ما رأيكِ بأن تكرهيني؟
فأنا لم أود اقترابكِ،
أريد عُزلتي،
حتى وإن كانت موحشة،
أنا أخافكِ،
أن اثق بك ثم ماذا؟
تذهبين،
تصبحين قبيحةً عندي،
وانتِ قسِيمة
بملامحٍ لم أرهَا من قبل،
فلا تجعليني أضيع فيكِ
ويتكرر ضياعي مرتين،
مرةً في جمالكِ،
ومرةً بعد خذلانكِ لي،
تصبح المدينة بلد الدمار،
وتكون الأرصفة شوكًا،
والرياح نيران،
وكل نداءٍ بإسمي يعيد لي صوتكِ،
فأكره الناس..
أكرهكِ..
أكره نفسي..
والضياء الذي
كان يأتي من عينيكِ،
وأعود من جديد،
ألوم حسنَ الظن كالأحمق،
وأنسى أمر قلبي الذي
كان يود أن يُطبطِب عليه أحدهم،
ودُهِس.
_____________
لاره (گاعدين بالصاله اني وتوأمي ياره وساره والظلام يغمر المكان والغرفه بارده والهدوء موتر الدرجه تتلف الأعصاب وانفاسنا ثقيله ومركزين بفيلم الرعب المعروض گدامنا على شاشه تلفزيونيه كبيره والخوف طاغي علينا الى ان قطع الصمت رنين جوال ماما الي خلانه بحالة هلع الدرجة الصراخ گمت من مكاني بعصبيه ورحت على الجوال ورديت بصوت عالي واعصاب مشدوده)
:الوووو
لارد:......
ياره: بسرعه لاره وقفت الفيلم علمودج
بعدت لاره الفون عنها وصاحت: ثواني اشوف منو ع الخط
باوعت ع الفون بأستغراب وقربته على اذنها: منو وياي
الطرف الثاني صمت.......
لاره بنفاذ صبر : صدك عالم فاضيه تحجي لو اسد الخط
الطرف الاخر رد بصوت مبحوح وخشن: انطيني امج
لاره: منو حضرتك
: ميخصج
لاره: شنو قلة الاحترام هاذي مسوي نفسه شخصيه وغموض يمكن تحس نفسك جيمس بوند ترى انت المتصل علينا يعني طبيعي اعرف منو انت
: انطيني امج
ياره: ولج يلا بسرعه تعالي
لاره: هفف خلي انطيك امي مالي خلگك
لاره وهي متوجهه للحديقه بصياح :يمه يووووم
ام صقر: يابه بالحديقه صدك جذب ليش تحسسيني كل وحده بكوكب ترا اسمعج
لاره: شبيكم اليوم ترى مو طبيعي كلكم شادين وياي
ام صقر: فد شخصيه معروفه انتي ونسوي عليج مؤامرات دجوزي من خيالج الواسع وگولي شرايده
انطيت الفون الماما: فد واحد غثيث يريدج
ام صقر: ماگال منو
لاره: هو گدما غثيث اهله حتى ما الهم واهس ينطونه اسم
ام صقر: هاي شنو الخط مفتوح وانتي فضحتينه امداج
غمتني بأديها واني انقهرت لأن سمعها الغثيث عفتهم ورحت بس حسيت بفضول وگفت من بعيد اسمع...
ام صقر: الوو
شنو
معقولة
كل الهلا بيك ابني بس ماتوقعت انته
والله مادري
اي افكر
خلي اسئل صقر
الله وياك وليدي
لاره (والله اني وره هالمكالمه كلت اكو شي حسب خبرتي بالتجسس رحت يم البنات وافكر بالمكالمه بالي مو يم الفلم منو هذا مسامعه صوته قبل وامي تكوله وليدي واسئل صقر ع شنو وره شويه اجتي امي بالها مشغول نحجي وياها مترد غلست كلت اول وتالي اعرف بعد مرور الوقت دخل صقر للبيت جاي من الشغل ويكون الأبن الأكبر بالعائله وبعده بمده قصيره دخل عمر جاي من الجامعه وهو ثاني ابن من بعد صقر صبت العامله الغدا احنه طبقتنا الماديه غنيه وعدنا عاملات بالبيت منسوي شي غير مركزين على دراستنا)
* تتكون عائلة ام صقر من:
الأب متوفي
ام صقر
صقر
عمر
(لاره، ياره، ساره) تؤام
______
صقر: شلون الحلوات اليوم
لاره: ماكو جديد غير انو اشتاقينالك اكثر
صقر: هههه فدوه للمشتاقلي
ياره: معليك بيها اني مشتاقتلك اكثر
صقر: تشتاقلج العافيه يا بعد عيني انتي
عمر: متونس صقر كلها تشتاقله مو مثلي ماعندي حظ
ساره: واحنه شوكت شايفينك شو كاضيها لو بالجامعه لو ويه اصدقائك حتى متگعد ويانه نحيس ونفسيه
عمر: ولي ماريد اشتياقج المهم امي مشتاقتلي يمه مشتاقتلي موو
ام صقر وبالها مشغول: اي اكيد وليدي اكو ام متشتاق الأبنها
صقر لاحظ امه مو على بعضها بس ما حب يفتح الموضوع ع الأكل
كملوا الأكل وگاعدين يشربون شاي....
