حب في الشركه

بارت 7

كعدنه نتريك انه وامي وكتلها يلا خلصتي ارجعي نامي كالت لايمه اكعد بالاستقبال وماكوم وصلتها كعدتها ورجعت كعدت نور كومي تريكي ماقبلت تكوم كالت شكو قابل دوام عندي. خليني انام
عفتها وطلعت لكيت حسن كاعد اكيد يكعد هالشيطان من الصبح يلعب ريكته وكتله روح يم ماما موتسوي حركه اكعد يمها خاف تحتاج شي.
خلص هاليوم مثل باقي الايام صار الليل ونمنه وافكر باجر عندي دوام 😑
نمت وكعدت ب7سويت ريوك تريكت وكعدت نور كتلها رايحه للشغل دير بالج ع البيت وعله امي مو تشغلين الطباخ ريوك محضرته
وطلعت للدوام وصلت للشركه ..

-مصطفى اليوم كعدت من الصبح لان راح اداوم وريم هم اداوم طلعت بالسيارن بسرعه وصلت للشركه وشفتها استوها وصلت نزلت بسرعه
كتلها صباح الخير
-ريم: صباح النور
دخلنه للشركه سوه صعدنه المصعد وانه صافن عليها دارت وجها ليه بسرعه درت وجهي 😌
نزلنه وكعدت بالمكتب مالتها بصف غرفتي مال مكتبي. شلت التليفون خابرت عليها من المكتب كتلها اريد جاي
كالت هسه اكول لابو عباس يجيبلك كتلها لا اريد منج جايج اطيب 😅
سكتت وكالت ماشي سدت التلفون
وراها بدقيقه. دكت الباب ودخلت كتلها ميحتاج ادكين بسرعه ادخلي (بكلبي باب كلبي انفتح بس الج)
خلت الجاي وطلعت
كعدت اشتغل بالملفات
لازم اليوم اخلصهن لان يومين وعدنه اجتماع يجونه عملاء. من شركات اكبار
كعدت اشتغل صار وكت غده ماطلعت اجت ريم كالت انه رايحه اتغده كتلها ها ماشي كالت ماتاكل انته كتلها جيبيلي هنا اكل
كالت شتاكل كتلها بكيفج
راحت واجت جابتلي كباب وكلاص جاي وياه كعدت اكل لكمه عين بالاكل وعين بالملف كالت اساعدك كتلها توكليني 😄
باوعت صفح كالت ع ملفات 😒
كتلها تفضلي جيبي كرسي وكعدي كعدت وياي. ع مكتب وتشرح المكتوب وغيرت كم فكره 😐انه بس صافن عليها
دارت وجها ليه تلاكينه وجه بوجه 😮صفنه وبسرعه اني كمت كتلها رايحه اغسل كملي شغل
طلعت كلبي يدك 😂اخ ربي اشسوت بيه هالريمو
شويه ودخلت ونشتغل ع ملفات بس غيرت مكاني ماكعدت بصفها صارت هي متريسه المكتب 😂يلوكلها والله
وانه كعدت مقابيلها كالت هالملف ناقص كتلها اشوف اخذته منها وتلامست ايدي وايدها. يالله مايخلص اليوم. اخذته منها وقريته وصدك ناقص همزين راجعتهن كله من وره محمد عود مخليه ع ملفات يراجعهن وكال مابيهن شي كاملات صارت ساعه ب6واحنه بعدنه بالمكتب الموضفين كلها طلعت. هي ماتدري بالوقت .كعدت ادور ع ملف وينه اجت ادور وياي وهنا صار 😮طفت الكهرباء يالله 😮

شراح يصير بينهم 😱