زواج مرفوض
لوتس
البارت الثامن
جرت ايدها.. اني محترمتك ومدا اجاوز ليش تتجاوز عليه؟؟ مغصوب ؟ اني هم جروني غصب هنا يعني الحال من بعضة ع الاقل لا تغلط
-شيلي كوبج وكدامي باجر عندي دوام
-روح اني ما خاف
-الحرس يفرون بالممرات بلليل لا تعيطين ويسمعون صوتج
اخذي غراضج وسمعي كلام
صعدت هية والينسون وهو مدد بالكاع ونام هية هم كملت الينسون ونامت .. صبح الصبح سهير نايمة وفزت على ركعة باب الحمام واذا الساعة ٦ ونص
-اكوم اسوي ريوك للوحش حتى اخلص من لسانة نزلت غسلت بالحنام الجوة واذا منار دتحضر ريوك ياسين
-صباحووو حبي
-هلا عيني
-ليش كاعدة اني اسوي
-ياسين مرتب ريوكة وكلت اليوم اكعد اعلمج عليه شوفي ياسين يتريك ٤ بيضات بصفارين وخبز شعير وجبن مربعتين وحليب وبي ٣ خوشيك من هاي العلبة
-هاي وليمة مو ريوك
-هههههههه يولي هاي علمود يلعب حديد
-خوش وبعد
-سلامتج وانتي تريكي ويا
-لاعيني اتريك وياكم
-اتريكي ويا اهنا كل وحدة تتريك ويا زوجها وسمعي كلام
نزل ياسين لا بس بدلة مهندسين رصاصية وبوت ومحدد لحيته خفيفة كلش صباح الخير
-هلا صباح الخير
-ليش كاعدة تسوين ريوك
-لا كعدت اعلم مرتك وهية سوت
-رفع حاجبة عليها واندار... منار تعرفيني ماحب الجذب
-ويلي منك مايعبرك شي فلك طرك
-هههههه هالمرة سماح مرة جاي اعلكج من اذانج
-شو طالع حلو اليوم؟
-ليش يومية اني مو حلو؟؟
-لا عيني حلو بس اليوم احلى .. الزاهر الزواج يحلي وتباوع على سهير وتضحك
-ضحكت سهير وهو صاح بيها منار خليني اكل
-اكل عيني ياحلو ههههههه وراحت
كعدت سهير كدامة وهية تباوع دياكل جرت خاشوكة ودتخوط الحليب وضرب على ايدها خفيف يعني وخري ايدج ذب الخشوكة واخذ جطل وخاط بي
-عود ليش
-ينخلط احسن
-كمل اكل .. الحمدلله
-بالعافية
-باوعلها بتك عين و مشى
ردت على روحها الله يعافيج
سمعها وكام يضحك ويهز براسة غسل وطلع لبس نظارتة وشغل سيارته وطلع
لملمت سهير وغسلت المواعين وصعدت نامت وماحست الاالباب يندك واذا الساعة ٩ ونص واذا منار فتحتلها الباب
-ماما تكول ليش مانزلت خاف بيها شي
-لا راحت عليه نومة والبارحو متاخر نمت
-يلا غسلي ونزلي
غسلت ونزلت سهير واذا كلهم جوة ومرت الشيخ بالمطبخ
-صباح الخير
-هلا يمة صباحج الله بالخير شو لهسة كتلهة لمنور تشوفج
-اتأخرت بالنومة البارحة حيل جان راسي يوجعني
-فطيم تعوج بحلكها كاعد الحظ للجايفات
-فطيييم والله اضربج بالجفجير ان فتحتي حلكج... كعدي يمة سهير .. شوفي بل٩ عدنه الكل جوة يتريك ونبدي شغل وطبخ ف انتي كعدي ويانه حتى تألفين ويا عيشتج ماشي بنتي
-صار خالتي
-يلا امي تريكي ويا منار وخلي تعلمج الشغل
-ردت فطيم .. ولا رقية ظلي مخمخمة ومجبوبة وتمسكني لحد ما تتمكنين بس صدك لو كالو الحظ للجايفات
-سهير ضحكت وماردت وكامت تغسل
-شوف شون بلا كرامة ولا تحس ام الجيفة
-منار ... شوفي فطيم والخلقج اصيح امي تسويج ٤ وصل سدي حلكج ولا تضلين تلكحيلها حجي .. فلك طرج متشوفيها لا بستج عوفيها
فاتت مرت الشيخ .. شكو
تلكح حجي لسهير
شالت الجفجير وضربتها على ظهرها
-ااااخ بوية تضربيني علمود هالحية
