ذكريات.....الماضي
#البارت الثالث
#بقلمي_فاطميه_زينبيه
(فاطمه)
#بيج_قصص_ليل_وعشگ
جراح_عمر ماات لا لتكولهه
_ماادري بس يكولون الدكتاتره نخبصو يكولون راح نخسر المريض
جراح_بسرعه حررك السياره بسررعه
حرك اخوي السياره واني كاعد على جمر لا يالله بس لا يموت
دخيلك ربي بس لا حته هوا اخسره
وصلنه للمستشفى نزلت بسرعه وعفت الباب مالت السياره مفتوح
ورحت ركض دخلت لامستشفى
.....رحت للغرفه الجان بيهه ........
شفتهه محد بيهه...
ياربي وين راح وين ودو
شفت اخوي اجه وراي يركض
جراح_ابو احمد عمر ماموجود بالغرفه وين راح ياربي
_تعال نسئأل بلكي يعرفون وين راح
جراح_رحنه نسئل عن عمر ومنو نسئله عنه يكول مااعرف
شفت الدكتور العالجني رحتله اسئله
جراح_دكتور المريض الي اجه وياي الجان بهذيج الغرفه
واشرتله عليهه
وينه هسه ماموجود بغرفته
الدكتور_المريض كعد حجه ويه اهله وتخربط نقلناه للعمليات لان رجع راسه ينزف
وحاليا هوا بالعمليات تلكاه .....
جراح_عرفت مكانه
رحنه اني واخوي ...
لكينه كل اهله موجودين وامه كاعده بالكاع تبجي وتلطم شكلهه يوجع الگلب
ويمهه نسوان ورجاجيل اربعه واخوان عمر هم موجودين
رحنه يمهم وكفنه ننتضر..........
مر الوقت ولا دكتور طلع وطمئنه عن حالته
نفتح الباب وطلعت الدكتوره حته ملحكنه نسئلهه راحت بسرعه
ورجعت مره ثانيه وياهه واحد عنده بطلين دم وبعد شغلات
....
رحنه على الدكتوره ركض بلكي تكلنه شي
سالهه اخو عمر
_دكتوره رحمه لاهلج كليلنه شلون صار هسه
الدكتوره_حالته خطره كلش والنزيف مكاعد يتوقف وخسر دم هواي
احتمال نخسر المريض
او يدخل بغيبوبه
وراحت دخلت جوه....
خلتنه بقلق اكبر احتمال نخسره ...
احس رجلي بعد ماتشيلني وصدري يوجعني مكان الجرح
رحت كعدت على كرسي
تلمست مكان الجرح ياذيني حيل
ماهتميت كل فكري بعمر
اجه اخوي كعد يمي
وكل اهل عمر يدعوله وامه رتفع عدهه الضغط اخذوهه لغرفه ترتاح
