ذكريات.....الماضي
#بارت_الخامس
#بقلمي_فاطمه
#بيج_قصص_ليل_وعشگ
صارت الساعه ال4 العصر
طلعنه من البيت ورحنه بسياراتنه لبيت رفيف
احنه 3 سيارات مالت اخوي والثنين الخ مالات عمامي
وصلنه لبيت رفيف ستقبلونه اهلهه وعمامهم
فوتونه للبيت
دخلونه للاستقبال احنه
والنسوان راحن دخلن جوه
كعدنه اني واخوي وعمامي يمهم نسولف.....
ومرت نص ساعه احنه كاعدين يمهم ...اخوي كال هم يالله نروح......
كمنه وراح اخوي رفيف طلع يصيحلهن
طلعو كل الرجاجيل بره .....
وطلعت ورانه رفيف واختهه ونسوان قرايبهم ...وهم نسوان عمامي
رفيف حضنت اخوهه... وابوهه هم وتوصي بي يدير باله على صحته...
اختهه جانت تريد تجي ويانه...بس رفيف مخلتهه كلتلهه ضلي يم ابوي واني وياي مرت عمي
بعد ماودعتهم كلهم ...رحت اني هم سلمت عليهم ....ورجعت
فتحت باب السياره ..وصعدت رفيف
وصعدت اني هم يمهه واخوي ومرته وحمودي كدام كاعدين
ساق اخوي السياره
والبقيه هم صعدو سياراتهم
.
.
.
وصلنه لبيتنه نزلنه كلنه
....دخلنه للبيت
ورفيف اخذتهه مرت اخوي ومرت عمهه للغرفه
واني رحت للاستقبال كعدت...
مر الوقت ...وصبو العشى
وخلصنه كلنه ...صارت الساعه ب9
كامو الجماعه....كالو خل نزفه
عمامي يردون يرحون ...باركولي كلهم
...واجه اخوي اخذني ...
وطلعنه من الاستقبال
وصلنه للغرفه مالتي ...
اجت مرت عم رفيف باركتلي وراحت
وبنات عمامي هم باركلي ...
دخلت للغرفه ...وسديت وراي الباب..
شفت رفيف كاعده على طرف الجربايه ...
وشعرهه الاسود نازل على وجهه ...
تقربت منهه ..
وكعدت يمهه على الجربايه
جريت ايدهه ..وبستهه..
_مبروك حبي رفوفتي
_الله يبارك بيك (بخجل)
_جريت وجهه عليه...وخرت شعرهه الي على وجهه
وصارت عينهه بعيني
_رفيف تدرين احله شي بحياتي شنو
_شنو
_انتي احله شي ربي انطانياه
_ربي يخليك الي حبيبي
جريت وجهه الي وخليت شفايفي على خدهه ..بستهه ..
خليت ايدي على خدهه وشفتي على شفتهه...
وارجع اباوع على عيونهه مغمضه ..
جريتهه للجربايه وو................
على عيونك خجل لا مستحى الكون
وعلى عيونك وكاحة كل الاطفال
عليك الحال هايم يسال الروح
وترد الروح من تسال على الحال
............
احس روحي فرحان ...شكد تعبت واني اروح اخطبهه واهلهه يرفضون
بس اخير شي اهلهه وافقو علي...
شكد رحيم انته ياربي ...الي جنت اتمنى تصير حلالي
هسه نايمه على ايدي...
بس رغم الفرح...مايكتمل بدون اصحابي ...يمكن لو عايشين حان هسه احلى عرس سوولي
..الحمدلله على كل حال ...
غمضت عيوني .... وجريت حسره ...
غمضت عيوني ..ونمت...
.....
ثاني يوم الصبح..
كعدت رفيف مو يمي
كمت اريد اروح للحمام ...سمعت صوت الماي..عرفتهه بالحمام
نتضرتهه على ماتطلع...
ورحت طلعتلي ملابس ...
شفتهه طلعت تنشف بشعرهه..
من شافتني دنكت ....
تقربت منهه..
وبست راسهه
_صباح الخير حبيبتي
_صباح الخير جراح
_اني رايح للحمام...على ماتخلصين نطلع سويه ....
_اووك منتضرتك
*دخلت للحمام ...سبحت وخلصت...
طلعت من الحمام
شفت رفيف كاعده منتضرتني ..
_يلا كومي خل نطلع
_يلا امشي
*طلعنه سويه من الغرفه
جانت عمتي وبناتهه واخوي ومرته كاعدين
عمتي من شافته...طكتهه بهلهوله ......
جراح_صباح الخير
_صباح الخير خاله
_صباحيه مباركه الكم يعرسان
صبحنه على الكل ....وكعدنه يمهم....
مرت ساعتين ...عمتي وبناتهه راحن ...بيتنه فرغ من الخطار
....
كل الشباب اتصلو علي....وباركولي
ومر يومين ....احله ايام بحياتي ..
بس جان لازم التحق...
باجر لازم الفجر اطلع من وكت ...
حضرتلي رفيف ملابسي ..
والجنطه...واكل هم خلتلي ....
بيومهه ضليت سهران ...ويه اهلي
وللوحده يله نمنه
رحنه للغرفه اني ورفيف
وحضنتهه ..
ونمت ....
وراي كعده من الصبح......
ثأر الشباب بعده ....والخاين مايرتاح بالي ...لحد مالكاه ...واقتله بايدي..يله يرتاح بالي ...
.
.
.
وللحكايه بقيه....
