🌟ذكريات......الماضي🌟
بارت_الثامن
#بقلمي_فاطميه_زينبيه
(فاطمه)
#بيج_قصص_ليل_وعشگ
ثاني يوم ....من الفجر حضرنه روحنه..
وطلعنه ...نروح نزور..نجف وكربلا...
ودعت اهلي..وطلعنه اني ورفيف ....
ركبنه بسياره....
وتبريد السياره يخليك غصبا عليك تنام....
وصلنه الصبح للنجف..
اول شي رحنه زرنه امير المؤمنين (عليه السلام)..
دليت رفيف على المكان التنتضرني بي...
ورحنه ضمينه غراضنه بالامانات
ودخلت جوه...
بعد مافتشوني ...
الصحن مالت الامام يروش من الناس .....
وزدحام حيل...
منضر يخطف الانفاس...
وبنفس الوقت ترتاح روحك ....
هنا الامان تحس بي...
هنا الراحه ...يم الامام ...
تقربت ورحت لزمت الشباك...
ابوس بي ...
شكد جانت عندي امنيات ...واريد الامام يحققهن الي...
بس من وصلتله ...ماكدرت احجي شي..
دموع عيوني الي يحجن...
تذكرت عمر ...شكد جان يحب يجي يزور الامام...
حته وصه اهله يندفن بالنجف...
بعد ماخلصت ....
وبالكوه طلعت من بين الناس...
رحت صليت وقريت الزياره....
وبعد ماخلصت ضليت كاعد...وصافن ...
على الرايح والجاي..
ومرت ساعه ....
ونسيت حته رفيف واني كاعد ....
...
كمت من مكاني بسرعه....
وطلعت من الامام...
رحت بره ادور على رفيف بالمكان الي كتلهه تنتضرني بي...
شفتهه واكفه يم الامانات ...
_اسف رفيف تاخرت عليج....
_اووف وينك من مساع انتضرك ...
_يلا تعاي اخذي غراضج ...خل نمشي ..
اخذت تلفوني ومحفضتي ...ورفيف اخذت جنطتهه ..
وطلعنه ....
اجرت سياره توصلنه للمقابر...
صعدنه اني ورفيف.....
.من وصلنه للمگابر...
اتجهت....
اول شي لمقبره الشهداء..
من وصلنه حسيت روحي ختنكت..وكلبي نعصر ..
واحد بصف الثاني..
المگبره محد بيهه.....سكون وهدوئ رهيب..
اسمع بس نحيب مراه عجوز كاعده يم گبر واحد من الشهداء.....
طبعا عندي علم اني وين موجودين الشباب...
رحت اني ورفيف...
وصلنالهم...
عمر...مرتضى...محمد....
وبعد وبعد شهداء..واحد بصف الخ..
ماادري منو اول واحد منهم اروحله ...
بس شمرت روحي بيناتهم ...
