علي تدري من احس هم بصدري يدور
أول واحد أنت اللازم أحجيله
يجي شباكك بالي من إظل محتار
من أشعر روحي رادت واحد أبجيله
أعايلك دمع من بين اللي يزورون
يا صاحب مضيف اللي مالهم حيلة
هنيالك علي بهاي المحنة البيك
وهنيال البخيت اللي أنت تدعيله
لوما تفزع على الجايك جا ما
على قبرك طاحت الغترة والشيلة
باأمل ضيك تره
مصبر هواي هموم
كلما تكضي ليلة وأعدهن الليلة
من شمسك ياابو الحسن ردت لو خيط
عند اللي مثلي ظلمة هواي يعنيله
يالمعلمني من تقسى الحياة أنخاك
أذا حسيت أجتني من الوكت عيلة
ما أشوفك وأسولفلك وأحس موجود
تسمع كل كلامي بكل تفاصيله
أحس بيك بوقتها والله لو تنشاف
جا شافوك والد وأبنه يشكيله
من سألوني أزورك من يرك الحيل
ممكن لا كلت لكن علي ابحيله
أنا من أبجي أذا ما أزوره متفقين
معناها رسايل جاي أوديله
هل لمشتاق أليكم من وصال ؟؟
