زواج مرفوض

البارت 12

البارت ١٤
حبيبي تسلم يومن الك
-انتي مرتاحة هنا ؟؟
-اي
-اكييييد؟؟
-اي
-يلا ربي يهنيج ان شالله
كمت غسلت وردت انام فتحت واتس ودزيت ل ياسين جان متصل الان
-شكرآ
-على شنو ؟
-لان طلعت ويا علاوي واهتميت ب اهلي
-ماكو داعي ذولة مثل اهلي هم
-اني اكعد اسويلك ريوك لا تكعد منار خطية
-باجر ما اداوم مجاز اني
-ممممم براحتك... تصبح على خير حبيبي -وانتي من اهلة
نمت واني متأملة وادعي الله يهدي ويتغير صبح الصبح وياسين جان مجاز نزل بدشداشة جوزية ويفرفر حسيته لايب بس ما فهمت شبي تريكو اهلي ويردون يمشون جلبو بيهم بس ماقبلو ودعتهم وبجيت
-يمة ديري بال على نفسج وزوجج وعمتج زينة داريها
-ماشي
انداريت على علاوي وشبكته
-حبيبتي اني كل فترة اسويلي جية وما اتأخر عليج
-ان شالله
ودعتهم وطبيت جوة وطبت عمتي و جرت ياسين وياها وبقيت بالمطبخ اساعدهم بالشغل
طبت مرت الشيخ وسحبت ابنها
-انتي تصدكين بهالكلام يمة
-يمة منار سمعتهم ب اذانها واني سألت مرتك وحجت نفس الشي مدحت بيك كدام اهلها وماكايلتلهم على مدت ايدك عليها ولا قبلت تروح
ياسين سكت و دار وجهة
انطيها فرصة تستاهل لوما اصيلة ما تسكت منو ترضى بهيج معاملة وبعدها زغيرة وحلوة والله ما تبقى شهر عد ابوها وتنخطب
-الله يسهل يمة
-ياسين .. جرب ما تخسر شي
صار الغدة وتغدينة واحس ياسين يجر صفنات وبالة مشغول كمل وغسل وصاح يريد الجاي فوك
اخذت الجاي والكعك وصعدت حطيتلة الصينية وكعدت اشرب جاي
-توقعتج تمشين ويا اهلج
-(بكلبي غير لو اكدر ابوية متحلف يكتلني اذا رجعت)وشعندي رايحة ؟ عيشتي هنا مو هناك
-يعني انتي مرتاحة هنا؟
-اي مرتاحة
-الله يزيديج
-ويزيدك حبيبي
شلت الصينية ودا انزل وصاحني سهير..انداريتلة.. نعم؟؟
-كوب نسكافيه من ترجعين
-ابتسمت .. تدلل
ونزلت مكيفة لان حسيته كيف لان مارحت ولا حجيت شي ل اهلي وهذا بحد ذاته تطور .. سويت نسكافيه واخذت بصينية وصعدت وحطيت بصفها شوكلاته غامقة بماعون ونطيته الكوب
-اي والله عشتي
-بالعافية وشلت مربعتين كاكاو وحطيت بكوبي ودا اخوط
-هاي شنو ؟ تنشرب ويا نستله؟
-اي كلش طيبة تجرب؟
-لا
-انطيته كوبي اشرب واذا عجبتك حط
شال الخاشوكة وضاكة ... مممم حطي طيب
حطيت ودا اخوط بالكوب شلته ودا انطي يا مو منتبه ولزم ايدي من الخرعة طشيت شوي على ملابسة
-اسفة مو بقصد والله .. هوة لعبت نفسة وضاج بس فهم لان لزم ايدي هيج صار ... والله مو بقصدي جريت كلينكس ومسحت البقعة
-عوفيها راح اكوم ابدل
-بدل بالحمام ورجع وشلت الكوب اريد انطي يا
-حطي اني اشيلة ما بيه كلسع مبدل
-ههههههه ميخالف عود اغسلهن الملابس
شرب وكمل ... عاشت ايدج
بالعافية حبيبي
شيلي خلي انام وراي طلعة بل٥ للقاعة
ماشي نزلت غسلت ورجعت لفراشي وظليت اكتب بالتاب طلعت كل حركة كلبي صارت مكيفة بتغيير المعاملة حسيت ب انجاز و دعيت يستمر التقدم صارت الساعة ٥ وربع وياسين نايم قربت اريد اكعدة بس شو ما ينطيني كلبي اطخة..خفت ابقي نايم ويعصب .. شجعت روحي وحطيت ايدي على شعره وحركتها.. حبيبي كوم تأخرت
جفل وكام يفرك بوجهة وفات بدل وحظرتلة الجنطة وديلبس ساعته
-حبيبي ما مشتهي شي ع العشا؟
-ممممممم ماعرف
-فكر ودزلي اذا اشتهيت
-انتي مامحتاجة شي من برة
-سلامتك حبيبي بس لا تتاخر
-ماشي
ونزل ونزلت ورا امشي وشافتنه امة وكلش كيفت ..
-يمة مامحتاجة شي؟؟
-سلامتك ابني
مشى وباوعتلي تضحك غمزتلها ولحكته .. السويج حبيبي
-جيبي واخذة وراح واندار ومرت الشيخ بلباب واكفة وتضحك
-ولج عفيه عليج خوش شغل
-دنحاول
-ظلي ورى وسوي مثل ماعلمتج عسى الله يجعل الفرج على ايدج
-ان شالله اكول عمة
-هااا يمة
-شنو اكثر اكلة يحبها ياسين؟
-كبة .. ليش
-اريد اسويلة ياها ... بلكت تأثر شوي
-والله فكرة تعاي اعلمج وانتي سوي
وكفت مرت الشيخ تساعدني وتعلمني وانشلع كلبي باللف كلش تعذبت بس تعلمت صبينه عشا بس ياسين ماكو تعشو وعزلنه يلا اجة بل ٩ وفات كعد بالديوان وصااحت امة عليه احظرلة العشا .. صبيت زلاطة وكبة وبتيته ولحم مخلمة وطرشي ولبن وصحته واجت امة ورى
-شلون الكبة اليوم ان شالله عجبتك؟
-كلش طيبة تسلم ايدج كبتج ما يعلا عليها
-اي بس اليوم شغل مرتك اني جنت طالعة
-تلون بس بلعها .. عأشت ايدج طيبة
-بالعافية حبيبي
كمل اكل وكام صعد بدل وسبح ومدد يريد ينام بس يفرك بزندة وكلسع يحوص غسلت وجيت اريد انام وشفته
-بيك شي؟
لا
توجعك؟
لا بس متشنج شوي
قربت شوي شو خلي افركلك ياها
لا ماكو داعي
-جريت ايدة وبديت افرك بيها بس على كيفي لحد ما رخت العضلة وحسيته ارتاح
-كافي شكرآ
-بالعافية .. تريد شي بعد؟
-لا
-تصبح على خير
-وانتي من اهلة
مرت ٥ ايام والعلاقة افضل يتقبل احاجي ويجاوب من اسأل واني مستمرة بسورة البقرة يوميآ تشتغل و افتح مواضيع ويا لحد ما اجة يوم دا اعزل الصبح وحسيت دوخة