(ووقعت في عشق القاسي)
الفصل(12)
بقلمي(منة أشرف)
____________________________________________
تنحنح الضابط وقال بإحراج
الضابط:القسيمة مظبوطة الظاهر إن في سوء فهم
مالك بصرامة:أنا أقدر أعمل محضر ضدك بدخول بيتي بدون سبب وإنك بتتهمني كذب إنت والبيه اللي معاك
الضابط:أنا مقدر موقفك والحكومة ممكن تصرفلك تعويض مادي
نظر مالك لفهمي وأردف قائلا
مالك:بقدر أعوض اللي بخسره بس بطريقتي إتفضل
رحل رجال الشرطة عن الفيلا ليبقي بها مالك ويارا وفهمي
فهمي:ليه يا مالك
مالك بتهكم:هو إيه اللي ليه
فهمي بعصبية:إنت بتتعامل معايا زي واحد من الشارع أنا أبوك علي فكرة
مالك:إنت اللي خليت تعاملي معاك يبقي كده
فهمي:عطيتك كل حاجة ومفيش حاجة طلبتها إلا وكانت عندك مقابل بس إنك تفضل جنبي طول عمري
مالك بسخرية:لو إنت مقتنع إن إنت أب صالح تبقي إزاي منتظر مقابل مني
فهمي بهدوء حاد:طلقها وإرجع القاهرة تاني يا مالك قصرك وشركتك وفلوسك كل حاجة مستنياك
مالك:مستحيل أنا بنيت نفسي اللي إنت دمرتها بعيد عنك وعن فلوسك ومش مستعد أدمرها عشان أرجعلك أو أرجع إبنك إنت أسمك كأب ممسوح من حياتي وعمره ما هيرجع
فهمي بنظرات غاضبة:ماااااالك
مالك بصوت عالي:أياك تعلي صوتك في بيتي وللمرة الأخيرة بقولك مش عايز أشوف وشك
نظر له فهمي بغضب قبل أن يغادر ويصفع الباب خلفه
أبتعد مالك عن يارا وهي مازالت لا تفهم أي كلمة قيلت في ذلك الحوار
هاتف مالك صديقه خالد ولم يقل له سوي
مالك:هي علي وصول خلاص وزي ما أتفقنا
خالد:تمام
أغلق مالك هاتفه وألقاه بإهمال علي الفراش وبعدها ألقي بالمنشفة من علي كتفه وكاد أن يخلع بنطاله ولم ينتبه لوجود يارا
وضعت يارا يدها علي أعينها وشهقت قائلة
يارا:إنت بتعمل إيه
إلتفت لها مالك وقال بعصبية
مالك:إطلعي برا
إرتعد جسدها وخرجت بسرعة
يارا:أنا أقدر أمشي من هنا هو مش واخد باله أصلا والباب مش مقفول بمفتاح دي فرصة مناسبة