صقر: مو على بعضج نبع الحنان
ام صقر: اريد احجي وياكم موضوع
عمر: نسمعج يمه
عم الهدوء بالمكان وكلنا عيونا معلقه على امي ننتضرها تكمل حديثها...
ام صقر: اليوم اتصل عليه ابن خالكم يكول جدكم يريد يشوفكم صارله فتره يدور علينه ومتندم حيل ع الي صار....
عمر گام من مكانه بعصبيه: شنو؟
ياره: يحلمون!!
ساره: هسه تذكرونه صارلنه سنين
لاره: مستحيل يصير البراسهم
ام صقر: المسامح كريم واحنا ممحصلين شي بهل دنيا خلي ناخذ احنة الاجر
ساره: هيج اجر منريده ولا نريدهم
عمر: يمه شبيج غشيمه وگلبج طيب شنو المسامح كريم لعد همه ليش ما سامحو
ياره: احنه مو بعازتهم ولا همه بعازتنا خلينه مرتاحين بدونهم احسن
لاره: نسيتي شلون حتى عرس مسوولج انتي وخالتي شمروجن على عالم مشفتن الراحه وياهم مگطوعين من شجره كل يوم جاي تهديد لبيوتجن لحدما وصلوجن زلمجن جثث الباب البيت وانتن نسوان الحالهن و عدجن اطفال وماكلفو نفسهم يسألون ما اهتزت شواربهم هسه تذكرونه؟؟
ام صقر تبجي: والله ادري بس هذول اهلي مو هينه بعيده عنهم كل هاي السنين
صقر من بعد صمت: حضرو نفسكم باجر نروح
كام صقر الغرفته وتركنا بموجة الصراعات نعبر عن رفضنه القراره بكل الطرق وسكتنه بخيبة امل من سمعنا باب غرفته انسد وكل واحد بينا راح الغرفته بغضب....
______
صار العصر ورحنا البيت خالتي ام احمد الجان بجانب بيتنا حتى اناقش الموضوع رغم احنه رافضينه بس منگدر نعارض اوامر صقر.....
ام احمد: يا هلا بهالجيه تفضلو عيوني توه نور البيت
ام صقر: منور بأهله
ام احمد بصياح: بنااات تعالن اجتي خالتجن والبنات
سمر وسحر وقمر نزلن يركضن...
سمر: ارررررحب بخالتي (ولزمتها من ايدها وفرتها) واااو محلوه محمره صغرانه فدوه الهالوجه شصايره ولج تخبلين هاي كل القزومات هيج حلوات لو بس انتي
ام صقر وهي تضرب كتف سمر بمزح: ولج سمر جوزي مني كل هالطول وتكولين قزومه
حطت ام صقر اديها ع خصرها وفترت: ها شنو رأيج
سمر: خاله لتحاولين يبقة طولج 150
ام صقر: ههههه مصيرلج جاره
ام احمد: عوفيها خيتي هاي تشيبج من وكت ساعه ترفع معنوياتج ساعه تخليج تردين تنتحرين من الأحباط
ام صقر: هههه فديتها سموره بالعكس مسويه جو بالبيت اموت ع سوالفها
سحر دفعت سمر من امام خالتها: بس سمر تفدون بيها اذا هيه مسويه جو بالبيت لعد اني مسويه حر مثلاً؟؟
ام صقر: هههه حبيبتي والله انتي هم اموت عليج
قمر: بس سحر تموتين عليها ليش كل هذا الضلم خاله وين حقوق الانسان
ام صقر: ههههه ولج ام احمد بناتج سون نفسهن ينبجي على حالهن تعالي لوتيه قموره والله انتي هم اعزج
ياره، لاره، ساره: واحنننننننا
ام صقر: يبوووو ماحب احد هيج احسن
ام احمد: ها خيتي حتى اني متحبيني الي الله
ام صقر: ولج حتى انتي هاي عود انتي جبيرتنا خلي ارجع للبيت احسن
الكل: هههههههههههههه
بهاي الأثناء دخل احمد الأبن الأكبر: واني اكول ليش البيت منور ثاري الحلوه يمنا
ام صقر: يمه منك غشني بكلامك العسل
احمد: ها خاله اني اغش يلا مقبوله منج تعاي والله مشتاقلج
حضنها وباس راسها....
