(ووقعت في عشق القاسي)
الفصل(11)
بقلمي(منة أشرف)
_____________________________________________
خالد:نعم أخطف مين يا عم شايفني حرامي
مالك:أفهم مش خطف خطف يعني أنا كمان هقولها الأول
خالد:هههههههه وده خطف موديل 2018 بقي
مالك بنفاذ صبر:هتسمعني ولا أقول
خالد:خلاص كمل
مالك:أبويا ناتطلي كل شوية وأنا مش طايق أشوفه أصلا بس لو عرف إن مراته إختفت هينساني أصلا وده اللي أنا عايزه مش عايز أعرفه تاني
خالد:هو بس ولا مؤاخذة أبوك واطي هتفرق معاه مراته
مالك:هو بيحبها
خالد:بيحبها إزاي يعني
مالك:بيحبها بس مخبي وإتجوز أمي الله يرحمها عشان يدوس علي نفسه ويقنع نفسه إنه مش بيحبها وبعد أنا أمي ماتت راح إتجوزها بحجة إنها ترعاني
خالد:اللي يشوف أبوك ميقولش كده خالص
مالك:أنا مش بعتبره أبويا يا خالد وعمري ما هنسي اللي كان بيعمله فيا
خالد:روق بس وروح نام وبكرة تفهمني أعمل إيه
مالك:ماشي سلام
ثم أغلق هاتفه وخلد للنوم
************************************************
في الصباح
في منزل خالد
إستيقظ خالد من نومه علي صوت طرقات الباب فتوجه إليه وفتحه وكانت عيناه مازالت مغلقة
خالد بنعاس:مين
فتاه ببكاء:خالد بابا بيموت يا خالد تعالي معايا والنبي المستشفي هو عايزك
فتح عيناه علي آخرها ونظر إلي الفتاه وقال
خالد:شوق
شوق ببكاء:عشان خاطري يا خالد عشان خاطري بابا خلاص بيموت ونفسه يشوفك إنت بالذات قبل ما يموت عشان خاطري تعالي معايا
خالد:أهدي طب خمس دقايق بس أدخلي بس
شوق ببكاء:مفيش وقت تعالي كدة
نظر خالد لملابسه فكانت ملابس بيتية لكنها ملائمة قليلا للخروج فذهب معها إلي حيث توجد المستشفى
وعندما توجهوا إلي الغرفة كان يقف أمامها أخوها الأكبر وأمها التي كانت تبكي
خالد:سلام عليكم
نظر له أخوها بكره ولم يعقب
شوق:أدخل يا خالد
دلف خالد إلي الغرفة بينما ذهبت شوق إلي والدتها وإحتضنتها
