للعرس سوو يوم الحنه وخلو يومين بين العرس والحنه لان العرسان تعبانين رجعو من الحفلة كلش فرحانين
-اوووووف اني مدا اشوف الاغاني فرت راسي
-ههههههههه يا ماما هاي الحفلات شعبالج لعد
-اني اطلع انام ميت تعب وياريت لو مخلي ٣ اسابيع بين الحنه والعرس حتى اشبع وانام
نامو والتعب كاتلهم وكعدو الصبح يضحكون ويسولفون ع الريوك وعلى تفاصيل الحفلة ودك تلفون علي طلع يسولف برة واجة
-يمة ابوي يكول الشيخ متعب ومرتة بالطريق جايين يحضرون العرس و ابوي حالف الا ينزلون عدنه مو بفندق
-شون عيب شون ينزلون بفندق وبيتنه مفتوح... استعجلي يمة سهير خلي اخابر على المطعم نحجز غدة مرتب واطلع اللي بالمجمدة
مابيها ساعتين ووصلو وجانت سهير دتبدل ونزلت تركض والا الشيخ ومرتة ديطبون من باب الخطار ركضت باست ايد عمها .. شونك عمي الحمدلله ع السلامة
-جرها وباس راسها ... هلا بنيتي شونج
-الله يسلمك بخير
-شونج بنتي .
-هلا عمة شونج وحضنتها كلش
-والله اشتاقينالج
-اني هم اشتاقيتلكم
صاح الاب .. حياكم عيني فضلو يا هلا ومرحبا
فاتو و التفتت فتريد تسد الباب واذا ياسين بوجهة جان ديطبك السيارة
سهير انصدمت وكلبها وكف وضلت واكفة وهوة هم صافن وواكف
ابتسمت ومباشرة جرها وحضنها وباس راسها
سهير تبللت..الحمدلله ع السلامة
-الله يسلمج
طبو وسهير راحت بغير غرفة تحس جسمها كلة يرجف طبت غسلت واجت كعدت يم عمتها
شونج بنتي احوالج ؟ والله بالي يمج جهازج مغلق وعرفت تردين ترتاحين وخلف الله على حسن جان ويا علاوي ويطمنه
-الحمدلله عمة شنسوي
باوعت على ياسين كاعد ليغاد.. دحس روحة دحس الا يجي والله لو تدرين شصار بي من رحتي ..محد يشوفة بس بغرفته ... اووووف الله يصلح الحال
بيت ابو سهير جان كلش حلو وتصميمة راقي وجان عدهم بي غرف خاصة للخطار وبيها حمام فوتو بيت الشيخ بيها والام اعترضت على ياسين
-ابني انته فوك بغرفة سهير ترتاح ... هسة اكيييد مشتاق لمرتك .. اندارت لسهير .. صعدي الغراض واخذي زوجج شوفي وخلي عمتج وعمج يرتاحون رنا وعلياء (خدامات )يساعدوني بالمطبخ
ياسين كيف وسهير تبللت كلش
طلعو فوك وشايلين جنط وقوط ملابس فات للغرفة جانت حلوة بيها غرفة نوم نفرين وصور وديكور حلو مباشرة كعد ياسين .. اريد براسيتول بلازحمة
راحت تجيبلة ورجعت لكته امدد وحاطط ايدة على راسة عدل كعدته من شافها ونطته الحب والماي واخذهم جرها وكالها كعدي .. شرب الماي وكعد لزم ايدها... شلونج هسة؟
جرت ايدها منه .. الحمدلله
-مرتاحة هنا؟
-اكييييد اكو وحدة ماترتاح ابيت اهلها
سكت ويتنفخ .. ليش جهازج مغلق
-ماريد افتحة واساسآ انكسرت الشاشة ومالي خلك اباوع بي
-اشتاقيتلج
ماردت وكامت راحت تفتح بالجنطة .. شنو تلبس ؟
-جر ايديها ..اني اطلع ماريد اكلفج
-جرت الجنطة .. من ايدة وطلعت منشفة وملابس وحطتهم على الجرباية اندار باوعلها
الحمام كدامك فوت اسبح وبدل بين ما يتحظر الغدة
نزلت تحظر الغدة ولكت امها وعمتها كاعدين يسولفون وشافتهم وابتسمت
-باوعتلها امها هااااااا وتضحك
-العمة .. والله تسربتت حياته وراج
-اي طبعآ مو زوجته .. والله الرجال مايكدر بدون زوجته خصوصآ اذا مدللته ومتعود عليها.. وهسة بعد ما عدهم جهال اكيييد متعلق بيها
سهير باوعت على عمتها وعمتها ضحكت مال جذب.. اكيييد خية
حطو الغدة وكعدو ياكلون سهير ماكعدت ظلت تفر وتعزم وتحط كدامهم واخر شي جرت كرسيها يم ياسين وبدت تحطلة حط ايدة على حلكة وبصوت ناصي .. يرهم اني اخر شي؟؟