ام احمد: خلص زمانج ام احمد
احمد : افاااا الغاليه شعندي غيرج روحي فداج
ام احمد: يلا رضيت رضيت لتتوسل كافي
الكل ضحك...
باوع احمد للتوأم الثلاثي وماميز بيناتهن مثل العاده اختصر الوضع وگال....
احمد: بنات شلونجن
ساره، ياره، لاره: الحمد الله وانت
احمد: عساجن دوم بخير اني الحمد الله اگول خاله هذني بناتج شلون تفرقين بينهن خبلني تگول سيت گلاصات
ام صقر: صارلكم عمر سوه ولهسه متفرق بينهن هههه ساره عدها اثر جرح بشفتها ولاره عيونها صفر وياره عدها شامه واذا سألتني مره ثانيه شلون افرق بيناتهن اكتلك
احمد: هههههه احاول اتذكر
تعلقت نظرات احمد بعيون لاره وهي ماتدري عنه وعن حبه الها وتشوفه مثل اخوها وبالطرف الثاني جانت اختها ياره تباوع على احمد بلهفه رغم تدري هو عنده مشاعر تجاه اختها ونزلت عيونها بحزن من نضراته واشتياقه الواضح الـ لاره.....
احمد: راح احفظ هاي الملاحظه حتى لا تعبر عليه مقالبهن بعد
دخل امجد للبيت ويكون ثاني ابن بعد احمد: سلام
ام صقر: ولك انته متجوز شنو سلام كول السلام عليكم
امجد: يابه السلام عليكم لعيونج
الكل: وعليكم السلام
امجد: ها ولجن عود كبرانات وتردن السلام
ساره: دمشي امشي عود انت الجبير لتخليني افتح دفاتر قديمه جنت وجهك متغسله كل اسبوع
امجد عرفها من صوتها وابتسم (واخيراً حجت وسمعت صوتها شكد مشتاقله)
امجد: ولج گملاتج بعدهن لو سبحتي شلون اضل اعلم بيج اني
ساره: دتعال ولك ابو الصواب
راحت تركض ورا وهو يركض والكل يضحك على خبالهم....
ام صقر: ههههه يربي كولها تكبر وتعقل اله هذول الأثنين يبقون جهال
راحت ساره تركض ورا امجد وصلو للحديقه...
ساره: ولك اوگف فحطتني خلي اكتلك
امجد وكف واندار عليها ويباوع بعيونها بنضره ثابته وصارت ملامح الجديه بارزه ع وجهه
ساره ارتبكت: هااا استسلمت موو تعال لتخاف عود ما اكتلك حيل
امجد مشى بخط مستقيم بأتجاهه وعينه بعينها وهو يتقرب وهي ترجع ورا اخير شي انحصرت تقرب منها الى درجة صار وجها بصدره وفرق الطول بينهم واضح خافت وكلبها صار ينبض بسرعه نزل وجهه بمستواها صارو وجه بوجه وانفاسه الحاره تحس بيها تلامس بشرتها وعيونه تباوع على كل تفاصيل وجهه على عيونها حواجبها انفها خدودها واخيراً ركز على شفتها ولمس بطرف اصبعه اثر الجرح الي بشفتها وابتسم (تذكر من جانو اطفال تعاركو وشخطها بالقلم بشفتها)
امجد: مو اني الاستسلم
اندار ورجع للبيت وعافها قلبها ينبض بعنف خلت ايدها على فمها والأيد الثانيه على قلبها( ليش قربه يسببلي خفقان اهدأي لتتوترين مصار شي) هدأت نفسها ورجعت دخلت للبيت
لاره: مبروك ع الكتله
امجد: ههه يا كتله ضلت تركض وراي اخير شي تعبت وبطلت جنها سلحفاة
قمر: اي اخوي محد يكدرله
صعد الغرفته ورا شوي دخلت ساره...
