وطناً غيركِ يحويني
ماذا فعلت لتتركيني
ذنبي دافعت عنك بقوتي
ولا أستطيع ترك الارض تناديني
أن أدافع عنها فتحميكِ وتحميني
خوفكِ
أقوى وجعلك تفارقيني
أحساسي ومشاعري قولي لي
جاوبيني
خذيني بهمومي واأوجاعي
ومشاهد الالم تغزيني
لاتعرفين مابداخلي لتعذريني
وتريدين مني أن أسامحك
وأنتِ لامانتي خذلتيني
قلبي أمانتك
لاينبض الا بمحراب أنفاسك
أمانتي أنتي
وحبك ياوجع كل أيامي وسنينِ
💔💔💔💔💔💔💔💔💔
أمانتي .. مشاركه رائعه كشخصها .. من متابعه ملاك الياسمين .. ممنونه منج حبي ..
هيفين ..
هربنه من الانتظار البطئ للموت ووگعنه بطريق .. لابل نفق مظلم منعرف نهايه هالنفق شنو .. موتنه لو بصيص امل للحياة ..
كفكفت الدموع .. ماعاد ينفع .. صار الوكت اتحمل نتائج خياري ..
الطريق خطر سيطرات داعش نفوتلهه بس ماتعرضولنه وبكل سيطرة يخلون ابن ميس يبجي واحمد يتحارش بمريم يخليهه تبجي هيج توجيهات السايق يكول بلكي ينخبصون بلكي يتعاطفون ..
جنت كاعده بالخانه الاخيرة وكل شويه اصد للطريق التفت ليورة وكأني مضيعه شي ..
مايفيد بعد .. بعيد الطريق صار .. الفجر بده يطرنه وتتكشف الدنيا وينزاح الظلام ياريت هالمنظر اليومي الديتكرر من ينجلي الظلام ويبزغ نور الفجر وبالاخير تشرق الشمس ياريت يصير حرفيا ع حال بلدنه وع اوضاعنه ..
جنت احاجي روحي .. الدرب صار بعيد .. هسه كعد لو بعده نايم .. اتذكر نومته ووجهه الساكن تطفر دمعه من عيني .. سوده بوجهي ع هالعمله بس والله مابقالي حل ..
احس .. احس واحد لازم گلبي بيده ويشرح بي بسجينه عميه .. لاهو الذابحني ومرتاحه ولا هو المرجعلي گلبي .. ياگلب هذا .. ماعندي گلب .. عفته هناك يمه ..من زمان مسلمته اله محلل وموهوب ..
السايق گال طريقنه يصيحوله ذراع دجله منطلع ع الفلوجه لان الفلوجه الي يطبلهه ميطلع بعد التشدد بالسيطرات ازيد هناك بينما الرمادي نصهه بيد الدواعش ونصهه الثاني بيد الجيش العراقي ..
فنطلع ع الصقلاويه ومنهه لسامراء ومن سامراء لبغداد ..
بس طلعنه الصقلاويه صارت السيطرات كولهه جيش عراقي ..
يرحبون ويستقبلون مي واكل خاصه اذا شافوا السيارة بيهه اطفال ومفارز طبيه ..
كمت الوج من الطريق .. طويل وگعده طويله ..واني اصلا عندي سفرة من الطريق ..
دخت وصار وجهي اصفر كركم .. وبس اريد استفرغ
طلبن البنات من ايهم يحاجي السايق يوكف ع جانب الطريق ماقبل كال الطريق جوله ماكدر اوگف السيارة وانطاني علاگه ..
لزمت روحي كوة ..
خاله غسلتلي وجهي ببطل مي واني اريدلي اي حجه حته ابجي ..
رادت تشربني مي حته ارتاح عود واني روحي لعبت حته من المي كمت اتخيل نفسي شربته وتصعدلي الحموضه واريد اذب من راسي ..
وخرته عني ..
مسحتلي وجههي بعبايتهه ..
شبيج ياعيني .. گلبچ لايب عليه ..
صديت لعيونهه . . حمر باجيه تمسح بدموعهه ..
زاد البجي مالتي حضنتني ..وهي تهتز اكتافهه عرفتهه هي هم دتبجي ..
ثنيناتنه ودعناه عد ابو خيمه الزرگه الي الودائع يمه ماتضيع ..
اول سيطرة لاگتنه كال السايق نزلوا غسلوا واكو تواليت ومفرزة طبيه لبتكم .. يقصد عليه ..
كل الي بالسيارة نزلوا .. اخرهم اني .. خالتي ساعدتني انزل ..
رحت ع مفرزه طبيه .. حاجاني مضمد .. ماكو نسوان ..
مانطاني شي بس قاسلي ضغطي منخفض حيل 4 جابلي لبن شربته ..
اخذت وياي بطل ثاني للطريق ..ماشربت مي .. دخلت للتواليت ..
غسلنه وطلعنه ..
وصلنه سامراء .. بر الامان .. لهنا مواصل داعش ..
بس ماظلينه بيهه ..
جانت يمكن بالتسعه الصبح السايق نزلنه بمطعم مانزلنه ريوك نزلنه غده ماردت اكل اني لسه معدتي تلعب من الطريق ..
بس خاله طلبت كباب شوي اليه والهه .. ماردت اكل اخذتلي حصتي سفري وسوتلي لفه صغيرة من حصتهه ..
ماردت بس بخزرة وبخاطر جبرتني اكل لفه صغيرة افك ريكي بيهه من بعد ماذبيت العشه كوله ..
طلبتلي خاله استكان جاي .. طيب حبيته وطلبت ثاني .. للحظات نسيت مصيبتي .. بس رأسا تذكرت ..
