حب في الشركه

بارت2

رجعت للبيت وشفت ام ساره واكفتلي رحت ليها هلا خاله شلونج كالتلي هلا يومه  اجيت. اكلج كلت لمحمد وكال اكو وضيفه بشركه بس تشتغل بكافتريه الشركه يعني تجيب جاي عصير للموضفين
كتلها  خاله وشكد ينطون فلوس
كالت يومه 150بالشهر 😐
كلت بكلبي حمدالله اهم شي اتعين وساعد امي سألتها ع العنوان ونطتنياه  رحت للسوك اشتريت مسواك ورجعت للبيت لكيت امي نايمه وحسن ديلعب بالصاله ونور بغرفتها تقره كعدت احضر بالعشه كليت الهم بتيته وكت الاذان كعدت امي حته تصلي ونتعشه صليت انه وحضرت السفره زلاطه وركي وبتيه وطماطه ولبن صحت لنور وحسن تعالو تعشو اجت نور واجه حسن كال شنو هاي هم بتيته يوميه نفس الشي ماريد انه اريد كباب وطنكر علينه وراح رحت وراه كتله حبيبي تعال اتعشه وباجر اسويلك كباب من عيوني والله ولاتزعل كال خاف هم تجذبين عليه كتله لا حبيبي والله اسويلك باجر 😟
جبته وياي وكعدنه نتعشه وخلصنه وغسلت المواعين ونضفت المطبخ ورجعت لفراشي تعبانه وافكر بعملية امي عندي بس 200هسه شلون ادبر 200الثانيه نمت ودموعي ع خدي كعدت الفجر وي صلاة صليت وحضرت الجاي وريوك الهم جبن وبيض سلكت الهم كعدو ب7نور اتريكت وراحت للدوام وحسن بقه يلعب وصيته لايطلع يلعب بالشارع ابقه يم امي حباب بس اكمل شغلي ورجع
طلعت الصبح. ب 8
لبست بنطرون اسود وبدي اسود وشال موروني ورحت لعنوان الشركه وصلت للباب ومااحس اله اندعمت بالباب الزجاج 😒يافشلتاه من اول يوم مادري اكو باب 😭تعورت بكصتي لان ممبين كله شفاف وسمع واحد وراي يكول شبيج عميه متشوفين
درت وجهي بعصبيه 😒وكتله وشعرفني اكو باب واول امره ادخل هنا. وبعدين غير يخلون فد علامه شي مو كله شفاف. كمت احجي عليه يربي شكد شايف نفسه مكروه بس هوه صافن ماسمعني مدري شبيه دخلت بسرعه لشركه بعد مادفعت باب الزجاجي 😂

خل اعرفكم ويامن تعاركت 😂
يلا عيني عرف نفسك بسرعه
لا ماعرف كيفي
دنجب ويلا عرف نفسك. وجه الطاوه 😒
-حاظر ست ☹
هلاو انه اسمي مصطفى عمري 30سنه عيوني جوزي جسمي ضخم طبعا اذا العب حديد 😁
وطويل وانيق 😌والبنات كلها تركض وراي
انه ابن الوحيد لاهلي مدلل يعني ابوي صاحب شركات وانه منطيني شركه انه الاديرها
المهم. طلعت من بيتنه صعدت. سيارتي الجارجر ورحت للشركه نزلت واشوف بنيه اندعمت بالباب مال الشركه 😂صدك ضحكت عليها وكتلها شبيج عميه متشوفين الباب 😂وهي دارت وجها الي 😨وانه ضليت صافن بيها وماسمعت غير اول مره ادخل وضليت صافن بملامحها وبعيونها الخضر يخبلن  وهي تدردم عليه وطبت لشركه ضليت احجي وي نفسي يا شبيك مصطفى مشايف بنيه حلوه 😕

🍃
‏ولأنكِ جميلة العينين إفعلِي كما قال
القيصَر , ابتسّمي تمردي تكبّري وتدللي .