سكتت ودارت وجهه وهي تتأفف وراحت طلعت
اخذت نفس وكملت شغلي ومسحت واخر شي رحت سبحت ومن طلعت خليت ماعون كليجه
وكلاص عصير كلت اكيد هو مايحمي الجاي واني تعبانه بس اريد اتمدد فخليته الكلاص وغطيتهن ورحت صعدت نمت كبل ....
كعدت قبل صلاه الفجر وصليت الشفع والوتر وانتظرت للاذان صليت الفجر ونزلت صبحت على الشيخه وصرت اسوي الريوك ..
اخذته للهول وصبحت على الشيخ وهو جان شكله ضايج وحتى ماابتسم بوجهي كبل اخذ الجاي شربه جره وحده وكال ..
- صبيلي الثاني
اخذته رحت صبيتله وجبتله كمل اكله بسرعه وشرب الاستكان كله وكام باس راس الشيخه وطلع
عاد اني سألتهه للشيخه ..
- خير شبي الشيخ ضايج
- ماعرف يمه سألتو ماحكى شي
- الله يهدي باله
كملت اكل ورحت للمطبخ حضرت صينيه البنات
وعفتهه على الميز ورحت طلعت الورقه الي كتبتهه للتحضيرات واول مابديت بي الكبه
جنت قاريه وصفه جديده للكبه ماعرفها قبل وهي
كبه البرغل والسميد ...
كضيت الصبحيه احضر بيهه واول ما لفيتلي اثنين اخذتهن كليتهن ورحت اخذت وحده للشيخه ووحده اكلتها وشفتها طيبه صارت وتكركط كلش حبيتها وفرحت انها نجحت وياي ورجعت كملت لفهن ..
والعصريه اخذت جيس تمر وصينيه وكاسه مي وكعدت بالحديقه الوره وصرت افلس التمر لاني جنت ناويه احمسه بالزبد و احشيه بفستق واغلفه بالمبروش والسمسم واخلي بعلب اقدمه بالعيد
وفلست اكثر من نص الجيس ورحت احضر العشه وهم الشيخ ماتعشى ويانه اليوم ومن كملت تعزيل المطبخ كعدت احمس التمر واسويه بشكل كرات واصابع طولانيه واخذت كم وحده بالماعون للشيخه ومناسك اكلوهن وعجبتهن الفكره
والشيخه تكولي ..
- شكثر مابيدك ابدعي واطبخي هالناس عكلهن ببطونهم
سويت الكميه الي فلستها كلها وكمت متكسر ظهري من الكعده هيج .. نظفت المطبخ وباوعت للساعه صارت ١١ ونص .. رحت سبحت وطلعت
خليت جدر على النار وصرت اسوي كاستر للشيخ
وبعدني ممكملته وهو دخل ومبينه روحه بخشمه
كلتله بابتسامه ..
- الله يساعدك شيخنا شلونك
- هلا
بهتت ملامحي من رده البارد وهو راح يشرب مي
وعاكد حواجبه وبعدهه راح طلع لغرفه الشيخه
اني صبيت الكاستر بالماعون ورشيت فوكاه المبروش وخليته على الميز ورحت للغرفه شفته كاعد مرتاج على البوفيه وصافن والشيخه نايمه
استغربت حالته وكلتله بصوت ناصي ..
- شيخ الحلى كملته الك
باوعلي وصفن شويه وبعدها كام واجه وياي للمطبخ .. ذب الشماغ والعكال على جهه وصار ياكل بس مو بمثل الشهيه الي متعوده اشوفهه عليه كل مره .. جنت حاطه ايدي على خدي وصافنه بوجهه وهو مدنك وياكل ..
جريت نفس وكلتله ..
- شنو الي متعبك ؟
أنت تقرأ
حديثتي الشقراء
Romanceليست مجرد سطور .. انها رواية خلود .. حكمه ومبادىء .. روايه يحتاجها من هم في أوج الشباب تجسيد لمعنى كلمه ' قدر ' حديثتي الشقراء .. خالده عصرنا الالفيني الغلاف من صديقتي الغاليه Marwa-Albidhani ✨..
Part_32_
ابدأ من البداية
