حب في الشركه

بارت 6

-ريم الحمدالله الله كوم امي بسلامه
طلعت اشتري مي من الكافتريا
وجان اشوف مصطفى كاعد بالكافتريا
وي ماشافني اجه بسرعه يريد يحجي وياي يعتذر مني بس مانطيته مجال ولارديت عليه بسرعه مشيت بالممر شفت حسين كال جيت اطمن عله امج الحمدالله عله سلامتها كتله الله يسلمك
كال محتاجه شي كتله ها لا كال لا كولي فدوه اذا رايده شي انه بالخدمه
كتله اريد شغل بهالاثناء اجه مصطفى
رد عليه شغلج موجود وترجعيله وتصيرين سكرتيره عندي وانه اعتذر منج
باوعتله صفح 😒ودرت وجهي لحسين كتله بلكت تلكيلي شغل كال ماكو احسن من شغل وي مصطفى واعتبريه كأعتذار الج وهوه غلط وندمان بلي سواه وياج
حته هوه الي تبرع بالدم لامج انه تفاجأت بكلامه 😯ضليت ساكته كال ها انكول مبروك
كتله ان شاءالله بس يومين واداوم لان ابقه يم امي اداريها
كال براحتج ومشيت لغرفة امي لكيتها نايمه حاجيت نور وحسن يرحون للبيت وي محمد يوصلهم لان صار الغروب علينه وكتلهم الصبح احنه يمكم. راحو
وانه بقيت يم امي سهرانه ..

مصطفى. من شفت ريم جايه للكافتريا جدا فرحت كلت خل اعتذر منها بس مانطتني مجال بسرعه راحت بدون ماتحجي لحكتها امشي ع كيفي من وره رجلي امشي ع عكازه صعدت المصعد اريد الحك عليها شفتها تحجي وي حسين علمود الشغل بسرعه رديت شغلج موجود وتشتغلين سكرتيره عندي ماعجبها كلامي باوعتلي صفح ماردت عليه
كاللها حسين اي احسن من هذا شغل ماكو وانتي محتاجه هالشغله وبعدين مصطفى ندمان اعتبريه كأعتذار منج وهو هم ماقصر تبرع لامج بالدم انه فرحت بكلام صديقي حسين وكف ويايه 😍شفتها هي صافنه اتفاجأت بكلامه وسكتت كاللها نكول مبروك يعني
كالت ان شاءالله بس يومين واداوم
انه كلت بكلبي (يمعوده سبوع وداومي صدك جذب بس خل اشوفج يمي) 😂
جدا فرحت كلت واخيرا قبلت واشوف هالكمر يوميه 😍 طلعت من المستشفى رحت للبيت كعدت افكر بيها كلت هيج وتصير مرتي 😍اويلي
نمت وانه تفكيري يمها الصبح مارحت للشركه بقيت بالبيت ..

-نرجع لريم. صار الصبح وطلعنه من المستشفى طبعا محمد اجه اخذانه الله يوفقه وكف وكفه ويانه ماننساها كتله مشكور ماقصرت ويانه كال شدعوه ريمو
الجار للجار
وصلنه واشوف نور وحسن بالباب واكفين
يمهم ام ساره وساره وطكتنه هلهوله 😂دخلنه للبيت نيمت امي بغرفتها وراحت ام ساره وساره كالت يلا نعوفكم ترتاحون
وصلتهم للباب ورجعت انضف البيت 😑وطبخت الغده صارت 11ونص نمت شوي تسطحت 😕تعبانه صار وكت الاذان كمت توضيت وصليت شكرت ربي
صليت صلاة الشكر خلصت رحت وديت الاكل لامي اوكلها خلصت غسلت الماعين
وصحت لحسن ونور ياكلون كعدنه نتغده واسمع كلاص وكع رحت اركض لامي شفتها تكوم تريد مي وكعت الكلاص كتلها يايمه ليش تكومين جان صحتيلي
كالت يمه والله تعبتج وياي الله يجازيج وتحصلين ابن الحلال اليصونج وباستني من راسي كتلها ما مازوج انه ابقه يمج اضحك وياها كالت يمه البنيه بيتها بيت رجلها كتلها هايوم طرتيني خوش خوش
مليتي مني هاي جزاتي
كالت يايمه منج شعندي غيرج كتلها اي هيج انطيتها كلاص مي وكتلها بس تردين شي صيحيلي لتكومين وحدج
وطلعت لكيتهم. مخلصين غده صحت لنور كتلها تعاي انتي موخلصتي امتحانات اتعلمي اشتغلي تعاي غسلي الاماعين وانه رايحه انام شوي
رحت لغرفتي نمت لساعه 4ونص كعدت. صحيت اركض لامي نسيت ماشربتها دوه ب3 رحت شربتها دواها كعدت شوي يمها جابت طاري اختي 😒عصبت عليها كتلها بله اخت هي من يوم التزوجت ولامرت علينه ولاسألت امي شبيها مابيها
وانتي بعدج تحجين عليها وكمت معصبه منها طلعت من الغرفه
رحت بدلت اطلع اتسوك للبيت تسوكت من ورجعت سويت العشه كملت صليت وهم صحتلهم كالعاده وديت عشه امي اعشيها وشربها دوه
وخليت المواعين عله نور خل تتعلم تشتغل بصف اول وحتروح للثاني ان شاءالله خليت طبخ عليه اخاف عليها تنجوي ومواعين عليها رحت ذبيت روحي ع جربايه ونمت ماكعدت لمن اذن. كمت اتوضه وصلي رحت اشوف امي لكيتها تصلي كلت حمدالله خلصت بستها وكتلها تقبل الله وصليت يمها. وكملت رجعت نمت. ب7ونص كعدت بيت كله نايم ماكو دوامات رحت اشوف امي لكيتها ماهي بالغرفه 😨صحت يومه لج وينج ضليت اركض واشوفها كاعده بالمطبخ 😒كتلها شكومج هبطتي كلبي
ادور عليج مو كتلج نامي. للتحركين
ام ريم ;يمه تعبت من النوم ضهري اتكسر كلت خل اكوم اكعد شوي بالمطبخ شربت استكان جاي كتلها وفوكاها مسويه جاي بعد 😕جان كعتيني
استغفرالله