-ما حية غيرج طلعي نظفي لا اشعل اهلج ما شوف وجهج وحسابج بلليل ولي من خلقتي
اجت سهير وطلعت فطيم تصيح الله ياخذني واخلص منكم ومن ظلمكم
تعاي يمة سهير اليوم عمج مشتهي بامية واريد انتي تسويها
-اي بس اني ماعرف اسويها خالتي
-لعد شطبخين؟
-تراميسو.. بيتزا... باستري .... باستا .. جيزكيك
-ههههههه يمة هذا اكل بغداد احنا اهنا مثارد ... تعاي اعلمج اني
-وكفت سهير ويا عمتها تعلمها وتنطيها تعليمات وسهير تنفذ والباقين طلعو ينظفون
-هااااا هسة تمام استوت
-عاشت ايدج عمة
-وايدج بنيتي ... التفتت سدت الباب.. شونكم انتي وياسين
-والله ياعمة لا يسلم ولا يرد سلام حالي حال الكرسي على كد تعزيل وغسلت هدوم وشكاك كلش كل مايدك جهازي تحقيق
-كتلج يمة السبب وتعرفين الشغلة تريد صبر
-والله عمة ماعرف اني شنو ذنبي اتحاسب بشي ما مسويته
-انتي سمعي كلامة وديري بال علية.. المرة الحنينة تلين الصخر
-شون؟؟
-كلشي بالعقل سمعي كم كلمة حلوة حتى وان ماعجبة معليج بي اهتمي بي حاجي اضحكي .. اترتبي بس لا هواي يكرهج ويمل ولا قليل مايحس بي.. من صارت المصيبة سويت هيج حجايات حلوة وشوي اهتمام تحسن وضعة وراها
-ان شالله
-هدي الجدر وروحي سبحي وتهندمي وابتسمي وحطيلة غدة وفلسيلة الاكل حتى يحسج مهتمة ومن اجيبين جاي حطي بصفة كعك وكابلي وكعدي..لا تخلي بوحدة طبي بحياته كةة صار حلالج بعد وهوة والله ماقاصرة شي ما شالله حلو ووظيفة وشهادة ويخاف الله بس شوي تعديل ينرادلة
-الله يسهل ان شالله
سمعت كلام نظفت الغرفة وبدلت وسبحت ولبست دشداشة زيتوني وحطت مكياج ودترتب شعرها وفات ياسين وسد الباب و وكعد ع الجرباية ودنك يفتح البوت بس شو شوي طول وبدة يتنفخ باوعتلة البوت معكود القيطان وكعدت بالكاع كدامة ودتريد تساعدة ودفع ايدها اني افتحة
-خليني اساعدك عندي اظافر شعرها جان اسود وطويل ومكياج وطالعة كلش حلوة باوعلهة وصفن شوي ودار وجهة وجان تفتحلة البوت وتنزعة يا
-اني انزع وخري
-عيني ماكو فرق
شالت البوت وطلعتة برة ونزلت تحظر الاكل وشافتها عمتها .. ماشالله يرادلج خرزة زركة
-لا عمة لا روح اصدك
طب ياين سابح ولابس دشداشة بيضة .. يمة شنو الاكل ترى ميت جوع
-مات الجوع يمة اليوم بامية
-اريد بصل ويا
غمزت لسهير يعني كومي انتي
-اي عيني هسة اسويلك
دار راسة وطلع مدد بالديوانية وفارشين وحطو الاكل وكعدت سهير يم ياسين وكعدت يمها منار وجوي الباقين وبدو اكل
سهير حطت طرشي وبصل كدام زوجها وفلست لحم وحطت على التمن مرت الشيخ شافت وابتسمت والجناين بس يلوزون بعيونهم والشيخ يباوع ومغلس وياسين خارج نطاق الشبكة اصلآ....
وبدت تاكل خلصو ولملو وبدو يجلفون مواعين وسهير صبت جاي ودت وياسين ماكو بس حسن وحسين وشهاب وعبدالله والشيخ نطتهم الجاي وطلعت
حظرت صينية وحطت كعك وجاي كوبين وطلعت فوك وشافتها فطيم ... تهز بأيدها وتعوج بحلكها.. عود مثقفين يشربون فوك
صعدت فتحت الباب ياسين امدد ديتفرج على مصارعة شافته
YOU ARE READING
زواج مرفوض
Romanceفتاة اجبرت بلزواج لرجل لا يثق بأمراه وهو كذلك اجبر بها... يا ترى!!!هل هنالك نتيجة لمحولاتها لبدء حياة جديدة له ولها؟؟ ......وللحكاية بقية