سمر: ها ولج كالو تعبانه ومستسلمه هيج احسنلج بطه
ساره: منو كالج والله كتلته كتله تعجبج اني محد يكدرلي
فجأه صاح امجد من فوك: سويران كاف جذب
ساره من الاحراج حاولت تغير الموضوع: بنات رايحه للمطبخ اشرب مي هسه اجي
رجع صاح امجد من فوك :اي حقج تعطشين غير ردنه نوگف گلبج
ساره سوت نفسها مسمعت شربت مي من التوتر حست ريكها نشف رجعت كعدت كامت سمر تصب عصير المطبخ مالتهم تعبر من خلاله وتدخل الصالة البيت ف هي واكفه تسوي عصير بهاي الأثناء دخل صقر
سمر غنت بضحك: وهم اجه وكبالي شفتة اهووو هههههه
صقر ابتسم على خبالها
سمر: لابالله هاي كل قوتك
صقر رفع حاجبه وابتسم: لا عندي الأقوى
سمر: ايبا ولا يگعد راحه ابن الرافدين دتعال ادخل شلون مسويه عصير
ابتسملها صقر وهو يمشي للداخل گال: كولشي من ايدج طيب
شوي ودخل عمر وراه
عمر: شلونج سموره
سمر: لوني خمري على بياض شوي
عمر: ها ها ها متضحك بايخه ضلي ضلي خبله
سمر: بس اني ما گتلك اضحك
امجد: ههههه فشلتيني نذله لو داخل بكرامتي احسن
سمر: هههه ادخل البايخ
دخل عمر وطلع صقر وگف باب المطبخ ورث سيجاره وصافن برا
سمر بمزح: عود اعزمني بعرسكم
صقر بأستغراب: عرس منو
سمر: الشاغله بالك
صقر: هههه والله ما اضن اوصل وياها النتيجه مخها ثگيل يرادلي صبر
سمر: واللهي يا خويه هنه البنات شوي يحطن طابوگات بالبدايه ويبيعن ثگل انت هم جر خلگ
صقر ذب حسره بعدما كالتله خويه قطع الصمت دخول احمد
احمد: ها تأخرت عليك مو
صقر: لالا عادي
طلعو للحديقه يسولفون
سمر ودت العصير ورجعت اخذت كلاصين ودتهن الأحمد وصقر ومن اجتي يمهم سكتو وهي فضولها قتلها راحت كعدت وشوي ودخل احمد وصقر كعدو يمهم
صقر: خاله انتي عندج علم بخصوص موضوع جدي
ام احمد: اي
صقر: وشنو رأيج
ام احمد: والله يوليدي اهلنا غلطو وماكو واحد ميغلط اني اگول خلي ننطي فرصه
صقر: زين احمد شنو رأيك
احمد: رأيي من رأيك خويه اني وياك ما نختلف
صقر:امجد انت شتكول
امجد: الي تشوفه
صقر: وانت عمر
عمر بعدم رضى: بكيفكم
صقر: والبنات
البنات كلهن ما موافقات بس ماحبن يعارضن حتى لا يكسرن خاطر امهاتهن: مثلما تردون
صقر كام: احنا نترخص وباجر انشاء الله الساعه 8 نطلع هم الطريق طويل
سمر: فدوه خاله خل البنات يبقن
قمر: فدوه خاله
سحر: عفيه حبابه
ام احمد: خليهن يغيرن جو يم البنات
ام صقر: التميتن عليه بعد ماگدر ارفض شيخلصني
راحت ام صقر وصقر وعمر وبقن البنات بيت خالتهن ...
سمر: بنات اليوم اريد اعلگها لان باجر ننغث
منو عدها معزوفات ترگص الحجر
ساره: اني
سمر: جيبي فونج
ساره تذكرت نست فونها بالمطبخ من راحت تشرب مي: اهووو نسيته جوه هسه شينزلني وحده تنزل تجيبه فدوه والله مابيه تعبت
البنات كولهن تعاجزن
نزلت ساره بأستسلام جابت فونها وصعدت شافت غرفة امجد مفتوحه ولفت نضرها دفتر احمر مميز تحس انو هي شايفته تحاول تذكر وفجأه : عززه بعينج ساره هذا دفتر مذكراتي من جنت زعطوطه واني اكول وين اختفى شكد عيب لو مكاتبه مذكرات احسن رفعت الدفتر وكعت صوره وياها ورده شالتهن باوعت ع الصوره شافت نفسها من صغيره هي وامجد تذكرت هذاك اليوم جان عمرها 8سنين
______
عوده للوراء
احمد: يلا امجد انطيها الورده خلي اخذلكم صوره
امجد خجلان وشايل الورده يريد ينطيها الساره وهي تباوع عليه وفمها مايل بعدم رضى ومكتفه اديها بغرور ....