-باوعتلة وابتسمت ونزلت عينها
كملو اكل و وشربو جاي وارتاحو كلمن بغرفته من السفر بس سهير عافت ياسين ويا علاوي وطلعو وعافوهم صار الليل وصارت الساعة ١٠ رجعو الكل للبيت ماعدا الشيخ وابو سهير عدهم تعليلة وكعدو الكل يضحكون وكرزات وببسي وفواكه واجى حسن ويا علي وياسين وجانو يلعبون دومينا وضحك وصياح وجابتلهم سهير حلو ووكفت يم علي
-هااااااااا المن النصر
-شال راسة حسن ... زوجج مقفل على الكل قديم بللعبة وحاصر الشغل بيدة
باوعت ع ياسين باوعلها وضحك ونزل راسة
-علاوي شخبارك ما فزت؟
-ولج يا افوز زوجج سوانة مزق اني وهالمسكين حسن منين مانقفل عليه يطرق شكد مبخت ... متكعدين يمة شوي بلكت يلتهي بيج ويخسر
-هههههههههههههه
-حسن .. شكلي ويانه نلعب جعبية
-علي يلا تعاي نجعب عليهم
-حسن باوع ع سهير وهية فهمت ... لا ماجعب وياك اجعب ويا حسن لان مسكين الوحيد عزابي ... ياسين ضاج
-يكفيكي شر المستخبي يا اختي يا سوسو
-اي يا سنسن انتة تبسطت
هههههههههههههههههه كعدت بين ياسين وعلي وجعبت ويا حسن
-علي... ماشي تجعبين ضد اخوج؟
-انته وياسين اللي اجعب ويا راح يزعل الثاني وصراحة كلت احسن شي ويا حسن حتى ما ازعلكم
-ياسين .. ميهمك علاوي والله لا العب بيهم طوبة
-سهير باوعتلة ... والله عاد انته شاطر بهيج سوالف تعرف شون تلعب
لعبو وتونسو لحد ١٢ ونص وراح نامو لان وراهم تحضيرات العرس سهير مددت وحضنت مخدتهة ونطت ظهرها لياسين ونامت ... بس حست عليه لايب بس عافته ...صبح الصبح والكل مشغول بتحظيرات القاعة والغراض وودي وجيب ولحد الساعة ٣ اتغدو بعد ماكملو ترتيبات الغرفة والقاعة وظلو كاعدين يضحكون واعترض ياسين
بارت ٢٢
ولحد الساعة ٣ اتغدو بعد ماكملو ترتيبات الغرفة والقاعة وظلو كاعدين يضحكون واعترض ياسين
-خالتي اترخص اطلع اني وسهير العصر عدنه شغل
-اي يمة مرخوص
اندار على سهير ... نطلع بل ٥
-ماشي
صعدت سبحت وبدلت وهو هم سبح وبدل ولبس قميص وبنطرون كابوي وظلت تباوعلة.. وين تريد تاخذني؟
-باوعلها وهوة يلبس ساعته .. عندي مشوار ضروري واريدج وياي
-منو كال اني اريد اطلع وياك.. انته ناسي اني ليش هنا؟؟
-تنفخ وجرها ... امشي واوعدج هذا اخر مشوار وراها ما طلعج
نزلو وركبو سيارة ياسين jeep وطلعو وشغلت سهير راديو على اذاعة اور اف ام وطالعة وصدفة طلعت اغنية اللي كان مال نانسي وجانت واصلة للمقطع الثاني
(نفسي اعرف بس ايه بيربطني بيك
حاجة اكبر من الغرام شدتني ليك )
سهير تبللت وتريد تحول المحطة وجر ايدها ياسين ... حلوة بقيها
طبكو يم محلات مال ذهب باوعت على ياسين شعندك هنا
-تعاي اريد اشتري هدية لعلاوي ومحتاج غراض
نزلو تفرجو.. وعجب سهير محبس كلش نازك
-هذا حلو ل ريتال(مرت علي )
اشترو ومشو وراحو يتفرجون على محلات يمهم وصدفة جانو عارضين فساتين ومن ضمنهم فستان ماروني نفسة اللي شككة ياسين مال سهير صفن عليه ياسين وباوعلها وهية دارت وجهة
-حلو هذا الفستان
-لا مو حلو قبيح
-عاجبني اشتري
-شسوي بي
-ضحك .. اريد البسة .. عندج مانع
-ضحكت ودارت وجهه
-يباوع على طول سهير وانتبهتلة.. شكو
-اني يمكن البس ٤٦ لو ٤٨
-هههههههههه انته تلبس ٦٦ على عضلاتك هاي
طبو واشترى الفستان ووبين مدا يطلع روحي للسيارة شوي واجي
مرت نص ساعة وسهير ضاجت ورجع شايل علاكة ب ايدة حطها ليورة وركب وصارت مغرب ..
