"KIEFER.." Dumulas ang phone niya mula sa kamay niya. Malakas na bumagsak iyon. Ngunit wala doon ang isip niya.
Natulala siya sa lalaki. Ilang araw lang niya itong hindi nakita. Ngunit napakalaki ng pagbabago.. Nangingitim ang paligid ng mata nito, parang ilang gabing walang tulog. Sa kabila ng hinanakit niya dito, naitanong pa niya sa sarili kung nagagawa pa ba nito tumulog.
"A-Anong ginagawa mo dito?"
Tumitig lang ito sa kanya. Nanunuot sa kanya ang paraan ng pagtitig nito. Humahaplos sa puso niya ang pangungulilang nakalarawan doon.
Nagbaba siya ng tingin. She should hate him. Hindi niya dapat ito tingnan. Baka maging mahina siya at madala ng nararamdaman niyang pagmamahal sa lalaki.
"Nabasa mo naman siguro ang sinabi ko sa text. Tinutuldukan ko na ang relasyon natin."
"That's why I'm here." mababang sagot nito. "To ask you why."
Walang pakundangan na pumasok si Kiefer. Tensyonado ang buong katawan nito. At sa paraan nito ng pagtitig sa kanya, para itong handang lapain siya. Napaatras siya ng unti.
"Bakit, Shamcey? Ganoon ba sa 'yo kadaling itapon ang relasyon natin? Sa text lang?" puno ng hinanakit ang boses nito.
Umahon ang apoy sa sikmura niya. "Ang lakas ng loob mo na sumbatan ako. Bakit nasaktan ka ba? Nasaktan ka ba na inunahan na kita bago mo pa sa akin gawin 'yon? Iyon din naman ang patutunguhan natin, di ba?" Pumiyok siya. Muling pumasok sa isip niya ang lahat ng mga nalaman tungkol dito. Ang kwarto ni Kristina sa bahay nito, ang anak nito, ang hindi nito pagka-get over sa dating kasintahan. Gusto niyang saktan ito pabalik. Gusto niyang sampalin ito para maibsan man lang ang sakit.
Napatiim-bagang ito. Isa isang pumatak ang mga luha niya.
"Why the hell are you crying?"
"Dahil napakawalanghiya mo! Nagtiwala ako sa 'yo! Mahal na mahal kita, tapos gagaguhin mo lang ako!"
Lumapit ito sa kanya at pinalagapak niya ang kamay sa pisngi nito.
"Christ! What's wrong with you?"
"Para sa akin 'yan!" sigaw niya at muling sasampalin ulit ito. Nahawakan ni Kiefer ang braso niya bago pa tuluyan iyong lumapat sa kabilang pisngi nito.
"Damn it, para kanino naman 'yan?"
"Para sa akin pa rin, gago ka!"
"Stop it, Shamcey. Daanin natin sa maayos na usapan."
"Hindi naman na natin kailangan pa mag-usap. I already know the answer, damn you."
"No, you don't."
"Itinatanggi mo pa rin ba?" asik niya.
"Wala akong itatanggi sa 'yo." Lumamlam ang mata ni Kiefer. "But please, babe.. I'm begging you not to judge me easily."
"Hindi kita huhusgahan kung sa simula pa lang naging tapat ka na sa akin. Bakit kailangang sa iba ko pa malaman ang totoo? Bakit kailangan na ako pa ang makatuklas na hanggang ngayon na itinatago mo pa rin ang alaala ng ex mo?"
Napakunot noo ang binata. Mapait siyang ngumiti. "Yes, nakita ko ang silid na 'yon. Nandoon pa rin ang mga gamit ni Kristina. Nandoon pa rin ang mga pictures niya. Hindi nagagalaw. Kahit di ko pa malaman ang tungkol sa anak nyo, alam ko mahal mo pa rin siya---"
"Let me clear that.. I don't love her anymore."
"Wag ka na magsinungaling!" Patuloy ang pagtulo ng luha niya. Di na umampat 'yon, and she hate it.