امجد: هاج هاي الورده مني الج
ساره: ماريدها
امجد: تعورت واني اشلعها علمودج
ساره بصياح: اكلك ماريدها هسه اكول الماما تنطيني مثلها
امجد بعصبيه: واني هم ما انطيها الج يلا ولي
ساره بدأت دموعها تنزل
امجد باسها من خدها بندم وخذلهم احمد الصوره
______
عوده للحاظر
باوعت ع الورده الوكعت من الدفتر هي نفسها بس صايره يابسه ومتكسره (ليش محتفظ بيهن؟) لاحضت مكتوب بضهر الصوره كلام
اراكـ بكــل الوجوهـ امـامـي
و وجهـك يسـكن كل الـصور
فقـولي احبك ثـم استـريحي
فليس لغيرك اهوى النـضر
استغربت وقلبها صار ينبض بعنف رجعت كولشي المكانه وطلعت من وصلت الباب الغرفه طلع امجد بوجها
امجد بأرتباك: شسوين هنا
ساره: ها جنت شسمه احم ردت امممم
امجد: شبيج
ساره: دفتر مذكراتي شيسوي يمك
امجد: وليش تلعبين بخصوصيات الأخرين
ساره: هذا الحجي گوله النفسك لأن الدفتر دفتري وانت سارقه
امجد: لا ما سرقته بالغلط وگع بأيدي
ساره: جاوب امجد
امجد: على شنو
ساره: تعرف على شنو
امجد: لا ماعرف
ساره: دفتري شيسوي يمك
امجد تنهد وتقرب منها: راح اگولج وماريد اسمع اي رد على كلامي لأن اعرف اني شنو باللنسبه الج انتي تشوفيني اخ بس اني ما اشوفج هيج حاولت ما احبج بس ماگدر احسج تمشين بدمي احبج ساره كافي تعبت
عاف المكان وطلع...
ساره بقت متصنمه بمكانها وجسمها يرجف وگلبها يريد يطلع من مكانه نزلت دموعها وهمست: حتى اني احبك
( ليش حكم بدون ليسمع شي ولو حتلو باقي واگف گدامي مجان گدرت ارد على كلامه احسن شي اكتبله ) راحت ع الدفتر وكتبت بأخير صفحه...
"گال احبچ وأنگلب ميزان كُل شي
كلمه هدت نرجسيتي وكبريائي
من أشوفه بلا وعي أهمس!
أنتَ وحدك لايگ لوجهك نقائي"
تركت الصفحه مفتوحه ونزلت للمطبخ اخذت فونها وراحت للبنات وكفت يم الباب هدأت نفسها ودخلت شافتهن حارگات الجو الأغاني عاليه وسمر ولاره يكمزن على الجربايه وياره وقمر وسحر فالات شعرهن ويردحن طبت وردحت وياهن جانت تريد تطلع حرگتها بالرگص وبنفس الوكت فرحانه......
سمر: كافي بنات تعبنا خلي ننزل جوه نحط سائل غسل الصحون ع الأرضيه ونتزحلق
لاره: بدون لتطلبين رأينا جايين وياج
نزلن البنات وجاي يلعبن وفجأه ياره تزحلقت وگعت وكلهن يضحكن على وگعتها طلع احمد على صوتهن وشاف ياره بالكاع ركض عليها بقلق: بيج شي تأذيتي؟
ياره ارتبكت: هااا لا مابيه شي
احمد: تكدرين تكومين لو اشيلج
ياره: لا اكدر اكوم
كامت وهو سندها
احمد: شبيجن متساعدنها بالله هسه لو متعوره البنيه
ساره: هو احنا كل شوي وحده واكعه تعودنا الله وكيلك
احمد عافهن ودخلها جوه
سمر: بنات هسه تجينه كولشي مابيها تكول اريد العب هههه
نرجع الياره احمد حطها على كرسي ونزل يم رجلها الجانت مخليه ايدها عليها بألم بعد ايدها وتفحص رجلها بأطراف اصابيعه وهي روحها رجفت
ياره بأحراج: مابيه شي هو اني فاهيه كولساع واكعه
احمد: هههه اعتقد انتي لاره
ياره: مدري شوكت تفرق بيناتنا اني ياره شوف عندي شامه
احمد بخيبة امل: اها
ياره: اي
احمد: لا زين مبينه رجلج ما متأذيه بس انتبهي عليها خيتي
ياره(خيتي شايفني خيته اويلي عليك كلبي الله يساعدك شسويت علمود تستاهل هذا العقاب كاف بعد ماضوج نفسي تعبت هذا الأنسان ما ناوي يحس بيه)
طلعت للطرمه وضحكت ع المنظر وحده تكعد بالكاع والثانيه تدفعها وهذيج تتزحلق ولازمات صوندة المي وحد ترش ع الثانيه فجأة اندك الباب......
