أرجع يازمن للطيبة محتاجين
ياريتك تحس بلحال وتعود
أنقفل باب الحنان الجان موجود
ومن يوم الرحت لليوم مسدود
أحس ضاع الوفة والدنيا مو ذيج
وأحس كلشي حلو ما عاد موجود
وصار الحب مجرد كلمة التنكال
وسهل صار الدمع ينزل علخدود
وعلاقات هلوكت صارت مصالح
وقل حتى السلام وصار محدود
ياريحة أهلنا ألج حنيت
يالما تشبهج كل هاي الورود
عودي ياليالي الخير والطيب
تعبنه بغيبتج والحيل مهدود