-خلي اشوف جامع نصلي
-خلي نرجع للبيت مو خلصت
-لا مو خلصت منو كال خلصت
راح للجامع صلى وسهير صلت بالسيارة وطلع وشغل سيارتة
-شوفي اني احب مطعم ب ابو نؤاس مال واحد صاحبي كلش طيب يبيع ل
وجبات شي كلش مرتب تعاي ناخذ ونروح لمكان نحجي
-بكيفك
راح للمطعم وجاب وجبتين واخذها على متنزه على دجلة وكعدو على مصطبة ياكلون
-ااااااااه الي ١٥سنه من عفت هذا المكان ولا مرة جيت لبغداد اذا ما جيته
-لازم عندك بي ذكريات
-اي جنت اجي اقرا هنا .. اني قسم داخلي واطلع اجي هنا لحد الساعة ١١ وارجع للاقسام ارتاح من اجي هنا
كملو اكل وظل ياسين صافن على المي وسهير كاعدة تباوع ويا وشافت ابو شعر بنات ديمشي من يمهم وظلت تباوع عليه انتبه عليها ياسين... شنو تحبي؟؟
هزت براسها اي
-اجيبلج؟
-جان ترفع اصابيعها ✌🏼
-هههههههه ماشي ٢
راح جابلها .. وكعدت تاكل... بالعافية حبيبتي ... جان تغص وتكوم تكح
-هههههههههه لعد كم مرة كتيلي ياها ماغصيت
عافت شعر البنات.. كوم خلي نرجع
لزم ايدها ... شوي ونكوم كعدي اريد احجي وياج ولازم تسمعيني... خلص لازم كل واحد يعرف مصيرة شنو .. بعد مايرهم نكمل هيج
-شنكمل بعد؟؟ خلص كلمن بطريقة
-اني راح احجي اللي عندي وبقى الباقي يمج اسمعي بالبداية العندي وبراحتج وراها
اني حبيت ميمونة من جنت مرحلة ثالثة .. هادئة ومطيعة وناعمة خلاص ما جانت تعصالي امر وتزوجنه وجنت كلش مدللها ومتفاهمين بس صارت حامل تخبلت صارت ما تطيقني تخيلي اجيبلها شي تذبة بالزبل .. وامي قنعتني انو اكو نسوان هيج من تحبل.. مرت ٦ اشهر شارب المر وساكت ومتحمل وطلعت حامل بولد .. طرت من كاعي بيها .. وبيوم وليلة تهج وتتركلي رسالة انو تحب شخص وابني راح تموتة وتعوفني.. حطي روحج بمكاني.. شنو تسوين؟.. الله يعلم بحالي شون جان .. سنة كاملة ماظل طبيب ولاسيد ما شافني متت يلا كدرت اكمل حياتي وراها من الصدمة ... مرت سنين واني من ينفتح موضوع الزواج يذكرني بالماضي وجنت حتى بالبيت ما ابقى وبعد ١٠ سنوات ابوي جبرني عليج دفعت هواي بس ابوي تخربط وحلف اذا ما اخذتج يتبرا مني ...وقبلت بس حاولت اهجج بمعاملتي وياج وجفاف اسلوبي بس ماكدرت... جنتي قوية وحنونة بنفس الوكت ويوم عيد ميلادي ماكدرت ارجع للبيت من وراج لان حسيت نفسي ضعفت وردت اخذج بحضني بس اتذكرت الماضي ووكفت... اني حبيتج صدك بس ملجوم وماكدر امن بيج بس قررت اصارحج ونبدي حياتنه سوا بس حادثة الرسايل اللي صارت جتي خربت كلشي وبعز مدا اضربج وملختج وانتي حلفتي تحبيني وعرفت انو الشغلة جذب مو صح انتهيت وسكرت بسببج لان صدك حسيت نفسي خسرتج وانتي تحبيني.. ومن طلعتي ماجنت اريدج ترحين بس جنتي تعبانة وعفتج وخفت تكرهيني لو مبقيج وجيت لبغداد لخاطرج حتى اكلج الصار ... يا بنت الناس اني نويت افتح صفحة جديدة بحياتي وياج .. اريدج زوجتي واني كلش حابب اكمل عيشتي وياج... ما افرض روحي عليج اخذي وكتج واذا ماتردين اطلكج واني الخسران لان استاهل ماحافظت عليج
بارت ٢٣