سحر : منو
محد رد
فتحت الباب طلع صقر ختلت ورا الباب من الفشله
ولاره وسمر مارفعن عيونهن وميدرن بوجود صقر
سمر: ولج يلا ياره دفعيني
ياره: وان تو ثري وووويييي
دفعت سمر وسمر تضحك شويه وحست نفسها تحت رجلين احد
باوعت فوك طلع صقر يباوع عليها وحابس الضحكه....
سمر وجها صار احمر ودمعتها بعينها من الفشله
البنات شردن حتى سحر طلعت من ورا الباب وراحت ركض....
سمر بدون كلام كامت تريد تدخل للبيت ورجعت زلگت وقبل لتوكع لزمها صقر من خصرها يباوع بعيونها بأهتمام وذب حسره: وگع گلبي عليج
تمسكت بأكتافه بخوف شوي واستوعبت المنظر الهمه بي، عدلت وگفتها وراحت تمشي بطئ حتى لتتزحلق صقر ضل يباوع على جسمها جانت لابسه تراك برمودا وبدي وملابسها مبلله ملتصقه ع جسمها اكلها اكل بعيونه
صقر: صيحيلي لاره بدربج
سمر كملت طريقها حتى بدون متلتفت
البنات شافن كولشي من شباك المطبخ بس دخلت سمر بدء التصنيف
ياره: هههه شنو حساسج سمر
سمر بأحراج ضربتها ع كتفها: وجعااا كوليلي اخوج اجا امداجن على اساس ضلعاتي ويوكفن وياي بالشده وهنه اباوع اريد اشوف وحده ماكو كلهن طفرن
البنات كولهن يضحكن عليها
سمر راحت تبدل: لاره عود يصيحلج صقر
لاره: عزززه والله هسه يطيح حضي لان احمد بالبيت واحنه جرمنا
سحر: انجبي ولج شيسويلج اصلا عادي انتي مو يم غريب بعدين احنا رابين سوه وعادي يعني متعودين ع بعض
ساره: يابه غير ع اساس صرنه نسوان ولازم نعوف سوالف الزعاطيط
_____
لاره راحت شافت صقر واكف بالحديقه: ها صقر محتاج شي
صقر: هاج هاي الملابس الي ترحن بيها باجر امي دزتهن
لاره: شكرآ
صقر: ليش هيج مسويات مو الولد موجودين
لاره: امجد برا واحمد بغرفته
صقر: انتبهن النفسجن ولتسون ازعاج صوتجن واصل البيتنا وكولي الخواتج يبدلن ملابسهن ليتمرضن يلا رايح اني
لاره باسته من خده: الله وياك بس بصراحه اخير لقطه موضوع اكيد اليوم تنام مبتسم
صقر: هههههه ترى ادري بيج شفتيني بس عمداً دفعتيها عليه قهرتني ماتت خجل
لاره: ههههه طبعاً ادري مايفوتني شي
صقر باسها من راسها: ذيبتي
ام احمد: هاي صقر وليدي تفضل ليش واكف اعذرني ماكدر اجي اسلم عليك خاف اروح اوكع
صقر: خاله هذني راجعات صغار بس صوجج مطيتهن مجال
ام احمد:متعوده بناتي كل يوم هيج متخبلات
صقر: هههه الله يهديهن يلا خاله اني اترخص
ام احمد: وين يمه ضل بعد وكت
صقر: لا خاله اعذريني والله عدنه شغل اكمله لان باجر بعد ماكدر اشتغل راح انروح
ام احمد: الله وياك ابني انتبه النفسك
*تتكون عائلة ام احمد من
الأب متوفي
ام احمد
احمد
امجد
سمر
سحر
قمر
_______
للكاتبه ساره حسين
