Living In A Ghost Fighter World

Chapter 4

   "Sa wakas makukuha na rin kita. Mapapa saakin na ang buhay na walang hanggan." Dagdag pa nito. Ibig sabihin hindi talaga sya isang guro. Nagpanggap lang pala sya.

   Humakbang sya palapit samin. Napaatras naman kami.

   "Takbo!" Sigaw ko at tumakbo kami ng mabilis. Hindi pa kami masyadong nakakalayo ng bigla na naman syang sumulpot sa harapan namin. Pulang pula yung mata nya. Lumabas na rin yung mga pangil nya.

   Akmang susunggaban nya na ako ng sapakin ko yung mukha nya.

   "Ouch! Ang tigas ng mukha nya." Reklamo ko. Nakita ko syang napadapa sa sahig. Pagkakataon namin yun para tumakbo.

   "Maghiwalay tayo." Mungkahi ko sa kanila. "Dito ako sa kanan, dun naman kayo ni Jenny sa kaliwa."

   "Hindi pwedeng mag-isa ka lang Shane, delikado." Pagtanggi ni ate Charlene.

   "Akong bahala. Basta humingi kayo ng tulong." Kinindatan ko pa sila.

   "Sige. Hahanapin namin sila Eugene." Pagsang ayon ni Jenny.

   Tumakbo sila pakaliwa at ako naman pakanan. Nakita kong nakasunod pa rin yung halimaw sa akin. Sa totoo lang, hindi ko alam ang gagawin ko. Ayoko lang na madamay sila dahil sa akin kaya pinahiwalay ko sila sa akin. Nakarating ako ng rooftop kakatakbo.

   Nakakita ako ng pamalo at pinulot iyon.

   "Sa tingin mo maililigtas ka nyang hawak mo, magandang binibini?" Nakakalokong tanong nya sakin.

   "Tignan natin?" Nakataas kilay na sabi ko. Hinawakan ko ng mahigpit yung bakal na napulot ko.

   Nakita kong tumatakbo na sya papunta sa akin. Inihanda ko naman yung sarili ko. Bago sya makalapit sakin, hinataw ko na agad yung tiyan nya ng ubod lakas. Nakita kong napaubo sya ng dugo.

   "Walang hiya kang babae ka." Galit na turan nya sakin. Akmang susugurin nya na naman ako ng hatawin ko sya sa ulo. Nakita kong sumirit yung dugo mula sa ulo nya.

   "Aahhh! Papatayin kitang babae ka." Pasugod na naman sya sakin pero naiwasan ko sya. Hinataw ko ulit yung ulo nya. Doon na sya nawalan ng malay. Ewan ko baka patay na dahil nakita kong nabasag yung ulo nya.

   May naririnig akong mga yabag. Hinawakan ko ulit ng mahigpit yung pamalo ko.

   "Bilisan nyo baka nandito sila." Boses ba yun ni Jenny?

   Biglang bumukas yung pintuan ng rooftop at iniluwa nun sila Jenny kasama sila kuya Eugene, kuya Alfred at Dennis.

   "Mukhang hindi nya naman kelangan ng tulong eh." Nakangiting sabi ni kuya Eugene sabay thumbs up pa sakin.

   "Binibini, ikaw ba may gawa nyan?" Nanlalaki yung matang tanong ni kuya Alfred. "Ang lakas mo pala. Natalo mo sya. Hahahaha."

   "Ikaw lang naman ang laging talo eh." Napatingin ako sa isang sulok. Si kuya Vincent nakasandal sa may poste.

   "Kuya..." Tumakbo ako at niyakap sya. Wala lang nasanay lang ako na manlambing kahit kanino. Naramdaman kong gumanti naman sya ng yakap.

   "Teka nga, kanina ka pa nandyan?" Kumalas ako sa pagkakayakap sa kanya.

   "Oo kanina pa. Nakita ko rin kung anong ginawa mo sa halimaw na yan. Brutal ka rin pala, hmp!" He pinch me on my nose.

   "Awww. Masakit yun ah." Reklamo ko. I pinch his nose also. Nagtawanan kami pareho.

   "Ano kayang meron kay binibining Shane at kaya nyang patawanin ng ganyan si Vincent?" Napalingon tuloy ako kay kuya Eugene. Animo nagiisip dahil hinihimas himas nya pa yung baba nya.