بنوته عايزه تلتزم ( الجزء الثاني )

يوم من الحياه ... 😏

١_زوجه بتقف عندي و بتسألني بكام ارخص مانيكير قولتلها 5 جنيه اختارت لون و وقفت استنت جوزها اللي جاي من بعيد و بتقولي اللون ده كان نفسي فيه من زمان و فرحانه اني لقيته 😘 جيه جوزها و رد ايه التفاهه دي هاتي تشيرتات للعيال احسن خلي عندك دم 😭 اتصدمت جداً من الرد و هي في لحظه اتكسفت و وشها اصفر و بصت علي المانيكير و سابته من ايديها و قالتلي شكراً و مشت و هي مكسوفه و مضايقه جداً مع العلم ان جوزها في ايديه علبة سجاير I.M و اكيد بيشتري كل يوم

٢_ اب كبير في السن بيقولي وريني احلي و اغلي حاجه عندك عشان بنتي 😍😍😍 فرجته ندالها من بعيد و جيت قالها هاتي يا بابا اللي نفسك فيه و البنت مكسوفه و وشها من الفرحه كان بينور اختارت روچ و فضل يلح عليها و ايه تاني و ايه تاني اختارت حاجه تانيه بالعافيه و هي مبسوطه اوووي اووي و باين عليها فرحتها مش بالحاجه قد حضن باباها و هو بيشاركها و بيخترلها 😘😘 خدي دي يا بابا لونه بنوتاتي الموقف عجبني اوي و فضلت مركزه معاه لحد ما مشي 😄

٣_ بنت جميله شابه و معاها اخوها اصغر منها عندها جرح مضايقها جداً في وشها و جيالي مخصوص عشان تاخد ديرماكول تداري الجرح و لما ملقتش درجه مناسبه اضايقت جداً اخوها بصلها و قالها صدقيني وشك جميل اووي مش محتاج انتي اللي مركزه في الجرح لكن اللي هيشوفك هيركز في حلاوتك مش في الجرح 😍😍 البنت سمعت الكلمتين دول و اتبسطت اوي و رجعتلها ثقتها في نفسها لمجرد كلمه حلوه سمعتها 😋

٤_ زوج و زوجه و معاهم 3 اطفال منهم بيبي بيرضع وقفت الست تتفرج اخد منها البيبي و فضلوا ينقوا مع بعض درجة روچ تليق عليها اختارت درجه قالها لا دي عندك منها اختاري اغمق 😘
ترد لا مش عندي لا عندك بس انا مش فاكره اني معايا دي قالها لا معاكي و كانت ماركه ماك و اشتريناها مع بعض السنه اللي فاتت من اسكندريه تضحك الست و تفتكر و تقوله انت فاكر حاجتي 💄💄 و انا نسيتها يرد فاكر يوم فرحتك بيها لما لقتيها عملتي فرح يومها 😍😍

الخلاصه 😄😄 تصرفات الراجل بتنعكس علي الست اوي و هو اللي في ايده بكلمه او حاجه بسيطه يسعدها 😍😍😍
و هو كمان اللي بكلمه بسيطه يتعسها و يطفي نور حياتها 😇😇
الاهتمام ثم الاهتمام ثم الاهتمام
الراجل الاول كان ممكن بـ 5 جنيه بس يفرحها سنه قدام عكس تصرفه هتخنقها سنه قدام و مش هتنسهاله ابداً 😭😭
الاب و حبه لبنته و دلعها هيخليها تطلع شبعانه نفسياً من محبة و عطف ابوها اللي محدش يقدر يعوضه 😘
الاخ هو سند البنت و مرايتها هو اللي بيخليها تحس بالامان حتي لو هي مش واثقه في نفسها 😇
الزوج اللي بيهتم بالتفاصيل الصغيره اللي بتسعد مراته و يهتم بيها و بمشاعرها هيسعدها طول العمر و مش هتنسهاله ابداً و هتردهاله سعاده و فرح جوه بيته اضعاف 😘😘😘
يوم من الحياه بتفاصيل واقعيه جداً جداً 😏