بنوته عايزه تلتزم ( الجزء الثاني )

شوية فضفضه

انا عارفه انك بنت ومشاعرك رقيقه زيك ☺🌿
وقلبك كان دايما سبب فى وجعك 💔
عارفه انك موجوعه من حاجة ميعرفهاش حد .. او يمكن انتى نفسك مش عارفاها 😔 !
بتقولى بلسانك بكرة افرح .. وبكرة بيجى ومفيش جديد 😞 !
عارفه انك خايفة على قلبك اوى .. عارفه انك هشه اوى من جواكى وممكن لو حد فكرك بموضوع ما تنهارى وتتكسري من جواكى 😢 !
عارفه ان كتير اوى خاب ظنك فيهم وكتير اوى ظلموكى 💔 !
شوفى بقى يا بنت النبى ☺
ربنا هيديكى على اد الوجع ده كله فرحة تخليكى تقولى .. هو انا ازاى اصلا كنت زعلانه !
هو انا ازاى كنت فاكرة ان مفيش امل ❤💚 !
هو انا ازاى كنت بنام معيطة اغلب الاوقات 💗💚 !
اقولك ليه ربنا هيعوضك .. ؟!
لانه هو اللى حاطك فى المواقف دى .. وهو اللى امرك بالصبر والاحتساب .. وهو اللى خلق قلبك الضعيف اوى ده 💚 وعارف انه مش طيب بس  .. لا ده غلبان اوى وراضى بالفرحة حتى ولو هيكون نصيبه منها يوم واحد 😊
ربنا وعد الصابرين بالبشرى .. وبشر الصابرين ☺💕 !!
ومن #لطف ربنا بيكى :))
ان #الفرحة بعد الوجع بتبقى #اضعاف اضعاف حجمه ♥
أصله سبحانه عايز يعلمك #درس ♥ ,, بس من رحمته اقسم على نفسه يفرحك فرحه #تنسيك ألم الدرس :)♥ !
" ذلك #تخفيف من ربكم #ورحمة " :)♥ !
والله ما كلام وخلاص .. ربنا قال فى كتابه " انا كل شئ خلقناه بقدر " !
يعنى ربنا خلقنى وخلق الكلام ده وخلق الوسيله اللى اوصلك بيها الكلام ده #بقدر .. مش هباء كده والله ☺
انا بنت زيك وحسيت بكل كلمة بقولهالك .. ومريت بحاجات كتير اوى خليتنى فى عز المحنه مبفكرش فيها .. !!
بفكر فى الفرحة اللى هتبقى اكبر منها بعدها علطوول ان شاء الله 💕☺💚
خديها منى .. ربنا هيعوض كل لحظة وجع عيشتيها بسنين من الفرحة 💖💓 وابقى افتكري كلامى وادعيلى 😃
رساله من ربنا باسمك من السماء 💌 ღ

علاج الفتور ___♡

انا رايحة فى اتجاه وحش اوى !💔😔

وحش اوى ليه بتقولى كدة يا بنتى ؟! 🤔

العبادة بقيت حاسة بفتور فيها جامد💔 .. عارفة كنت زمان اقف اصلى القيام كدة مبحسش بنفسي و ممكن اقعد ساعة اصلى .. دلوقتى مش بصلى قيام خالص ..نفس الكلام على القراءن و باقى العبادات💔

طيب بصي لو انتى متخيلة ان الانسان بيفضل على مستوى ايمان واحد تبقى غلطانة جدا !✋

الاصل ان الايمان بيزيد و ينقص ..شوية طالع و شوية نازل📈📉

يعنى قصدك ايه ؟! 🤔

قصدى انك ممكن فى يوم تبقى حابة اوووى تحفظى قراءن و تصلى قيام و تسمعى دروس دين و الصلاة كدة تكونى حاسة فيها بخشوع و دموعك تنزل مع بداية الصلاة💜💜  .. و يوم تانى تكونى بتصلى و مش حاسة بخشوع اوى💔

طيب اعمل ايه ؟😔

بداية كدة تكونى مستوعبة ان دا طبيعى ل اى بنى ادم👌 ..بس اللى مش طبيعى انك تكملى في الفترة لدرجة ان للاسف الثوابت بتاعتك تروح ! 😒

يعنى فى حاجات كدة اساسية مينفعش تقولى اصل عندى فتور !
زى الصلاة الخمسة فى وقتها
القيام حتى لو بركعة واحدة وتر
ذكر الله حتى ربع ساعة فى اليوم قسميها زى ما تحبى
قراءة من القراءن حتى لو نص صفحة

ابن القيم بيقول حاجة حلوة جداً ❤️ان الفترة دى المفروض تكون استراحة مقاتل لا نومة غافل 💪

المقاتل بعد الحرب كدة  بيريح شوية من المعركة .. بس وقت المعركة الجاية بيقوم و يقاتل بردوا مش بيفضل نايم و قاعد لحد ما يجوا يقتلوه هما

استغلى الفترة اللى قلبك بيكون مقبل فيها على طاعة و اعملى قد ما تقدرى و وقت الفتور اعملى الحاجات الاساسية اللى قولنا عليها فوق 💪☝️☝

متخلوش الشيطان يدخل لكوا من المدخل دا و يقولك ايه ريحتى خلاص بقى مبقتيش نافعة💔 !فا مرة على مرة يخليكى تسيبى ثوابتك و المبرر اصل انا عندى فتور ! دا مش هينفع 😔✋

ربنا يرزقنا جميعا الثبات و القوة الوعى الكافى للتغلب على الشيطان
إيمان صبري الحويني