Nə vaxt ki can vardı mənim canımda,
Ümidlər axardı onda qanımda.
Günəşli günlərdə oldun yanımda,
Mən səni görmədim ay işığında.
Ölənə qədər mən gözləyən oldum.
Tükəndi sözlərim, qəm deyən oldum.
Həyat süfrəsində qəm yeyən oldum,
Səni andım inan hər qaşığında.
Birazca qarışıq olanda başın,
Məndən uzaq oldu sənin yaddaşın.
Ancaq, səni anıb bax bu sirdaşın,
Hətta həyatının qarışığında.
Bu yol uzanacaq yarışarıq biz.
Bir gün vaxtı gələr barışarıq biz.
Darıxma bir zaman qovuşarıq biz,
Həyatla ölümün barışığında.
- Hümbət İsmayılov
YOU ARE READING
Şeir və şər ✓
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan Tanrıdır.