(ووقعت في عشق القاسي)
الفصل(9)
بقلمي(منة أشرف)
________________________________________________
ينصدم الجميع من ذكره للزواج وخاصة يارا التي تصلبت في مكانها من هول الصدمة
صبري بعدم فهم:يابني إنت بتقول إيه...
مالك مقاطعا:أنا مش إبنك كمل بقي
شعر صبري بالإحراج منه لكنه أكمل
صبري:إحنا كنا مفكرين زي ما يارا قالت إن دي مجرد خطوبة
مالك:وأنا مش عايز خطوبة عايز جواز علي طول وبالنسبة لكل التجهيزات اللي كانت هتتعمل في فترة الخطوبة مش لازمة الفيلا في أي حاجة عايزاها حتي هدومها بمعني
ثم ينظر ليارا نظرة أربكتها:أنا عايزها هي
عبير بغضب:لا بقي أنا مستحيل أقبل إن بنتي تتجوز بالطريقة دي مش كفاية إنها هتتجوز واحد....
تقطعها يارا بكلامها خوفا من حديث والدتها
يارا:أنا موافقة يا ماما
عبير:إنتي إتجننتي صح ماشي يا يارا بس لو خرجتي دلوقتي إعتبري أمك ماتت
تغمض يارا عيونها بتعب ها هي أمها تضعها أمام مشاعرها وتضغط عليها بحديثها
نظر صبري ليارا وسألها بنبرة أب خائف علي إبنته
صبري:انتي موافقة فعلا يا يارا
تنظر يارا لمالك تجده ينظر لها بتحذير فأغمضت عيناها ونزلت دموعها علي خديها قائلة
يارا:أه يا بابا موافقة نتجوز وأروح معاه دلوقتي
عبير ببكاء:لا لا يابنتي متعمليش كده قوليلي عمل فيكي إيه عشان توافقي حرام عليكي ليه بتعملي كدة ليييييه
مالك ببرود:إحنا مطولين شكلنا
تنهد صبري بحزن وقال
صبري:إكتب يا شيخنا
صرخت عبير بقوة في زوجها وبكت أما يارا فأيقنت أن نهايتها علي الأبواب
بعد قليل
المأذون:مبروك
نهض مالك وإبتسم بإنتصار وسلم علي صبري
مالك:متخافش بنتك معايا
صبري:أنا عودت بنتي علي القوة عشان كدة هتتجوزك وأنا بعتبر إن ده إختبار ليها وإنت هتتغير بسببها
مالك:إختبار ممممم ولو فشلت في الإختبار ده هطلقها
صبري بإبتسامة:معتقدش هتطلقها بس أنا موافق
كانت عبير تنظر ليارا نظرات ترجي وتوسل وهذه النظرات كانت تذبح يارا من داخلها فإقتربت يارا من أمها وقبلت رأسها بحنان وإبتسمت
